تويت
الذيب!!!بقلم الشاعر العراقي حسين الساعدي
الذيب
اني ما نادم على ما فاتني
لا ولا نادم على خل غدر
بس انه نادم على من خانني
الشاركاني خبزتي يوم السفر
الزمن مسكين ليش اتعاتبه!
عاتب الصاروا مصادر للخطر
واحذر ابدنياك سوء العاقبه
أوشور عقلك ترى عقلك مختبر
والشهامه على المثلك واجبه
خل كفن دنياك ثوبك للقبر!
وخلي شخصك والضمير ايحاسبه
واحذر اعله المنقصه اتغض النظر
الذيب مو سهله يخون ابصاحبه
الخيانه انوجدت ابدم البشر
وهاي دنيه عاليخون امقلبه
أبد ما تصحى إوتراويه العبر
أشما ترفعه للحقاره اتقربه
تالي ينظر نفسه ابكلشي خسر
وماكو داعي لليخون اتجربه
الخان مره ايعيش كل عمره قذر
لو تدخله البحر لأجل اتطيبه
ميتنظف راح ويوسخ البحر!!!
بقلم
حسين الساعدي
تعليق