توادعني...

توادعني..وأقول الله يصبّرني على فرقاك
وش اللي تتركه..غير السَّهر والشوق في عيني
ترا ماهي بسيطة يوم أقفّي عنك..واستنّاك
معا حرب الزفاير معركة..تدْمي مياديني
جروح العِشْق فيني منك..تامرها ولا تنهاك
وانا منها حشا ماأنهى سوايا عِشْقها فيني
معي حتى الجروح تموت من زود الهوى تهواك
تقول الله على جرْحِك..دخيلك لا تداويني
مادام انّه معي طيفك..ولو كان المراد ألقاك
بقايا صورتِك باخر لقى في طيف كافيني
على وعد انتظار..أرجي يديني..تلتقي يدَّاك
عسى الله لا يعدّمني يدينك بين يدّيْني
والى عاد الوداع..الله يصبّرني على فرقاك
وش اللّي تتركه غير السَّهر والشوق في عيني

منقول