أبي أحكي حكاية (قلب) .. كتم عشقه وهو مذبوح
بغى يداري حكاية حب .. حزينة .. وسرها مفضوح
حكاية .. كلها اهات .. اسطرها ب سبع أوراق
وجملة تعزف أوتاري .. ( عساني اتقن التصوير )
أنا ياللي تسمعوني .. عشقت فلان ابن فلان
وهو مسكنه بعيوني .. وانا يمه [عشر أوطان]
وقال لي يابنت الأجواد .. أبيدك أم لعيالي
أنا أحبك وحبي جاد .. ومابي غيرك حلالي


طويت "الصفحة الأولى" .. وبدى مشوار أحلامي
قضينا ليلي بطوله .. أنا والشوق واقلامي
كتبت بثاني صفحاتي (حبيبي جاي يخطبني)
وكلمني حبيب الروح .... يقول اهلي على علم
وقالوا شف متى بنروح ؟ لجل ما تصحى من حلم
سألته .. علامهم أهلك .. ينادوني حلم وأوهام



وهم يدرون بي عقلك .. وباقي الناس تحت لقدام
واثاري .. مايواطوني .. لأني من [حضر نجدي]
ولا ودهم يعرفوني .. ويبون له من بنات البدو
حنا حضر .. وهذا بدوي .. وعاداته تهد جبال
وشرع الله لو نحتوي .. مانلقى لرفضهم مجال
وقالت أمه ياوليدي .. أنا بارضيك واخطبها
تعال وياي خذ بيدي .. وجات وكنه غاصبها
وبدت أحداث مانساها .. بثالث صفحة من عمري
طويت ايام ذكراها .. وحرقني نارها بجمري
وجات أمه تبسم لي .. وداخل صدرها أحقاد
وقالت بالحياة من لي .. سوى (فلان) أعز لأولاد
وأمي تساير الذبات .. [وتلميح وطعن وجروح]
وأخته استرسلت كلمات .. وخلت ذلنا مسموح
واخرها تقول الأم .. "انا جيتك غصب عني"
أناشهد .. مافي قلبها دم .. وجاية تنتقم مني
وأمي طبعها تصبر .. وبالاخر تعلي الصوت
واهانتنا بدت تكبر .. وعالسلام فات الفوت
وصاحت أمي من حرقة .. ترى بنتي أدب وجمال
مهي بين الشباب علكة .. خلوقة وظفرها مانطال
واذا كنتوا عيال بدو .. وماتبغون البنية
ترانا من شرف وأصول .. وروحتكم بلا جية
ومشوا .. ودمعتي تجري .. شهدت الموت على قبري
وهو مسكين مايدري .. شاللي صار من بدري
وكلمته وعلمته .. وطاح الكاس من يده

يصارخ : لا وهو يبكي
وسمعت الاه في صمته .. واثاري الاه كلماته
حياته بي غصن وردة .. ومن دوني نهاياته
أنا عانيت وهو عانى .. ورابع صفحة معانا
كل الألم سطرته فيها .. ولا كلمة تحليها
كتبت في أول الصفحة .. (بداية) عن نهايتنا
وانا بنص السطر .. أربعه .. جانا الدمع عانقنا
وكلمني عقب يومين .. وحلف لي لو تمر سنين
أنا بعدي على وعدي .. أبيك لو كلهم ضدي
وعشت الحلم من ثاني .. وجا كابوس صحاني
تقول أمي : جاك عريس .. ومالك للرفض حيلة
وبعد الفحص والتشخيص .. طلع مزيون ومن عيلة
قلت : يمه ترى مابي .. عريس مجهول ماعرفه
وحتى ان زادوا خطابي .. شوفيلك بينهم صرفة
وقالت أمي يابنتي .. أنا ادري وش سبب رفضك
يجوز[حبيتي أو همتي] .. وذاك فلان قضى بختك
ولا تظنين بأفعالك .. بوافق لو رجع يخطب
(يمين الله ماطالك .. وانا حافظ حياتي الرب)

بكيت .. مابيه أو غيره .. ولا شره ولا خيره
أنا يمه أبي الوحدة .. ورضاكي يا أهم وحدة
وطوينا صفحة العرسان .. وخامس صفحة تبدا الان
رسل لي في مسج خلي .. عيوني وقلبي وكلي
تراني سجين أحزاني .. ودمعي أحرق أوجاني
أبيدك يمي وبدمي .. تزيحي بكلمة همي

أحبك ..

ودي أسمعها .. وأبد مابي أودعها
ودق جوالي وصديت .. ثواني وعقبها رديت
وقال ألووو .. بكى صوتي .."وشهقت الموت قبل الصوت"
شهد وياي على موتي .. وكلمني بصمت وسكوت
وقال أرجوك لا تبكين .. أنا ماستاهل الدمعات.!
وعدتك في الهوى وعدين .. وفيت الحب بلا جمعات
ولكن ربك العالم .. على اصراري مانيب نادم
ومحد بيلبسك الخاتم .. سواي .. ومع أمي بتفاهم
وجا باكر وكلمني .. وخيبة جديدة تصدمني
يقول أمي اغضبت مني .. ومن هالبيت طردتني

ومرت أيام وشهور .. وأملنا باللقا يركد

جناح الحب (غدا مكسور) .. وكل للأمل يفقد
وبالاخر تقول أمه:: [على جثماني تاخذها]
رضاي عليك ماتشمه .. لو إنك باقي تطلبها
وقال يمه .. انا مابي في هالدنيا سوى فلانة
أعيش العمر عزابي .. ولا أظلم معي انسانة
أنا قلبي نطق بيها .. وأحلامي تناديها
أجل وشلون باتزوج .. جسد .. والروح بيديها ..؟


وعلمني بكل تفصيل .. مسيرة حب أصيل
وهذاني أطوي الصفحة .. بسادسها بديت أصحى
صحيت اليوم من حلم .. لدنيا عدلها ظلم
قبل أيام أمل راكد .. واشوفه اليوم غدا بائد
وقلت .. دام إني أحبه .. باضحي من أجل حبه
ويومه [يتصل فيني] .. يقول إنه يبي يجيني
وهو باقي على عهده .. يبي باكر يجي وحده
بدون أمه بدون أهله .. يظن المسألة سهلة
يظن أهلي كذا يرضون .. وهم بيقولون ذا مجنون ؟؟
على باله ! دام امه على جيته بتمانع
عقب خطبتنا رح تسكت .. وبتكون فأمر واقع
وعاتبته على فكرة .. بيندمها مدى عمره
تبي تخسر رضى أمك ! لجل بحضني أنا يضمك ..!




زواج في شرع ربك .. وشوله الخفية والأسرار
اذا مو أمك بجنبك .. ترى مابي زواج العار
ولو عند الملا إشهار .. علم أمك علوم إكبار
تعجب..!! من جفا ردي .. ومن هجماتي وصدي
وقال والله مو بيدي .. هذي أعراف وذا حظي
سنة واحنا بهالمشوار .. (زعل وعناد جد واصرار)
وكل أهلي علي حصار .. وعقلي من هواكي طار
وهذي اخر حلولي .. دخيلك لاتصديها
باجربها وعقب قولي .. علي مجنون وعديها
بكيت وقلت يا خلي .. دخيل الله تنساني
"ماراح في يوم توصل لي" .. لأن الحظ عاداني



راقت لي كثيييييييرا ,
تواجدكم + تقييمكم > يسعدني .!
,