طعم السهر بالحب احلى من النووووم..

تقليص
X
تقليص
 
  • الصفحة لـ 1
  • الوقت
  • عرض
إلغاء تحديد الكل
مشاركات جديدة
السابق template التالي
  • أسير
    عـضـو
    • Jun 2011
    • 2
    • يآ شين الليل لآ من طآل و لآ به من يسولف لك..
      يآشين النفس/ لآ اعتادت على روووح تخآويها.. !
    #1

    طعم السهر بالحب احلى من النووووم..



    ويش انت تبغي بي .. مع طاري النوم
    طيفك يبيتني .. ولابه مناعه


    احط خدي شوي واطريك واقوم
    ويغزي السهر عيني ولابه .. فراعه


    اسري وادور خط ماهو ب مزحوم
    واقول للهاجوس .. سمعا وطاعه



    من غبت حافظ لك وسط جوفي البوم
    ما اغير اقلب بالصور كل ساعه


    وجهك على جدار المعاليق مرسوم
    عين المهاه .. وخد يبرق شعاعه



    عز الله ان الناس معطى ومحروم
    فلان شاري فلان وفلان .. باعه


    غدا بك الوقت الردي جعله القوم
    والروح عقبك عايشه ... في مجاعه


    غذيتها .. دمع وتناهيد .. وهموم
    والقلب لا غذي من الصبر زاعه


    اي والله احبك لا ادري وش الوم
    الوم وصلك ولا الوم .. انقطاعه


    باحلفك بالله .. هو يقبل السوم
    قلب ما صدق فيك .. هرج الاشاعه


    واحلفك بالله .. والقلب مضيوم
    متاك تنسى عاشقك .. وارتياعه


    حبك بكوم .. وصدك التالي ب كوم
    فليت لجروح الليالي .. شراعه


    ان كان ما يجيبك سوى جرح وسهوم
    اجرح ويفداك الحشا .. والتياعه


    ياللي تواصل يوم .. وتغيب كم يوم
    غلاك في نقصان .. عقب ارتفاعه


    سكين غدر الوقت .. قاتل ومسموم
    ويالله سترك .. من طعون البشاعه


    متسحرك قلبي .. ولا فادك بك صوم
    ما كني موصيك .. واقول راعه


    مابه على دنيا الفنا .. حاجه تدوم
    واكبر دليل .. الحب .. ضعت بضياعه


    يا ليل .. وش سراك في قلب مظلوم
    منت برفيق لي ولا لك .. وداعه


    سريت متثبت .. وذا الحين منجوم
    وش يرحم المشتاق .. والشوق لاعه


    ف يا من .. تقول ان الحكم دايمه دوم
    وش رايك ان الضد .. يصبح ( قناعه )


    ركز معي .. واسمع مفاهيم وعلوم
    عشان تدري كيف حبك .. الصناعه


    الخبث في الاعداء .. ما يلحقه لوم
    والكذب لجل الوصل .. ينهي القطاعه


    وطعم السهر بالحب احلى من النوم
    والذل من فرقا المحبه .. شجاعه


    يعني اكون اغليك .. واعيش محروم
    احسن من جروحك علي كل ساعه
    ,,,,,,,,,,,,,,,,,


    الشاعر حمد البريدي
     ....................
    تحياتي
    Aseeeeeeeeer
    التعديل الأخير تم بواسطة *مزون شمر*; 24-02-2012, 11:37 AM. سبب آخر: حذف المقطع به موسيقي
    الكلمات الدلالية (Tags): لا يوجد
    • وجيده
      عضو متألق
      • Dec 2010
      • 384





      • الجاهل يؤكد ، والعالم يشك ،
        والعاقل يتروى .
      #2
      رد: طعم السهر بالحب آحلى من الــنووووم..

      ابيات روووووووووووووووووعه
      يعطيك العافيه يارب والى الامام
      تقبل مرووووووووووووووووووري

      ياحلوس وبث

        تعليق

        • *مزون شمر*
          عضو مؤسس
          • Nov 2006
          • 18994
          #3
          رد: طعم السهر بالحب آحلى من الــنووووم..

          قصيده جميله
          صح السان الشاعر حمد البريدي
          ولاهنت على النقل الجميل ..


          اعتذر منك تم حذف المقطع به موسيقى ..

            تعليق

            • نور العيونن
              عضو فضي
              • Feb 2012
              • 612
              • داويت بعض الحكي بحكمة الصمت*
                حشمه لقدر نفسي وسمو ذاتي
              #4
              رد: طعم السهر بالحب آحلى من الــنووووم..

              من غبت حافظ لك وسط جوفي البوم
              ما اغير اقلب بالصور كل ساعه......... اعجبني هذا البيت اشكرررررررك على اختيارررررك الراقي

                تعليق

                • دفاالعاشق
                  عضو ذهبي
                  • Nov 2011
                  • 826






                  • (حسبنا الله سيؤتينا الله من فضله انا الى الله راغبون )
                    قال ابن باز رحمه الله :
                    مادعوت بهذا الدعاء بعد التشهد الاخير في امر عسير الا تيسر
                  #5
                  رد: طعم السهر بالحب آحلى من الــنووووم..

                  يعطيك العافيه

                  على النقل الرائع

                  وصح لسان الشاعر

                  ابيات رووووووعه


                  تحياتي

                    تعليق

                    السابق template التالي

                    google Ad Widget

                    تقليص
                    يعمل...