تويت
خذني معك يا طير لحظة تونا
حمام يا اللي فوق الأغصان غنى
غرد و أنا بعدك بغرد و أغني
جر اللحن و ( اشلع ) على ما تمنى
مالي و لا لك غير كثر التمني
عمر مضى و أنا أسمع اللي يونا
و أهل دمعي لاسمعته و أوني
ما هو ولع باللي تهز و تثنى
و لا هو طرب ؛ من زين صوت المغني !
ما زاد من حب العذارى حزنا
مهما على درب المحبة دعني
ما همني بعيونهن لو غزنا
و ما همني سهم النظر لو طعني
بس الخوي اللي حسبناه منا
و اللي على فرقاه كنا نحني
اللي من أول لا بغانا زبنا
لامن ميلات الدهر ميلني
سهمه سطا بالروح يوم طعنا
نيران غدره بالحشا ولعني
يا طير قل لي وش حصل في زمنا
كيف الذي يظلم يعيش متهني
كيف الذي نغليه يرخص ثمنا
عن واجبه معنا يصد و يكني
حنا الخطأ يا طير نرفاه حنا
و حنا على أحسن ظن دايم نظني
لكن بعد ما زل زاد وغبنا
يوم ادعى إن الجور يا طير مني
يا طير ، يا طير السعد لا تعنا
و أنا معك يا طير أعينك و أعني
خذني معك يا طير لحظة تونا
دامي معك يذهب غثا البال عني
و إن ردد القمري لحونه و ثنى
أردد الألحان بعده و أثني
..........
تعليق