تويت
ما قدرت إلا أحبك
اسفة ان قلت ارحل ضاق قلبي من هواك = واسفة لأني رسمت الفرح بشفاة الحزين
ما قدرت الا أحبك وما أفكر في نساك = لأن حبل الفكر غصبا(ن) يقطعه حد الحنين
كل ما يممت صوبك ضاعت الخطوة وراك = لين ضاعت كل روحي وانت حتى ما تبين
أعترف لك واشهد اني ما لفت لمن سواك = واشهد ان الناس دونك ما توفيني الحنين
ماهقيت ان نور عيني يتلاشى في خطاك= كل غلطاتك تحول زلة(ن) من ناسيين
كل ما شفت الشروق أرسمه للحظة لقاك = وفوق شط البحر أكتب اه ياجرح السنين
يا خسارة كل غالي ما وصل عندي غلاك= وان بغيت اثبات مني اسأل الدر الثمين
انت ادمان (ن) هويته واعرف انك لي هلاك = أسمك بقلبي نحته خوف ذلي لك يبين
اه من يأس (ن)كساني أني اصل لرضاك = ماهو تقصير(ن) ولكن من غرورك يائسين
بقلم / أوراق الخريف
تعليق