قصيدة عن الأب

الدار ما تنبني إلا على الساس *** و انت اساس الدار وانت ضواها

بتم أحب إيدك يا يبه والراس*** مهما كبرت ودارت الدنيا برحاها

دينك يبه في اعناقنا .. باقي ليوم الدين

حبك يبه في قلوبنا .. ما تبدله السنين

لولا الله ثم انت .. ما قط وصلنا اليوم

وياما تعبت انت .. وياما جفاك النوم

بديتنا عيالك .. حتى على نفسك

واتعبت أحوالك .. في يومك وأمسك

يا نهر فاض بحنانه .. وما بخل يوم علينا

غيمة وتظلل سمانا .. فيها عشنا وارتوينا

ما نسينا سجادتك .. وقت الصلاة تبلل دموعك بها من كثر الخشوع..

ما نسينا ننظرك وقت المساء .. نتحرى جيتك وقت الرجوع







----------------------------------------------------------------------------












ابيات معبره عن الاب
هاذي ابيات للأب معبره بشكل موطبيعي


والله اني لو رخصت العمر كله في رضاك
........................... مايوفي ربع حقك وانت حقك مايهون



يايبه ياتاج راسي يا عسى عمري فداك
.......................... ياغناتي والله انك لو تبي عيني تمون


واحدوعشرين عام ماترددت بعطاك
......................... ياشبيه الغيث لامن ساقته غر المزون


والله اني لو كثر خيري فانا خيري ذراك
................. شوفني بنت كامله بس دونك .. ويش اكون؟


ووش يكون العمر من دون اجتهادي في غلاك
................ ووش يكون العطف والرحمه بدونك وش تكون؟


يايبه يانور عيني شب عمري في هناك
..................... والله انه ابرد امن الما على كبدالظعون


يايبه ياجعل روحي فدوه لموطى خطاك
....................... حطني بينك وبين الوقت وكبار الطعون


العمر والنفس واللي املكه كله فداك
..................... واعرف انه ربع حقك وانت حقك ما يهون

الله يحفظ ابائنا وامهاتنا