(( جذع الوله )) منقوله طبعا




أهتز جذع الوله وتمايل اغصونه
وانهلت اهات فيها اشواق وقاده
والدمع قام ايتوايق حار بجفونه
كم صاح منديل ذكراها / ولا فاده
واقبل / يغطي بريقه لا يشوفونه
ناس عجبها عذاب الروح /حساده
ياغيث قصة عناق ن فاض مكنونه
الديم عابد / وخد الشوق / سجاده
حتى اختلط ديمها بأهات مسجونه
والنفس / مابين معشوقه وجلاده
قاومت سجة خيال الليل ومزونه
مشيت ديم السحر واختل ميعادة
ياناشد القلب ويش امسهر اعيونه؟
نبضه يجاوبك لا حسيت به ناده
جرب عسى يلتقي نبضك بمضنونه
وتصير فرحة لقاء عاشق بميلادة
عيني وقلبي بزوغ الفجر يرجونه
سير على نبض لا ناديت له زاده
ماتدري ان الهوى طاغي على كونه
وماتدري ان السهر للصبح نعتادة
وما تدري ان الوله ما ينقرأ لونه
وان المحبين ما / يخشون / نقاده
الليل / لا حل / يبدأ يتسع بونه
والهم / لا طل /فالله يعين رواده
البارحة والسهر والدمع وجفونه
ترك لي الاه / والأشواق وقادة




ولكم الشكر والتحية