الشاعر محمد بهجات


مصر بتنهار



مصر بتنهار

والكل واقف محتار

استرها يا الله علينا

حرقوا تاريخ مصر قدام عنينا

وبنقول شهداء وقال ايه صعبانين علينا

الله يحرقهم بناره ويموتوا بايدينا

نعمل ايه فى اللى بيجرى حوالينا

خلاص فلتت الامور والكل بيضحك علينا

قولنا دا مخطط ومرسوم زى الفيضان وجاى علينا

الجيش يعمل ايه ارحموه بدل ما اسرائيل تدخل سينا

قاعدين فى التحرير ليه ؟؟ ولا انتم اخدتم عليها

دى بقت شغلانة جاز والكل عاوذ يولع فيها

بتغاظ اوى لما بسمع كلمة شهيد ثورة

الشهيد مات فى الحرب مش فى دور طاولة

الكل عاوذ ينهش فيك يا مصر ماهى بقت مقاولة

بكرة يهدوا الاهرامات وياخدوا ابو الهول جولة

اضحك ولا ابكى لا الضحكة نافعه ولا العيون تبكى

فاتت سنين والظلم فى قلوب البشر ساكن

هما اليهود بيحلموا يحتلوا الاماكن

دا بعدهم بس الكلاب اللى فى شوارع لكن

واقفين لإية هيدمروك يا اعز واغلى الاوطان

مصر فى قلوبنا وفى ارواحنا ركن من الاركان

مش عارف ايه بيجرى فى البلد وايه اللى كان

حاسس انى فى حلم ومش حقيقه واتغير الزمان

راح اللى راح ومش فاكر ايه البيان

قال ايه يا اخويا الجيش بيضرب فى الشعب وبيضيع الامان

كلام مين دا ؟؟؟ اجابه من اتنين مش انسان ممكن يكون حيوان

ذنبهم ايه الجنود اللى ماتوا على ايد بلطجى وانسان جبان

كل اللى همه فلوس ياخدها ويدمر كمان

لا اله الا انت سبحانك رب الاكوان

دمر عدو اللى حفظتها فى كتابك لاخر الزمان

قولوا امين يحفظك ربى يا مصر من كل العدوان


بقلم الشاعر الجريح لما يحدث

بقلم

محمد بهجات