انا ياقلب لاصكت الدنيا وضاق البال
يلج الهاجس بصدري يسج اجروح مخفيها

أقول بخير انا والله عشان أجامل العذال
وانا واللي خلق روح القصيد اطرب واغنيها

صحيح إن الجفا ميزة وجرحن بي يهد الحال
ولكن؟مهرتي ماني على بعدي مضريها

مرابعها الضلوع وخافقي وقت اللقا خييال
يطش ازحول عن سرج الحصان وينفرد فيها

يداعبها الشعور بفكرتي واتشوش للموال
مهييبها عن ادروب الخطا وأحيان اجريها

على طاروق ابن رحمه وابن شايق وابن هذال
على معناي رتبت الزمان وصرت هاويها

سريت بليلتن ظلما على حتف العمر تختال
ولادري وين نوخت الذلول اللي معنيها

وطلع ضو الصباح وشفت خلي ياعريب الخال
وعريب الجد والمنسب بعد ماكنت ناسيها

ذكرت الصدفه اللي حددت الموجع على السلال
سبت فيني الشعور بغفلتي من بين اياديها

تمنت لحظتي غفوة ثواني بين؟عنق وشال
على ذاك الجليد ادفا وتسعد في لياليها

رجعت بليلتي ساري وعدت لخيبة الامال
على نفس الطريق اللي خذاني دون ماوحيها

أغار امن الهوى الطاهر ليا مننه بطرقه مال
وعسى عينن تشوفه بالعمى ربي يقديها

وعسى توحي رفيقك لادعاك وجيت له همال
عساي افداك والدنيا بلا لقياك مابيها

محبه بالولي دايم أبد ماناشها اذلال
وانا والله لامني نويت البعد اعزيها


بقلم/,,,,,,عايدالعنزي,,,,