تويت
فراق الحب
فتحت الصفحة الأولى وقلبي خايف ومرتاب **** وروحي من تصاريف الزمان المر مرتابه
حياتي كلها قصه حفظها خافقي بكتاب **** وجزئها القدر فيني مدام الخافق كتابه
سطور الحب مكتوبه بدمي والدموع أسباب **** حكمها الشوق بعيون تهل الدمع بسبابه
وجيتك فاتح كتابي واناظر لك وفا واعجاب **** مدامك فيه مكتوبه سطور تشرح اعجابه
لأنك في نظر عيني شموخ شامل جذاب **** ولك يا بنت في عيني مزايا حيل جذابه
شملتي العز من عز الجماعه والخجل منساب **** مزايا ترفعك عندي وصرتي فيه منسابه
انا يا بنت مو عاشق وادور للثنايا ناب **** انا مخلوق يتألم وكله من سبب نابه
هويت الي سلب روحي هويته والهوى غلاب **** وضميته عسى يبقى معي بظروف غلابه
عشقته كثر ما جيته محبه او زعل وعتاب **** وانا كلي لأجل عينه ولو ضايقني عتابه
تواجهنا على الطيب وتعانقنا على المرقاب **** عشقنا بعضنا والشوق خاوانا لمرقابه
انا مالي امل دونه حفرت لخافقي منصاب ****شرايين الغلا تنزف حزن والروح منصابه
ومالي غير انادي له وفي يدي حفنتين تراب **** تهيم الروح مجروحه مدامه يحضن ترابه
غسلته بالعيون الي مطرها يحتويه اطياب **** وكفنته وانا حزني لحد يحويه باطيابه
كثر الناس من حولي ولكنهم غدو اجناب **** جسد مفرود من روحه يجول الهم بجنابه
أنا الوافي وأنا الخاين وأنا الصادق وأنا الكذاب **** وأنا قصة قهر تبكي دموع عيون كذابه
أنا ودي تحس اني اخون اليا قفلت الباب **** عساها تهتني بقربه ليا منه فتح بابه
أنا يابنت لو بيدي اجافيها زعل وأعصاب **** ولكن خايف اتمادا واجيب العيد بأعصابه
أخاف الدمع يسبقني وأخاف انها تروح رقاب **** لجل ما تبتعد عني وأضم الحب وأرقى به
انا بأوصيك يابنت أحضنيها والوصاه أطناب **** تواسي البيت وحبال الموده توصل أطنابه
ابيها ما تشاركني قهر دنيا ودمع أهداب **** ابيها تهتني فيها نظر مايسقي أهدابه
وابيها تنشغل عني وأنا بنصى الحزن بركاب **** ترى ألزم ما علي شوفة حبيبي تفلح ركابه
ألا يا عل من يزعل غناتي يلقفه مخلاب **** ويتعذب قبل يفنى سنين بجور مخلابه
ألا يا عل من يقسى عليها ينتهي بنياب **** يذوق الموت بالمخلب قبل لايغرز انيابه
طلبت الله يكسيه السعاده بالحياه ثياب **** وتزهى فرحته دنيا سعيده تشبه ثيابه
وعساها تحترق زهرة شبابي والعمر ما شاب **** مدام البقا والموت عندي صار متشابه
فتحت الصفحة الأولى وقلبي خايف ومرتاب **** وروحي من تصاريف الزمان المر مرتابه
حياتي كلها قصه حفظها خافقي بكتاب **** وجزئها القدر فيني مدام الخافق كتابه
سطور الحب مكتوبه بدمي والدموع أسباب **** حكمها الشوق بعيون تهل الدمع بسبابه
وجيتك فاتح كتابي واناظر لك وفا واعجاب **** مدامك فيه مكتوبه سطور تشرح اعجابه
لأنك في نظر عيني شموخ شامل جذاب **** ولك يا بنت في عيني مزايا حيل جذابه
شملتي العز من عز الجماعه والخجل منساب **** مزايا ترفعك عندي وصرتي فيه منسابه
انا يا بنت مو عاشق وادور للثنايا ناب **** انا مخلوق يتألم وكله من سبب نابه
هويت الي سلب روحي هويته والهوى غلاب **** وضميته عسى يبقى معي بظروف غلابه
عشقته كثر ما جيته محبه او زعل وعتاب **** وانا كلي لأجل عينه ولو ضايقني عتابه
تواجهنا على الطيب وتعانقنا على المرقاب **** عشقنا بعضنا والشوق خاوانا لمرقابه
انا مالي امل دونه حفرت لخافقي منصاب ****شرايين الغلا تنزف حزن والروح منصابه
ومالي غير انادي له وفي يدي حفنتين تراب **** تهيم الروح مجروحه مدامه يحضن ترابه
غسلته بالعيون الي مطرها يحتويه اطياب **** وكفنته وانا حزني لحد يحويه باطيابه
كثر الناس من حولي ولكنهم غدو اجناب **** جسد مفرود من روحه يجول الهم بجنابه
أنا الوافي وأنا الخاين وأنا الصادق وأنا الكذاب **** وأنا قصة قهر تبكي دموع عيون كذابه
أنا ودي تحس اني اخون اليا قفلت الباب **** عساها تهتني بقربه ليا منه فتح بابه
أنا يابنت لو بيدي اجافيها زعل وأعصاب **** ولكن خايف اتمادا واجيب العيد بأعصابه
أخاف الدمع يسبقني وأخاف انها تروح رقاب **** لجل ما تبتعد عني وأضم الحب وأرقى به
انا بأوصيك يابنت أحضنيها والوصاه أطناب **** تواسي البيت وحبال الموده توصل أطنابه
ابيها ما تشاركني قهر دنيا ودمع أهداب **** ابيها تهتني فيها نظر مايسقي أهدابه
وابيها تنشغل عني وأنا بنصى الحزن بركاب **** ترى ألزم ما علي شوفة حبيبي تفلح ركابه
ألا يا عل من يزعل غناتي يلقفه مخلاب **** ويتعذب قبل يفنى سنين بجور مخلابه
ألا يا عل من يقسى عليها ينتهي بنياب **** يذوق الموت بالمخلب قبل لايغرز انيابه
طلبت الله يكسيه السعاده بالحياه ثياب **** وتزهى فرحته دنيا سعيده تشبه ثيابه
وعساها تحترق زهرة شبابي والعمر ما شاب **** مدام البقا والموت عندي صار متشابه
تعليق