تويت
لذة طعونك
يا مصعب الاوقات كلها بدونك
واصعب كثير ان قلت اشوفك على خير
يا للي تبعثرني و أدور جنونك
وألقى لجنوني في غرورك تفاسير
همسك وضحكاتك ولذة طعونك
أشيا تهون مقبلات المعاذير
شوقي واحاسيسي بكو يحترونك
ترى الليالي في غيابك معاسير
تدري حبيبي خايفة من سكونك
و تدري احبك والمحبة مقادير
لبيه أنا كلي ألبي عيونك
لبيه لو ما هي لعينك مخاسير
لبت رموشٍ خاضعاتٍ يجونك
ولبت عيونٍ ذللت لك مشاوير
جابتني أمطار ٍ حوتها مزونك
يوم السما لجلك غدى لونها غير
لونٍ إذا سموه ! سموه لونك
وغيم ٍ إذا أمطر تغنت عصافير
معذورة ٍ يومي تمنيت كونك !
كونٍ عجز وصفه جميع التعابير..
يا مصعبه من يوم إذا مر دونك ..
وأصعب كثير إن قلت تصبح على خير ..
منقووول
تعليق