جافي / وقاسي .. مبتعد ! وأستلذك
....ناسي! وعادي/ ومايهمك ولا شيئ
طيب أحبك / عادي قلي : أحبك
........ حسسني أنك تشبه الغيم والفي
ربك تعيش الحب مثلي .. وربك
........ تشيل قلب شالته راحة يدي
ليتك حطب لاونست بردي أشبك
........ لكن حسافة ! أمنية ميت حي
تعال بعضك ! لأ .. أنا ابيييك كلك
........ أبيك واجد ./ مدري ودي بك شوي
أبي اشوفك .. يوووه نفسي أضمك
........ أنا اشهد أن الجرح توه بعد ني
أنا ملكتك ..! وأعترف صرت ملكك
........ وأنته بيديني / بس ماحس بك لي
ربكة شعور القلب ! لاتستفزك
........ هذا أنا : لاضعت أهوجس وأهذري
تعال جنبي // وأسترح . قول ودك
........ ودي أجمع حكينا عقد / وحلي
غمض عيونك ! وأنتبه لي بقلبك
........ شغل موسيقا .. خفف النور والضي
خذ لك نفس .، وتذكر أني بجنبك
........ يعني تشجع ! لو زعل خاطرك علي
مال الزعل داعي بدربي ودربك
........ لاصرت ظميانك / وفي راحتك مي
قررت أحبك ! غصب ! كيفي بحبك
........ وأدري بسيطة تعتبرها ولاشي
يعني حبيبك / شمس عمرك وظلك
........ ياللي بعادك موت ومصافحك كي
دلة غلا / في وسط قلبي وأصبك
........ الصدر بيتك .. وأسترح / لاتوصي
ولع لنا فيرووز والصبح صبحك
........ فيروز وقت الصبح ياسيدي شي
نامت عيونك / وابتدا حس بردك
........ ابي الدفا .. مادام برد الجفا في
عزمت أعيشك ! لا بعد وأستحلك
........ مدري علامي كاتبك بالغصب لي
مو بس أحبك / ألا من زود حبك
........ اشوف كل الكون من دونك خلي





منقوله