للأوجاع قلوب .. لا تسيرها - عاطفه !




البارت الساس
















بسمة طفل
وثوب .. جديد
ونشوة عيد
تبتسم في
ثغر " اليتيم "
و طق طق
تدق الباب
العتيق !
وتقول يا صاحبي
خلك من عيوني
.... قريب ،
لا تبتعد .. خلك في
صدري وافترش
فرحي وسعدي
ولا تضيق !
مابي نصير أعداء
بسبة زمن ما يرحم
كنت ( الصديق )
اللي ما يملي علي
إلا الصدق
ياما وياما زلت عن
عيني : الضيم
سوى نبكي
وسوى نصرخ
لا / لفانا - البرد
وسوى نمشي
على حلم الطفولة
ضحكنا بين أوراق
- السطور -
و رسمنا كل دقيقة
فرح على كف
" الأيام "
ونزعنا الشر
كل الشر عن
عيني وعينك !
لا تقطع المسافات
بينا ..
وخل الحكايات القديمة
حديثة بين ايدينا
ولا ترمي بالذكرى
ورى .. أبواب
خلنا نعيش داخل
أحلام ..
طيش وجنون ،
وشقاوة بعيد !
تذكر ذاك العيد
ماكان عيد بس
غيرنا عيوننا
والتاريخ وصار
العيد ساكن
بين أصابعنا
بعثرنا كل كلام الأمس
ومشطنا الطريق
بسوالف الباكر
وخطواتنا حفظناها
ورى أشياء طفولية
تعال | نعيش في سما
وردية .. ونبحر للغيوم
اللي تذوب فيها أمانينا


* وعلمني بدونكشسوي ؟


ღ.
ღ.
ღ.




بعد ما جابت له ثوبه لبسه بألم وخرج على صوت البوري .. فتح الباب سيارة وسند راسه وهو مغمض عينه وقفل الباب ..
عناد: سلامات ..
عساف بصوت كسول: الله يسلمك ..
عناد وهو معقد حواجبه: علامك يا أخوك وبعدين هالكدمات من وين .. ؟ مين تجرأ وضربك ..
عساف وهو يمسك يده اليسرى وهو متألم: تضاربت مع العيال ..
عناد: لا حول ولا قوة إلا بالله ..
عساف: وين رايح .؟
عناد: وين يعني المسشتفى ..
عساف: لا لاتروح ..
عناد: موب كفيك .. انت ناظرت نفسك ياخي تخوف بلد ..
ضربه بيده سليمة: ههه ماتضحك ..
عناد ابتسم له: كيف الوالدة وزوجة المستقبل ..
تنهد بعمق: خلها على ربك ..
عناد: عسى ماشر ..
عساف بقهر يشتعل بضلوعه: اخخخخخخخ أخذها عسى الله يأخذه ..




عناد وهو متسغرب: مين ..؟
عساف: عمها قال ابوها معه الخبيث ولازم تروح له .. ليتني بس اعرف وين بيته والله لا اكسر راسه الحقير قال عمها قال .. توهم تذكروا أنهم لهم بنت ..
عناد: أذكر ربك يا عساف .. وبعدين ماتدري الخيره وين ..
عساف: ونعم بالله بس قهران .. مدري كيف اقنعها وأخذها الحيوان ..
عناد وهو يهديه لحد ما وقف سيارته بالمواقف نزل وعساف معه .. دخلوا المستشفى ..



د.نايف: بعد الإجراءت والفحوصات وجود كسر في اليد استوجب وضعها في الجبس وتحتاج أيضا للراحة لمدة 3 أسابيع ..
عناد: يعني مافي خطورة يا دكتور نايف ..
د.نايف: لا بإذن الله يعود بعدها وراح تقدر تتحرك يدك ب قبل وأحسن بعد ..
عناد: جزاك الله خير ..
د.نايف ابتسم له وهو يصافحه: ابد هذا واجبنا دكتور عناد ..

وبعد ما عطوه علاج للكدمات اللي بوجهه .. خرج هو وعناد ..





ღ.
ღ.
ღ.






رن الجرس نادت على الخادمة بانها هي اللي تفتح الباب جرت بلهفة وشوق على عيال أخوها فتحت الباب وحضنت عهد ورعد اللي نطوا بحضنها ..
شمس: ياعيون عمتكم وش أخباركم حبيابي ..
عهد: حمدلله وحشتيني عمتي ..
شمس: وأنتي أكثر ياعيون عمتس .. ورعد باس راسها باحترام ..
شمس: هلا ب أخوي ..
فادي ويسلم عليها: هلا فيك شمس ..
شمس: حياكم تفضلووا ..
وهي تهف بحر ودخلت وسلمت على شمس ودخلتهم المجلس الضيوف ..



شمس: حياكم الله تو ما نور البيت ..
سعيده أم رعد: ايه ياحبيبتي منوره بوجودتس ..
شمس: عن إذنكم شوي ..



سعيده بداخلي: ياحسره علي وش اللي بلاني فيتس مير الله صبرني .. فادي زي ما قلت لتس ..
فادي وهو يهز راسه ..
دخلت وهي حامله الصينة العصير مرت على أخوها وهي تقدم له كوب العصير ومن ثم على مرته وبعدها على الحلوين رعد وعهد ..
شمس: أخباركم ..
سعيد: هيه على أخبارنا .. تتدرين عاد عيالي توهم مخلصين من اختبارتهم ..
لفت وهي مبتسمة: وكيف نتائج ..؟
رعد: الاسبوع الجاي بتنزل ..
شمس: وانتي عهوده ..؟
عهد: بعد 3 أسابيع بتظهر ..
شمس: يالله الله يوفقكم وينول اللي ببالكم ..
عهد وهي ترفع يدينها: امين ..



شمس: كيفتس أخوي وكيف صحتس ..
فادي: بخير ي أخوك انتي اخبارك وكيف فايز معتس عساه مايزعلتس ..
شمس بطيبه: لا حمدلله بخير وفايز هم بعد بخير هو يتعذر منس عنده شغله واضطر يسافر ..
انقهرت سعيده بس ابتسمت وهي تصك على أسنانها من القهر: هيه ماعليه وانتي شلون عايشه هني بروحتس ..
شمس: عادي على القران ..
أخذت دلة القهوة وقدمته لأخوه ومرته ..




وبعدها راحوا لصالة الطعام .. وكملوا وجبة الغدا وهي كالشمس تحوم بين الأرجاء والفرح بين ثغرها وملامحها ..





ღ.
ღ.
ღ.





أم بتال: يمي أكدت على أخواتس ..
وهو جالس بكرسيه المعتاد ورفع نظره لأمه: اي يمه حتى نور اللي بالخبر قلت لها ..
أم بتال: زين ماسويت .. يمي ليش ما تأكلين اكلي يمه رجال يبي مرته مستصحة و جسمتس ميت كلي يمي لا تستحين..
انصدمت فجر لكن ابتسمت بطيبه: ابشري ياجده ..
أم بتال: وانت ليه ما تأكل ..
صقر: سفره دايمه ..
أم بتال: وين بتسري اجلس وكمل غداك ..
صقر: يمه لأزم اروح لأبوي ..
أم بتال: زين يمه شوف ابوتس .. والله يقويس..
صقر: امين .. فجر ..
صحت من سرحانها: سم عمي ..
ابتسم لها: وش رأيك نغير جووو ..؟
فجر: ها لا شوي تعبانه اعذريني .. وقامت من مكانها ..



أم بتال: خانت حيلي ماحطت لقمه بجوفها اسمع شوف ابوتس وبلاه تأخر ..
صقر وهو يهز راسه: بروووح له .. سلم عليها وخرج ..






ღ.
ღ.
ღ.






أم مناف: انتي وش تهرجين ..
ترف: حاولت امنعه بس سافر ..
أم مناف: طيب يا مناف تفشلني عند أختي .. والله ما يأخذه غيره وخلنا نشوف راسه العنيد ..
دخل أبو مناف: سارة ..
سكتت ..
ترف رمت نفسها بحضن أبوها وهي تبكي: بابا وينك ..؟ ليه طولت الغيبة ..
أبو مناف وهو يمسح شعرها: شغل ي أبوك .. وبعدين وش له البكي ..
ترف: مناف سافر ..
أبو مناف: أدري وهو يناظر أم مناف .. ترف روحي ي أبوك غسلي وجهك ..
ترف وهي تبعد عنه: طيب ..




أبو مناف: اظن هذا مو اسلوب تتسلكين ب أختك ..
أم مناف: بس انا ابيه ل بنت أختي ..
أبو مناف وهو يكتم غيظه: والولد مايبي يتزوج .. سمعي ي أم مناف وقت اللي يقول لك مناف ابي اتزوج هذاك الوقت اختاري له العروس ..
أم مناف: وش زود غلا على هنوف وإلا عشان أنها بنت أخوك ..
أبو مناف: صبر جميل والله المستعان .. حطي الغدا يامره ولا يكثر ..






ღ.
ღ.
ღ.






بالمساء






تجمعت ع ائلة أبو بتال العاجي ..




بمجلس الرجال




فيصل: مبرووك ي أخوك ..
عناد وهو مبتسم له: يبارك فيك ..
زايد: عناد غريبة جدي وين ..؟
عناد: خرج ..
دق جواله وهو يشوف جنتي ترن بشاشة الجوال: هلا يمه ..
أم عناد: يمه عناد تعال سلم على جدتك وعماتك ..
عناد: زين يمه شوفي لي درب ..
أم عناد: خضر يمه ..
ابتسم: خلاص جاي الحين ..





ღ.
ღ.
ღ.






كانت متوترة حدها رفعت نظرها لأبوها: يبه شرط انزل ..
صلاح بتعب وهمس لها بحب وحنان: براحتك ي أبوك لكن ان واجهتيهم الليلة بتسهل عليك ..
تمسكت بيده: طيب خلك معي ..
ابتسم لها: زين يا فجر أبوك سرينا ..



كنت شاده على ابوي واضغط على يده متوترة وخايفة وكل المشاعر متجمعه فيني نزلت أنا وأبوي من المصعد عشان ابوي .. مع اني جدتي قالت له يجلس واخوانه يجونه لحده بس هو رفض .. يبي يقدم لهم انا وهو مرفوع راسه وصلنا وانفتحت بوابة المصعد .. خرجنا أنا وابوي شكلي متغير 180 درجة سواء من لبس بس لبست تنورة جينز طويلة بعد مابهذلت وهاوشت جانيت يوم شفت الخرابيط اللي

جابتها لي مارضيت إلا بتنورة وبلوزة طويلة وردي كمها طويل .. بس مرة حلوة واهم شيء انها ساترة .. رفعت نظري وأنا أشوف الكم الهائل .. ذولي كلهم عماني ..
ابتسم صقر اللي هو اخر العنقود: ي هلا ب الأميرة فجر ..
ابتسمت له بتوتر وأنا ازيد ضغطي على يد ابوي رفع نظره بحنان: ذي فجر أبوها وتاج راسه ..
بتال: بسم الله ما شاء الله تبارك الله ..
هي الحيا ذابحها ولا قدرت تتقدم خطوة .. ابتسم بتال وصل عندها وسلم عليها: كيفك يافجر ..
وأنا منزله راسي: بخير ..



صقر: هههههههه فجر ذولي اعمامك ..
أول ما رفعت نظري التقت عيني بعين عمي بتال: لا إله إلا الله وسيم بدرجة كبيرة حسيت بالخجل ..
صقر: اوووووووووه الاخت ذايبه على بتال تراه متزوج وعنده عيال .. وينادونه أبو عناد ..
رغبة مالحة تدعوني كي أتسربل وأنشر جرحا أحمر بين أوردتك ولكن قلبي ... ( ما عاد ملكا لي ) وما طاوعني بأن أكسرك وانا اناظر ابوي فرحته تسوى دنيا ومافيها ..
صقر: وهذا عمك عبدالمجيد اصغر من عمك ب 3 سنوات .. وهو أبو بسام ..


صافتحته وانا خلاص بموت من الحيا ..
عبدالمجيد: حيا الله بنت الغالي ..
سكت بخجل ..
عيونه تبتسم فرح .. شديت ابوي اللي جلس وهو يتأملني ..
صقر: وذا عمك طارق توه متزوج ..
طارق ببتسامة: عساك مرتاحة يا فجر ..
هزت راسها علامة ايه ..


جلست شوي مع عماني ناظرت ب أبوي ..
صلاح: قووومي ي أبوك ..
قمت والكل يناظرني: عن إذنكم ..






صرت امشي وانا تايهة .. القصر كبير علي وأنا مادل .. ما دريت إلا وانا خارجه شفت جدي مابي اقول لكم متى شفته خلوها مع الأيام ومعه شاب تذكرت نفسي اني مو لاباسه العبايه بعدت على ورا ومادريت إلا وأنا طايحه عالمكتبة صرخت بألم: اه ..




هم سمعوا الصوت والتفتوا .. أنا غمضت عيوني بقوة وحاول ابعد ..
لكن هو استوقفني: لحظة ..
وقفت بمكاني ولا قدرت ارجع ولا اتقدم هذا جدي: الله يرحمتس يافجير ياحبيبة خالتس وأبيتس ..
أبو بتال: وش جابك هنا ..؟ وبعدين لاتطعيني ظهرتس ..
وأنا وشوي ببكي بس قلت له: ما اقدر لازم استر نفسي ..
أبو بتال: بنت التفتي أشوف ..
على صرخته نقزت من رعب .. أول مرة بحياتي احد يصرخ علي رغم اني عشت فقيرة لكن عزتي و كرامتي ماسمحت بيوم أحد يذلني بشكل هذا ..
أبو بتال: التفتي على زوجك ..



ظليت واقفة بمكاني ثابتة وانفاسي اختنقت .. لحن صوته يتردد بإذني:


زوجك
زوجك
زوجك





عناد وهو منزل راسه وكاتم غيضه بالغصب: جدي ..
قاطعه بعصبية: التفتي عليه أقول لك ..
ما قدرت إلى هنا وأنا احس بدوار ماحسيت إلا وأنا طايحه بالأرض ..







متى وكيف وليش من الأساس هنا كل هالأسئلة تتدور ببالي ..
صلاح: فجر أبوك انتي بخير ..
صوتك درجة كبيرة من اليأس ، يبتسم في إذني ويعلق فم المطر غنوة ويباغت صدر بزخات دمع وب أوساخ العتب أشقى ..
مسح دموعي: بسك يا أبوك ..
عاتبته بنظراتي: يبه
صلاح: عيونه ي أبوك وش له تصيحين أحد ناشك هواشك ..
فجر: مابي اتزوج .. يبه مابي اه
ما وقفت دموعي ولا لحظة حضني أبوي وصار بدل ما اهديه أنا .. صار هو يهديني نمت بحضنه ولا ادري بعدها وش صار ..