ديوان الشاعره ابعاد التركي

تقليص
X
تقليص
 
  • الصفحة لـ 3
  • الوقت
  • عرض
إلغاء تحديد الكل
مشاركات جديدة
السابق 1 2 3 template التالي
  • *مزون شمر*
    عضو مؤسس
    • Nov 2006
    • 18994
    #1

    ديوان الشاعره ابعاد التركي

    بسم الله الرحمن الرحيم

    السلام عليكم و رحمة الله وبركاته


    الشاعره الكويتيه / أبعاد التركي

    لا املك معلومات عنها

    ولكني اترككم مع قصائده الجميله ..




    ،،
    ،،،،
    ،،،،،،،
    الكلمات الدلالية (Tags): لا يوجد
    • *مزون شمر*
      عضو مؤسس
      • Nov 2006
      • 18994
      #2
      رد: ديوان الشاعره ابعاد التركي

      ( الصمان )
      ياطير ياللي على المشراف لك فرة


      تعاف نزل الوطا 00وتعانق القمة


      تموج حد السما والارض 00مخضرة


      يدله معاك الحزين00 وينجلي همه


      جزم عزوم تريح البال وتسرة

      في هدتك00 تنثر الخفاق00 وتلمه


      قلب ( الهواوي) معاك ايغادر امقرة


      لولا ضلوعه00 وساع البيد ماضمه


      لقبلت شيخ يحب الشعب ويبرة


      واليا تعليت نجم0 ويمتك 00 يمه


      لو ترتحل لك مواعيد الغلا جره


      يزمك الوجد (للصمان ) وتزمه


      الديرة اللي بوبل الغيث مسمرة


      ريحة نفلها يتل القلب ويخمه


      اعشق ثراها واحبه ذرة 00ذرة


      لها سلام جميل وافين00 كمه


      ياطير روحي مع راعيك منجرة


      هو غاية القلب ومرادة وهو 00همة


      افز لامن ذكر طاريه مغترة


      ويفز قلبي 00على طاري بنى عمه


      ياطير قله 0يشوف الحال لو 00 مرة


      راعيك ماهو بيمي 00مير انا 00يمة


      داعية يقطع ثبات الصبر 0ويزرة


      و (يخص قلبي )بنبض الشوق00ويعمة


      وان جابو (اسمه) ماكن اعرفه بالمرة


      اقوم 00 واصد عن مدحه وعن ذمة


      ياطير بعض السوالف حلوة 00مرة


      والهرج لولا القلوب السود لتمة


      لكن اخاف المعادي واتقي00 شره


      وكبود رويانة بالغل00 منسمة


      ولانت ياطير (حر) وغايتك حرة


      يالنادر اللي فصيلة دمك 00 بدمة

        تعليق

        • *مزون شمر*
          عضو مؤسس
          • Nov 2006
          • 18994
          #3
          رد: ديوان الشاعره ابعاد التركي

          ( الفرقا )




          ليت ذنبي غير فرقاك واستغفر واتوب
          كان ماخيم بصدري من الفرقا نزاع


          سقت قلبي من شماله وسيرته جنوب
          كيف اوادع وانت اخذت المودع والوداع


          خافقن يلبس لك العشق والتحنان ثوب
          مارضالك بالمهونه ولا جاك بخداع


          كل شي غير داعيك ماهو بمحسوب
          شمس ماتشرق بوصلك مهى ضى وشعاع


          وان حكوا في سيرة ابعاد عميان القلوب
          ضمنى في وسط عينك وخل القاع قاع


          وان خذانى فكري النازح الغر اللعوب
          ناد باسمى ويتحدر غروري لك ضياع


          وان غفا ليلي بلياك واعياه الهروب
          لك معى صوت ومواثيق وهجوسن تشاع


          قد غلبتك وانت ماعشت في يوم مغلوب
          قل نعم وانا اعترف لك واقول انك شجاع!!


          والله انى جنتك وانت راضى ومغصوب
          ذبت فعروقك وغيرت بك كل الطباع


          سم باسم الله في قلبي وعد الدروب
          كيف يتبعثر خفوقي واجي لك بانصياع


          وكيف لاخطيت بشعوري وشفت انى كذوب
          التزمت الصمت وعيونى حكاية نزاع

            تعليق

            • *مزون شمر*
              عضو مؤسس
              • Nov 2006
              • 18994
              #4
              رد: ديوان الشاعره ابعاد التركي

              ( غرتك نفسك )



              مالصوتى يالمشاريه حيل ولا عزوم
              وان تعديتي عتب خاطري لا ترحلي

              هودي عن ثورة الشك واقبال الهموم
              لين يجنب تايه الفكر ولا يشملي

              سامح الله جرح الاحباب يوم وكل يوم
              جرح تبريه الليالي وجرح يعتلي

              وانت ياللي كل مامسيت جابتك الحلوم
              مرني طيفك وفزيت يوم اقبل علي

              ماغدت عنك المساري ولا بالنوم نوم
              السهر عيت دروبه وعيا ينجلي

              اسالك بالله وامانه وغيره مايدوم
              وش علامك يومك ارخصتنى ماقلت لي !

              مانويتك نية الغدر وانكار السلوم
              الغدر ماهو بسلمي ولا سلم اهلي

              هد طيشك لايجي منك تجريحن ولوم
              الله اللى عز قدري وثبت منزلي

              غرتك نفسك وغررت بالقلب الرحوم
              لين حلت اقصى طموحي على باب اجهلي

              وانت لو تمشى دروب الغلا مع كل قوم
              ماحدن مقفي بقلبك ولاحدن مقبلي

              والله انى قد وسمتك بكفيني وسوم
              ماتركت منك المياسم ولا ضلعن خلي

              كم سنه مرت وانا اشرى بخفاقك واسوم
              والطعون اللي بصدرك تغيض وتمتلي

              قلت لي لا تجرحين الشعور ابلا لزوم
              قلت لك : مايونس الجرح غير المبتلي

              ايه احبك ايه احبك ولا فالحب لوم
              والله ان لاماك شفي وصدك مقتلي

              وان تباطيت الليالي وعديت النجوم
              انت خابر وش رضايه وتدري بزعلي

              رح وانا ياصاحبي منك لو عشت محروم
              والله اني حبك اللي بقى والاولي

                تعليق

                • *مزون شمر*
                  عضو مؤسس
                  • Nov 2006
                  • 18994
                  #5
                  رد: ديوان الشاعره ابعاد التركي

                  دع القوافي


                  دع القوافي جنون الشعر همسة مداه


                  مغروورة التيه واكتب يا سما يا بحر



                  الغطرسة صنعتى والدرب تلهث خطاه


                  ان مارويته ضما كفنت ؟ فجره سهر



                  والعاذل الي نوابي واستبد بذكاه


                  عز الله انه يخيب ولا لفاه الخبر



                  الجدى ثابت وعين الارض ترصد سماه


                  وابليس يرثع على كف الندم والقهر



                  بنت بدوين يسج وراس ماله عصاه


                  يستجدى الغيم ويعيد الندى للنهر



                  يمد كفه وتزهر فالدروب الحياه


                  لو يبتسم ؟ اه يابخت الفضا والشجر



                  من هيبته تنتشي حايل بنبض السراه


                  وياعانق الموج من شط الكويت؟ الخبر؟



                  يسعد صباحه يسعد صباحه الياهيجن ويسعد مساه


                  في مجلسه كل شمسن يحتفيها قمر



                  يفداه روح القصيد وكل عمري فداه


                  وش لي بهرجن لعينه مايسوق العذر ؟



                  ياراعي الذود؟ياراعي الذود بنتك لا كذا لا كذاه


                  تستاذنك كل حرفن وانت كلك نظر



                  ماجيت للشعر غلطه واستظل بعطاه


                  جيته جنون الرياح؟ وعاصفات المطر



                  سطرت له ملحمة شاعر وكلن قراه


                  ابعاد صدق ؟ اختصرت الكل وابعاد شعر



                  طفلن يكن الكلام اليا تحدر بكاه


                  يموت حرفه على صدره وتحيا بشر



                  ياراعي الذود مثلك وان بخل في نباه


                  ياكيف تمسى ليالي نجد باحلى فجر؟



                  يابوي والعمر جاه من العنا ماكفاه


                  وحكاية البدو واهل الخيل كانت عمر



                  نغفى بنبض الخيال ويستدير برحاه


                  ننذكر؟ وننسى ؟ وتفنينا صنوووف الدهر..

                    تعليق

                    • *مزون شمر*
                      عضو مؤسس
                      • Nov 2006
                      • 18994
                      #6
                      رد: ديوان الشاعره ابعاد التركي

                      يا هدى


                      يا( هدى )لاطال بي مسراي والهقوه حسافه
                      عثري بعض البكا في ناظري جهر وخفيه

                      وانشدتيني عن التحنان والحر وجفافه
                      اعرفي يابنت كيف ان البحر يعشق سميه

                      لعنبو كثر الجهود ولعنبو قل المسافه
                      لا وصلت أقصى طموح ولاخسرت أكبر قضيه

                      للحزن ميعاد ودموع النهر ترمي ضفافه
                      والعيون اللي نكفنها بجرح البعد حيه

                      يوم تغريني عيونه للقصيد وللطرافه
                      شفت عذرك يا الغياب بخافقي حب وحميه

                      شاعر يطوي حدود البحر والبيدا بقافه
                      كل ما حدر به الطاروق قلت:الله حيه

                      كان بعض الهرج ماياطا على درب الكلافه
                      السوالف مالها في حسبتي ذنب وخطيه

                      قلت له( شاعر التوباد )قلبك وش يخافه؟
                      سم واكتبني بحرف ماقريته فأبجديه

                      دامني كنت الغلا والصدق والعشق وعفافه
                      ماعلي اخلاف فبحور القصيد السرمديه

                      يا( هدى )مالي بقيعان العرب ياكود قافه
                      لاتغنى راح قلبي بين ذيك وبين ذيه..

                        تعليق

                        • *مزون شمر*
                          عضو مؤسس
                          • Nov 2006
                          • 18994
                          #7
                          رد: ديوان الشاعره ابعاد التركي

                          عفيف الغزل

                          كنت بين الحضور أحمل عفيف الغزل


                          وأشربه عشق مايرويني إلا ظماه



                          جيت على طموح يعتريه الخجل


                          وقلت برجع لنفسي وأثري أمشي وراه



                          وابتدى سيدي .. ولحن الخلود أكتمل


                          ولفني غيم لايمطر ولا أحد يراه



                          وابتدا يرضي أحبابه ورمشي غفل


                          بين صحوة منام وبين حلم دعاه



                          ارفع الصوت ياشاعر وخل الأمل


                          يذبح المستحيل ويدفنه في ثراه



                          لا غدى صوتك الفارس وشال الحمل


                          لأوقد الحرف نار .. وتشتعل ألف اه



                          وهاك فل الجديل الضافي المستهل


                          وزينه بالقصيد وخل يبرق سناه



                          وهاك عود رفيع تلمسه يشتعل


                          يحترق في هواك ولا شعرت بدفاه



                          تسقي الضيف هيلك والدخيل انقتل


                          في حماك احتمى ولا بيح اللي خفاه



                          كيف ترميني اقداري بسطوة رجل


                          أدري أني فقدته قبل لا أبدا معاه



                          فيه هيبة أمير وفيه رقة طفل


                          يحتضر ألف معنى قبل يوصل مداه



                          جيت له طفلة حذرة ةقلب سهل


                          مانويته ولكن كل عمري نواه..

                            تعليق

                            • *مزون شمر*
                              عضو مؤسس
                              • Nov 2006
                              • 18994
                              #8
                              رد: ديوان الشاعره ابعاد التركي

                              يامطولك ليل وماطول البعد للسارين
                              وياوجد القلوب النايحة 00لا تزعزعني

                              ذكرتك او انى مانسيتك الى هالحين
                              او ان الرجا في سكتك الياس يتبعني

                              تمنيت وصلك يوم للوصل شرع ودين
                              وخليتني لسيوف الاوهام تقطعني

                              حسيبك زمانك كيف ياغلي من الغالين
                              غدا كل طاري من طواريك يجزعني

                              تجاوزت في ظلمي وهلت دموع العين
                              وشوف الدموع بساعة الغبن وش تعني؟

                              اسند على باب الرجا قلبي المسكين
                              واناديك ماكنك مع الناس تسمعني

                              نثرت الجروح بغيبة الشمس من ليلين
                              تقصويتنى والموت بيديه يجمعني

                              توفت بك الشيمة وزولك مع الحيين
                              عسى اللي نقص من قدرك اليوم يقنعني

                              قضى الود وجروح الليالي غدت بي لين
                              فنت كل عرق من خفاها ينازعني

                              على كثر زلاتي وكثر القسا 00 واللين
                              فوالله ماوجعتك كثر مانت توجعني

                              خطايك عشر 00 ومنهجك فالصحيح اثنين
                              ومبداك لا طعته ولا قلت لك طعني

                              حسبتك سمي المجد وسلالة الوافين
                              وظنيت بك حر عن الهون يمنعني

                              معك ذمة يرسى بها الكذب والتخمين
                              عسى الله من عثرة نواياك يطلعني

                              كبار العزاوي حولت فالزمان الشين
                              ولو زايدووا بياعة المدح وش يعني!

                              تخيب الهقاوي والليالي تجر سنين
                              ولابد من دورات الايام تقنعني..

                                تعليق

                                • *مزون شمر*
                                  عضو مؤسس
                                  • Nov 2006
                                  • 18994
                                  #9
                                  رد: ديوان الشاعره ابعاد التركي

                                  حلم مقفي بي عن الناس وارخيت رسنه



                                  مانشدته ليه يطوي مساحات البعيد




                                  وسط صمان المعاليق ألمح موطنه



                                  لو يبيد الحلم تبقى دروبه ما تبيد





                                  والفياض اللي روت من عيوني بينه



                                  ما تشابها فياض روت من سر مديد




                                  كان يسكني وانشد عنه من عينه



                                  كنت أخاف من النميمه على شفة بليد




                                  كم جمعني في كفوفه بلحظة شيطنه



                                  وكم نثرحزني على الما وصفحات الجليد




                                  كنت ألقى في عيونه فراشي واسكنه



                                  واغزل النجمات عقد غفى له وسط جيد




                                  ألمس بصدري دموع وضياع وأمكنه



                                  طفل هارب من يدين تنامت ألف ايد





                                  رحت أطعن في ضلوعه ولا أدري عنه



                                  واكتشفت اني ذبحته وهو طفلي الوحيد




                                  ليه أقتل عمر عايش بنبضي وادفنه



                                  كيف أبدا والبدايه عمر جديد؟




                                  والربيع اللي بصدري تعرى سوسنه



                                  والجفاف يعانق الريح وأنفاس الجريد




                                  ذنب لا شفت أعظمه قلت ما أصعب هينه



                                  داخله في رحمة اللي ترجاه العبيد




                                  يا كبر ذنبي ورحمة إلهي ممكنه



                                  أتعب الكفار صدري أبي مسلم عنيد




                                  ماتزحه من مكانه رماح مسننه



                                  لو تسلط سيف عنتر على حبل الوريد..


                                    تعليق

                                    • *مزون شمر*
                                      عضو مؤسس
                                      • Nov 2006
                                      • 18994
                                      #10
                                      رد: ديوان الشاعره ابعاد التركي

                                      ياليل مسراك الهجوس المديدة
                                      وانا على مسراك مديت شوفي

                                      طويت ياسك فالدروب المكيدة
                                      وامهلت في سطوة ظلامك وقوفي

                                      اسرى معك مثل النديد ونديدة
                                      وارجع مع ليلك وخطوة احتوفي

                                      وين ابتدي والجرح نقضة يزيدة
                                      ياكسرة الخاطر وقل امعروفي

                                      البارحة عدت ولاهي بعيدة
                                      هذى معاذيري وهذي احلوفي

                                      ظالم ولوعني على مايريده
                                      وطيت برده واحرق الجمر جوفي

                                      سلمت له قلب حصونه عتيده
                                      مبعد عن الشكة جفول عزوفي

                                      يذل من كثر الكلام وزهيده
                                      ويخاف لا تكثر عليه الحسوفي

                                      واهديت له حشمة غلاي
                                      ونشيدة وارخصت له عمر بوصله شغوفي

                                      ياجرح قلبي كل ماذكر وعيده
                                      وياوجد حالي يوم ابرق واشوفي

                                      قيدنى بحبه وسايرت قيده
                                      قربه رضاى ومنه جرحي وخوفي

                                      بواق في ستر العهود الوكيدة
                                      خوان بحساس الغلا مايروفي

                                      اصبح وذكراه القديمة جديدة
                                      وامسي وينزع طاري البعد جوفي

                                      كنت احسب اني في غرامه
                                      وحيدة وانكفت منه خاليات كفوفي

                                      استر ظنون الياس لوهي بليده
                                      واقول غلطة والسبايب ظروفي

                                      ماعاد تقليب المواجع يفيده
                                      ولاعاد وصف الامس يشبه وصوفي

                                      تعبت ياليل الهجوس المديدة
                                      جف الكلام وضايقتني حروفي

                                      رد الزمان لخافقي واستعيده
                                      الدرب مجهم ,,, والنوايا انكوفي..

                                        تعليق

                                        السابق 1 2 3 template التالي

                                        google Ad Widget

                                        تقليص
                                        يعمل...