تويت
عاند كل الناس ....
يالله ياللي عزتك فوق الأكوان = يا هادي المخلوق راحم عبيده
ياللي لك القدرة وعلى الخلق لك شان= محمود فضلك يامغيث الشريده
واقف على بابك ذنوبي لها أوزان = واكثر من مياه البحر مع زبيده
وجهي طفا نوره من الهم غرقان = والخوف بوصالي سكن في وريده
جيتك بكف الذنب موفور الأوزان= والخير نادر والعلوم السديده
حتى صلاتي تشكي سطو شيطان = خلى له بعقلي علاقة وطيده
عرضت عن ذكر وتلاوات قران= ودندنت مع شيطان نفسي قصيده
عاند كل الناس أنا حر إنسان = والموت عندي صار فكرة بعيده
أمسى مع الأمال عاشق وولهان= وأصبح مع احساس الندم لي عقيده
حتى يئس حالي من الخلق شرهان = من نظرة العالم يواري مكيده
كني على جمري تمسكت بإتقان= وطوقت روحي ذنب حتى بجيده
مدري السبب ابوى أو حلوة ألبان = والإ من أصحابي و نت وجريدة
هذا زماني أنوصف شر الأزمان= مقولة المختار ماهي جديده
يالله ياللي خالق الإنس والجان = ترأف بعبد (ن) ذل وللخير عيده
بقلم راجية المغفرة / أوراق الخريف
تعليق