بفارقك



بفارقك .. لو كان ما اخترت فرقاك
بفارقك .. وانا فرجوى وصالك

البعد لو به خير ما كان خلاك؟؟
تقطع من عيون المحب اتصالك

ماكثرك فالصده وفالوصل ما اشواك
الكبر لله .. ( لا يغرك جمالك ) !!

خليتني للبعد .. والبعد قساك
خلاك تنسى واحد" قد وفا لك؟؟

سليت سيف الهجر ؟؟ كني من اعداك
وذبحت شوق الروح شلي جرى لك


العام ما تصعب اليا قلت بلقاك
واليوم من دون المواصيل هالك ؟؟

منت بردي .. حسبي على الوقت رداك
غير صفاك / وطيبتك / واعتدالك

حاولت نسيانك .. وعييت لا انساك؟؟
لا جيت ابنسى .. ذيب صدري عوى لك

لو انك بترجع كثر ماتمناك ؟؟
ما كان ذا حالي .. ولا ذا بحالك ؟؟

كثر الجفا وانا أستغفر الله اشراك
حبك كفر بي .. لعنبو من صفالك


خذاك مني البعد ما عاد بقاك ؟؟
لكن على قول المثل مش حالك

تدري وش اللي يقتل الشوق يا ذاك
لاني بولد عمك ولا ولد خالك ؟؟


الشوق برد .. ودافي الوصل لقياك
وثلج الجفاء خرب طريق اللقاء لك


علمتني حبك .. وعلمني انساك؟؟
لو كان من دنياي .. مابه بدالك

تبغي تضيق خاطري جعله فداك ؟؟
مهوب انا اللي يعاتبك في حلالك


طلبتني قلبي وانا قلت لك .. جاك
والحين سو بخافقي ما بدا لك؟

الشاعر/حمد البريدي