تويت
قسوة الأقدار
قصيدة 
قسوة الأقدار
قسوة الأقدار تباعدنا غصب عنا وكنا من ضحايا ظروف = لها تذكار في عمري ألا ياقسوة الأقدار
تواعدنا على اللقيا وسجلنا الوعد بحروف= وأنا من زود توثيقي ختمت بدمعي المدرار
تذكرته وهو يهمس أنا فيني أمل مع خوف = أخاف تضيع امالي ويبني بعدك الأسوار
أخاف يكون عالمنا متاهة مستحيل انشوف = بها تحقيق أحلام (ن)طويلة والأماني كثار
تعلق رمشي الغرقان ببحر عيونه اللي تشوف = وكفي ارتمى بكفه يدور للهوى مقدار
وكفي الثاني أرخيته بوردة غصنها منتوف = هدية كانت بدرجي يرافقها ورق تذكار
دفن كفي بكفينه ودندن لي ببعض حروف = فهمت أول عباراته ومدري بعدها وش صار
سمعته ردد لأسمي وأنا جامد مثل هالطوف =أخاف أصحى من أحلامي على ماضي من الأخبار
تمنيت الحقيقة تكون سراب منتهي وطيوف =وهو مازال يسقيني بحبه ويكثر المقدار
بلحظة استدار يقول ويخفي دمعه المشيوف = أنا من غير همساتك حصوني كلها تنهار
وداعك يقتل احساسي، يقطع مهجتي بسيوف= صدق ان قلت لك اسف على وعد (ن)مضى ما صار
........................................... صدق ان قلت لك اسف على وعد (ن)مضى ما صار
بقلم / أوراق الخريف
أوراق الخريف 
تعليق