تويت
يمه يايمه يايمه يمه يايمه يايمه لكل أم
مهما طال الزمن .. لاينتهي الحديث عنها لعلو مقامها
قصيدة عانقت السماء للمبدع مشعل الشايقي
اتركها بين ايديكم
//
يمه يايمه يايمه يمه يايمه يايمه
من ثلاث حروف كلمة تحمل الشي الكثير
حب واحساس وموده مع حنان فيه رحمه
هي دفانا في شتانا وظلنا وقت الهجير
القصايد والسوالف ماتعبر وصف كلمه
والحروف الأبجدية تنتهي فيها وتحير
يا حلات الدنيا فيها كل شي يحلو طعمه
حتى مر الهم فينا بسمها حالي يصير
الله لاناديت وردت كل عطر الكون اشمه
مسك عنبر عود ورد ازهار تنثر لي عبير
والله يالبيه منها من خفوقي تشل همه
تزرع البسمه على جالي ولو همي غدير
هي غذا روحي نظر عيني وهي للقلب دمه
قلبها من حبها لي كني معها به خشير
في ظلام الهم تشرق في شفاها شمس بسمه
تهدي فرحي من نظرها لا يجي ساعه ضرير
في غيابي تنتظرني عينها طيفي تضمه
بس تدعي لي تسمي كني الطفل الصغير
الله لايخلينا منها نعمة والله نعمه
من فقدها عزتي له كنه الطير الكسير
ياء وميم وهاء ثلاث حروف للعالم مهمه
قدرها الأديان عظمته غدا فرضٍ كبير
تسعة شهور الضنى في رحمها ثقلٍ يزمه
موتها عند الولادة تلمحه والله الستير
كل منا في مهاده ممه اول نطق فمه
وريقنا الأول حليب الود وغذانا الوفير
سبع حجاتٍ على اكتافك جزاها ماتتمه
قالها مبعوث ربي المصطفى النبي البشير
وش بعدها الجنه تحت اقدامهن أمر ياعظمه
ربي يحفظهن ويرحمهن ويجزاهن بخير
تعليق