التقينا مرة صدفة !

كنا نمشي وسط زحمة...
و انضرب كتفي بكتفه !

أحلى صدفة ... !

" انا اسف... اعذريني ! "
و طالعت عينه بعيني ...
و ابتسم... يظهر لي لطفه ...

قمت أطالع... قمت أشوفه... و اكتشفت إني أعرفه !


" هذا أنته !! "
مستحيل...
إيه و الله صدفة !!

و ارتعش قلبي على شوفة حبيبه...
اه يا دنيا عجيبة !
بعد طول غياب ... ها لصدفة تجيبه !

و انحرج مني... و حط يده في جيبه...
و لف وجهه عني و بسرعة رهيبة !!

ما عرفني ؟؟ كيف أنكر ؟؟؟
شكلي أصلا ما تغير !!

من تركني... و انا نفسي...
بس يمكن صرت أكبر...

يمكن أوجاع الزمن رسمت على وجهي خريطة...
بقعة سودة... و بقعة خضرا ... و خط أحمر...

بس قلبي... ما تغير...
لحظة اللي شافك اهتز و تحير !!

نفس وجهك ... نفس عينك... نفس ذاك الشعر الأشقر !
و فيه خصلة شيب بيضا... خلتك جذاب أكثر !!!

و ابتعد خطوة.... يبي يواصل طريقه

لا ! حبيبي... وين رايح ؟؟
أتوسل لك ... دقيقة...

خل قلبي يسترد لحظة شهيقه...
مو مصدق... يلتقي الساعة رفيقه...
يلتقي الساعة حبيبه...
يلتقي الساعة عشيقه...
بعد لسنين العريقة....

بس ثواني...

و إلا عابر (( شخص ثاني ))
دار له خلي و نساني !
طلع إيدينه و حضنها !!
و همس بكلمة في إذنها...
من هي هذي؟؟؟ و انا ويني ... ما أدري عنها ؟؟

اعتقدها اللي خطبها...
يا حسنها و يا أدبها ...
أحلى و أصغر و الله مني !
يا ترى... وش قد حبها ؟؟

شد على يدها و سحبها ...
ضحكت و شدته لحدها ....

كنها تدري بي أحبه !
و أنقهر لا جات جنبه

قالت الجملة و هم يمشون عني :
" يا يبه لا تضيع مني ! "

و ساروا... و هي تمسكه تدليه طريقه...
و انصفع بأقسى حقيقة ...

ما ضرب كتفه بكتفي...
إلا لأنه...نوره مطفي وما يدل حتى طريقة !!!