تويت
صباحكم /مسائكم
صحه ورشاقه
كيفكم أن شاء الله تزقحون
موضوعي باين من عنوانه
( غذاء صحي لذيذ )
ومثل ماقلت الموضوع خاص بالدبدوبات وبس
وأي وحده نحيفه ومعصقله تقضب الباب مانبيها
أمززح أمززح موضوعي للكل ف الاكل الصحي مفيد للنحيفه قبل الدبدوبه
ب موضوعي اليوم بحاول أجمع فيه بعض تجاربي بالأكل الخاص بالرجيم
لأني كنت أعاني من السمنه وكنت أكره الرجيم بسبب أكله اللي كأنه أكل مستشفيات
بالبدايه قلت ببحث بالنت ع نظام غذائي معين وبمشي عليه بحذافيره وخلاص
وبديت أبحث ولقيت ريجيمات أشكال وألوان
رجيم الماء << تعيشين ع المووويه طول اليوم
رجيم الكرون فليكس << ماتاكلين الا كرون فليكس وحليب وبكميات محدده بعد
رجيم الخمسين كيلو ب شهر << أما هالرجيم نكته زبدته أنك تقريبا ما تاكلين شئ
رجيم الببسي والسنكرز << لا تستغربون أبحثوا عنه بقوقل وبتلقونه
ولا ريجيمات الوجبه الاساسيه فيه بيض مسلوووق وأنا ماأحبه ولا أستسيغه لحاله
طبعا كنت حاطه براسي أني مابي أسوي رجيم يكون النزول فيه سريع وأذا تركته أرجع دبل ويروح تعبي ع الفاضي
فقلت يابنت ليش ما تسوين لك أنتي نظام خاص فيك وتمشين عليه
طبعا أول شهرين كانت تخبيص من راسي وتجارب لين أكتشفت الشئ اللي يناسبني
والحمدلله مشيت ع هالنظام ونفع معاي
مع أني كنت أخبص أحيانا وأخذ أجازات مع الشعب
( يعني يوم الخميس يوم مفتوح _ وأجازه الحج برضو مفتوحه من غير رجيم -
وأجازه بين الترمين - وأجازه الصيف )
بس الحمد لله ع كثر أجازاتي وتخبيصي فيها الأ أن وزني مايرجع وهذا أهم شئ
وأذا رجع يرجع شئ بسيط يعني كم جرام أو بالكثير كيلوو
طبعا نظامي كان يعتمد ع كم نقطه وهي
1- الأكل
وكنت أكل وجبه وحده باليوم + سناك وعصيرات
مع أني سمعت أنوه خطا
ولازم ناكل 3 وجبات باليوم بس بحكم أني عاطله ونوووومي متلخبط أعتمدت هالشئ 
طبعا أهم شئ أنك ماتحرمين نفسك من شئ خاطرك فيه ولا تجوعين نفسك
حاولي تراقبين أكلك ونوعيته وأعرفي الأشياء اللي تسمنك وأبتعدي عنها
وغالبا ماتكون الشوكولاتات والمشروبات الغازيه
2- الرياضه
أنا كنت أمشي ع الاقل نص ساعه يووميا
لأن تخفيف من غير رياضه ماراح ينفع ولو نفع راح يترهل جسمك
صح أنوه الوضع ممل بس حاولي تشغلين نفسك
( أستغفري 100 مره - وسبحي 100 مره - وأقري أذكارك - أو تابعي برنامج ع التلفزيون)
وماراح تحسين بالووقت أبد وبيمشي بسرعه
غير هيك معلومه حبيت أفيدكم فيها
كثير بنات ع بالهم أن المشي السريع والجري يحرق الدهون أسرع وهالمعلومه غلط
المشي السريع : ينزل المويه من الجسم
المشي البطئ أو ع سرعه متوسطه : يحرق الدهوون
3- شرب الماء
مهم تشربين 8 كاسات مويه باليوم
أنا بالبدايه ماقدرت وكنت أغصب نفسي ع 5 كاسات وبعدها أوقف
وخصوصا لما دخل الشتاء صرت أصلا أنسى أني أشرب
فسويت طريقه تساعدني وتذكرني
كل ما شربت كاسه نزلت ورقه
4 - الشاهي السحري
عاد هذا سر وماراح أقولكم عليه
<< تابعوني لنهايه الموضوع وراح أقولكم عليه
طبعا النتيجه أني نزلت 25 كيلو الحمدلله << قولوا ماشاء الله لايرجعون
وتحولت مقاساتي من XXL الى M
ولازلت مستمره لين أوووصل للمثالي بأذن الله
أدري قرقت عليكم واجد بس كنت حابه أوصل لكم تجربتي
عشان الكل يستفيد وكل بنووته دبدوبه تشوف أن الموضوع بسيط
ومايحتاج الا شوويه صبر وشويه تعب وعزيمه وتوصل للي تبيه
وحطي ببالك أنه التعب منسي وأنك بتتعبين كم شهر وبترتاحين وتتهنين طول العمر أن شاء الله وحطي ببالك أنووه مافيه شئ سحري ينزل الوزن مهما قالوا ومهما أقنعونا مستحيل ننحف وأحنا ناكل واللي تبدأ بدايت وما تنحف لا تقول حاولت وما نفع لازم تصبر اقل شي اسبوعين
حتى تعطي جسمها فرصه انه يبدا يحرق الشحوم المتراكمه صعب نبدأ 4 ايام وبعدين نقول ما نحفنا
قوي عزيمتك وتوكلي ع الله وكثري من الدعاء لأنه أهم شئ
.
..
تعليق