رد: رواية تعبت اشتكي

هد أعصابك..!!
خالد\تدرين,,والله عيوني ماذاقت النوم..!!أبي أشوفها بأي فرصه..
ساره\أن شاء الله تشوفها..
خالد\يالله وصلنا..
نزل خالد مع أخته للمستشفى وأول ويوم وصلوا لقوا الكل مجمتع بره وعرف أنه العمليه بدت..
نواف\هلا بو الشباب...لكن تعبت روحك وجيت..
خالد واستحى\لا عادي..بس ساره أذتني من أمس تبي تشوف ترف..
نواف\حسافه مالحقت عليها..
عند البنات.
ساره\متى بدت عمليتها..!
رهف\تقريبا من ربع ساعه
أم زياد\شلون أمك ساره..
ساره\الحمد لله..كان ودها تجي..بس تعبت شوي
أم زياد\أيه..واضح.
رهف وعشان تغير الموضوع\أمشوا نجلس قعدتنا غلط كذه..

متى بتطلع من الدوام..!!
لافي\ساعتين وطالع..!!
فهد\لافي..علامك..!!
لافي \ولا شي ..بس متضايق شوي..!!
فهد\عسى ماشر..!!الأهل فيهم شي..!!
لافي\لايافهد..مافيهم شي..
فهد\بس عرفنا...العنود..
لافي وهو يبتسم\تصدق عاد..كل ماأقول خلاص هالولد مستحيل أقوله شي..تلف فيني الدنيا وتدور وأرجع لك..!!
فهد..!!
الله لايحرمني منك..!!
فهد\ياحبيبي يالافي..وانت بعد حياتي بدونك ماتسوى..!!
لافي\هههههههههه فهد شفينا صايرين على الدقه ورومانسيه
صرنا بنات على غفله...؟؟!
فهد\لا والله يالافي هذه الأخوه اللي ماتتقدر بثمن ومستحيل أنها تنمحي مع الزمن..
لافي\صدقت يافهد..
تصدق اذا تزوجت وجبت ولد بسميه فهد عليك..!!
فهد\وأنا بعد ..بس لحظه ونعس عيونه....أسمك مو شي..!!
لافي\لا والله من حلاة أسمك اللحين..!
فهد\حدك عاد..أنا على اسم بو فيصل الله يرحمه..!!
لافي\ ونعم والله..الله يرحمه ويسكنه جناته..
فهد\اميين..تعال وش سويت على بعثتك..منت رايح..!!
لافي\عشان كذه متضايق ماأبي أسافر بدون العنود..بس أخاف أنها ترفض..!!
فهد\أنت كلم أهلها وشوف الوضع والله بيسهل عليك أن شاء الله
لافي\الله يسمع منك
كملوا الشباب سوالفهم وكل واحد ممتنن لربه على نعمة الأخوه اللي اللي مستحيل تتعوض ولو بكنوز الدنيا كلها..

نزلت ساره البيت وطلعت وأنا حدي معصب..
أجل أنا ماتبي تشوفيني..!!
مالت عليها..!!
يعني أنا اللي ميت عليها..!!
وشفيها يعني اذا شفتها وهي بالحال ..بتموت يعني..!!
والا بتجيها جلطه..!!
هي لو تدري شكثر أنا مشتاق لها..!!
كان خلتني متصنم عندها لبكره..!!
بس هي شعليها..!!
أنا اللي أحترق ..وهي صايره زي الثلاجه..!!
أنا لو خذتها.والله لكسر راسها بسببت دلعها الماصخ..!!
.
.
أجل أنا..
أنا..
خالد
ماتبي تشوفيني..!!







وشفيها يعني..!!شغله شريفه وبتكسبنا فلوس..!!
ام حنين\بس ياولدي..أنت داخل على ثانويه عامه..ولازم ماتفكر الا بدراستك..!!
عمر\يمه ارجوك ماأظن هالشغله بتلهيني عن دراستي..وبعدين انا عارف مصلحتي زين..!!
حنين\عمر..كلام أمي صح..وان شاء الله اذا تخرجت سو اللي تبيه بس اللحين ياأخوي التزم بدراستك أحسن لك..
عمر\وبعدين يعني لين متى بفهمكم أني أبي أعتمد على نفسي..والا انتوا عاجبكم هالحاله اللي نعيشها..!!
أصحوا شوي..
أحنا كل مره ونرجع لورى..
واليوم غير عن أمس..!!
أم حنين\ونسيت..!
عمر\نسيت شنوأ...!!
أم حنين\نسيت وصية ابوك لك..!!
عمر \أبوي..
أم حنين\أيه أبوك..والا حتى ابوك نسيته..!!
مارد عمر ولا أمه وطلع بره الغرفه ومن الغرفه لبره المستشفى بكبرها
وهي تنعاد كلمات أبوه براسه كل مره..
(وعمر...وعمر قوله يتخرج ويجيب أحسن العلامات ويتوظف ويرفع راس أمه..قوله اني أحبه..قوله يسامحني..
قوله يسامحني... )
عمر\لايايبه ..لا..انا لازم أرفع راسك..!!
بس شلون ...!!
شلون ياربي..!!



لافي ..مع السلامه..

لافي\العنود ..ليش..!!
العنود\شنوا ..اللي ليش...أنت من صجك..!!
لافي\أيه من صجي...يا عنود..حسي فيني...!!وأنا أبي نتزوج ونسافر ..البعثه مابقى لها شي..
العنود وتناظر الباب\لافي أرجوك..مقدر أكلمك أخاف احد يدخل علي...
لافي\مستحيييييييييل..مستحييييييييييييل اسكر قبل ماأعرف رأيك..
العنود وأنهارت\شتبيني أقول!!
لافي وهو هيمان\قولي كلمه من أربع حروف..
العنود\لافي..
لافي\أنا تعبان ياعنود حرام عليك حسي فيني...
لافي\أسمعي عنود..بكره بكلم خالتي عن موضوعنا وبقول لها عن السفر..وماعندي غير هالكلام..سلام..
وقفل بدون مايسمع ردها
..وهو ينتظر بكره عشان يحسم الموضوع..

العنود رمت نفسها على السرير..
وجلست تفكر بتصرف لافي المتهور
أولها كلمها بدون قيود..
واخرها رمى عليها خبر هي مو قده..








بعد يومين من الأحداث السابقه..


طلعت من المغفر والجواز بأيدي..
والحمد لله لقوه بالوقت المناسب..
مافيني أقعد الصراحه اكثر..
أبي ارجع بسرعه عشان أشوفها..
وشكلها ماعرفت أني أنا اللي داق عليها..عشان كذه ماردت..
يالله خيره..
يمكن المقابله احسن من أني أسمع صوتها...
الله كريم..
رجعت الفندق وجهزت أغراضي كلها
وطلعت للرسيبشن عشان ادفع باقي الفلوس..
وبكذه أنتهيت وكلها نص ساعه وارجع ديرتي...
وكل ماأتذكر أني بصير أبو..أطير من الوناسه..
يارب شقد أنت كريم..!!
وأحنا اللي مبتعدين عن رحمتك..!!
من أول ماتركتني حنين..
وأنا أتخذت قرار أني لازم أبتعد عن كل شي يذكرني فيها..
واللحين بعد ماسمعت الخبر..
مشيت اهرول لها ونسيت كل شي صار بينا..
لكن الله يستر ..
اخاف أنها ماتتقبلني..
وتتذكر كل اللي صار..
أو أنها تصير جامده..وماتحس فيني..
وأطلع من عندها مثل كل مره جيت فيها لها...
يارب ..ساعدني
لازم أرجع حنين لي..
لازم.
ركبت سيارتي وأنا أتذكر اخر مقابله بيني وبين لينا..
كانت مقابلة تصفية حسيبات قديمه
وشفت الحزن بعيون لينا لأني قلت لها عن حمل حنين..
لكنها لازم تعرف أني مستحيل أرجع لها ثانيه
وطول هالمده اللي جلست فيها كانت هروب بالنسبه لي..
ومردي برجع لها..
ومره ثانيه حسيت بجرحها ..لكني مش قادر أسوي شي..
وتمنيت اني أبدا ماأتعرض لهالموقف السخيف لكن..
الله كتب انا نتقابل..وتقابلنا..
لكن الحمد لله أنتهينا بتصالح أبدي ..
وتفارقنا ..

لكن مع ذلك أنبني ضميري على خيانتي لزوجتي....
لأن حتى لوكان لقائنا عادي بس المفروض اني ماأخون .
على أنا كل لقائتنا كان محور حديثنا عن حنين ..
بس ولو هذا مو عذر..
لأني لو كنت أنا بدال حنين أكيد بنهار وبقلبها حريقه بعد..
بس في شعور بداخلي يقول ..
هي اللي أبتعدت عنك..وماتبيك.وتكرهك..
أتركها وخلها في طريقها..أريح لها..
لكن في شعور يمنعني وصار اقوى يقول
خلاص يافيصل..
لاتفكر باللي فات..
أنسى لينا..
وأفتح صفحه جديده ..
وتذكر حنين وحبك لها..
والمولود اللي جاي بالطريق..

وبكذه حاولت أنسى وأركز على حياتي مع حنين..

يمه ترى مليت..
أم حنين\خلاص يابنتي هانت وبكره بتطلعين..بس تصدقين الحمدلله ,..صحتك صارت احسن من قبل..
حنين\أي صحه يايمه..لولا الله ثم هالمغذي اللي حاطينه لي..كان صارت علوم..
أم حنين \بس لحد اللحين مارجعتي مثل أول الهلات مغطيه على وجهك..يابنتي أرتاحي ونامي لاتفكرين بشي..
حنين \الله كريم ..يمه
ام حنين\نعم يابنتي..
حنين\أنا قلت ل العنود تدق على طالبه كنت أدرسها ومادفعت فلوس الماده..
أم حنين\ليكون مريم..اللي قلتي لي عنها..
حنين\أيه
أم حنين\بس يابنتي هذه ظروفها صعبه..
حنين\يعني أحنا اللي ظروفنا سهله..وبعدين لاتخافين صار للبنت اكثر من ثلاث شهور وأكيد قدرت تدبر المبلغ..
أم حنين\والله مدري شقولك..
حنين\لاتقولين ولاشي..واذا طلعت أنا الله بيسهلها أن شاء الله..
أم حنين\ا،تي لحد اللحين مصره..!!
حنين\ومستحيل اتخلى عن قراري مهما صار..
ام حنين وعشان تغير الموضوع\كأن عمر تأخر..ليكون صار له شي..
حنين\مسافة الطريق وجاي..

فيصل..
فيصل\هلا يمه..وحب راسها وحضنها..وحشتيني..وحشتيني كثير..
أم فيصل دمعت عيونها فرح\وينك ياولدي ..حرام عليك..كل هالمده تاركنا ولا تسال عنا..لهدرجه قلبك صار قاسي علينا..!!
فيصل\اسف يمه..اسف أعذريني .انا أدري أنا مقصر..بس الله يعلم بحالي..
أم فيصل \لاتحاول يافيصل..شهرين وأنا مدري عنك..لهدرجه هنت عليك..!!
لهدرجه صرت رخيصه عندك..!!
فيصل بلوم شديد\اسفه..اسف ياغلى أم اسف..وحب أيدها..أوعدك ماأعيدها بس أرضي علي ارجوك..
أم فيصل\قلبي راضي عليك ..مهما قسيت وأبتعدت..
سمعت ساره صوت أخوها وعلى طول جات الصاله
ساره\فيصل..توه مانور البيت ..وركضت تسلم عليه..
فيصل\هلا ساره..شلونك ..!!
ساره ودمعت عيونها\اللحين أحنا بخير..وأخيرا رضيت علينا وجييت..
فيصل\أهم شي تكونون راضين علي قبل..
أم فيصل\أجلس ياولدي..تعال..شسويت طول هالمده..!!وليش ماقمت ترد علينا ..!!

فيصل\يمه سالفه طوييييييييييييله..بعدين اقولكم أياها..بس اللحين علموني ..حنين بأي مستشفى...؟؟!




جلست لحالي زي كل مره أهلي يطلعون فيها
جلست لوحدي وأفكر بالسالفه اللي أتظاهر للناس أني مش مهتمه فيها..
الكل يفكر اني متجاهله موضوع حملي ..
وهو مايدرون أنه هالشي كبير بالنسبه لي..
وخصوصا أنه قلب كل شي كنت أفكر فيه..
وبديت أراجع حساباتي من اول وجديد..
..
وبالنهايه رجعت مثل مابديت..
بدون هدف



نزلت من السياره وانا قلبي تنسمع دقاته..
تلخبطت مشاعري بين شوق ولهفه ومراره..
ياترى كيف بتقابليني ياحنين.!!
ليتك تسامحيني على غلطاتي وتبتدين صفحه جديده مثل مابديت..
ليتك ترحميني وتحسين فيني..
اه ياحنين ..
وش سويتي فيني..!!

دخلت السمتشفى وأنا مرتبك..هذا غير الأرتجاف اللي يحتويني..
سالت عن رقم الغرفه
وطلعت لها..
وأول مادخلت الغرفه
كانت مظلمه ومافي غير أضاءة السرير..
وشفتها
.
.
وعلى طول رف قلبي على منظرها اللي يقطع القلب..
كان شكلها تعبان ووجها أصفر وهذا غير الهالات اللي بعيونها.
ياحبيبتي ياحنين..
ليت اللي فيني فيك..

وبصوت واطي همست لها على أمل أنها تصحى
فيصل\حنين..
وعلى طول فتحت عيونها..
شكلها ماكانت نايمه..
بس مغمضه عيونها..
حنين\فيصل..!!
فيصل\ايه فيصل وجلست جنبها على السرير..
فيصل\الحمد لله على السلامه..
حنين وهي لحد اللحين متفاجئه وماتوقعت زيارته\الله يسلمك..
فيصل وفرح برد حنين\حنين..مبرووك علينا أحنا الأثنين ..
حنين \الله يبارك فيك..فيصل..
فيصل\هلا..
حنين\فيصل..أنت فيصل..!!
فيصل\ايه فيصل.شفيك حنين..لحظه..(وشغل اللمبه..(تأكدتي أني فيصل..
حنين\أيه..
فيصل بابتسامه حزينه\وحشتيني..
نزلت حنين عيونها وماعرفت شترد عليها ...
كل الكلام اللي كانت بتقول له تبخر من أول ماشافته..
وماتري ليه كانت تبي تقول حتى انت وحشتني أكثر..
ماتدري ليه ..كانت تبي تضمه وتصيح في حضنه..
وتقوله ..معقوله هنت عليك كل هالمده..
معقوله ماصدقت على الله وابتعدت بأول موقف..
معقوله خذلتني ..وخذلت نفسك..وماقدرت تتحمل المسؤليه..
كلام كثييييييير في قلبها وتبي تفرغه قبل ماتنفجر..
لكن مثل كل مره..
دايم يخونها التعبير..
وهي في عظم حزنها..
وبالأخير..
نزلت دمعه من عيونها ..
وهالدمعه ممكن أنها تكون جواب ل فيصل الغايب..
فيصل \ليش..!!ليش الدموع..حنين..يابعد هلي..تكلمي..لاتمين ساكته..ترى مافرقنا الا سكوتك.. صدقيني أنتي تذبحيني بسكوتك ..
حنين\ايش تبيني أقول..وأيش تبيني أسوي.. تبيني أقابلك بالأحضان وأقول ونعم الزوج اللي يفارق زوجته وهي أمس الحاجه له.. والا تبيني أضحك وامشي الموضوع بسهوله..
خلني يافيصل ساكته..
خلني ساكته أحسن لي ولك..

فيصل هنا تضايق أكثر واكثر..حنين أستزته بكلامها..وحس أنه هالكلام جرح على قلبه ..
ماقدر يستحمل..وقال كل اللي بقلبه

فيصل\لا ياحنين ..هذا مو حل .... أسألي نفسك ليه أنا أبتعدت قبل ماتسأليني..
أنا كل مره أحاول أتقرب منك وانتي تبتعدين أكثر واكثر..
وكل ماأجي أزورك تصديني وتتمين ساكته سرحانه وانا المغفل اللي ينطم ويسكت..
وكل مره على هالحاله..لمن تعبت..

صدقيني تعبت نفسيا..
ماقدرت أشوفك وانتي بهالحال وأنا مكتف الأيدين ..مش عارف كيف اطلعك من حزنك..
صدقيني تعذبت عشانك وأنتي مش حاسه فيني ولا حاسه بوجودي أصلا..
كنت أطلع وادخل وأنتي ماتدرين عني..
عشان كذه ابتعدت..
يمكن البعد يحننن قلبك علي..
لكن صدقيني وحتى وانا مبتعد عنك كنت أتعذب لفرقاك
كنت اتمنى أرجع وأشوفك..
لكن شالفايده مدام انك على حالك..
كنت أسأل خواتي عنك..
وهو يجيبون اخبارك ..
وكل مره قلبي يتقطع لمن اعرف أنك على حالك ماتغيرتي..

وبعدها لمن جابوا لي خبرحملك..
طرت من الفرحه ساعتها..
حسيت أني مجنون من الوناسه..
وعلى طول بعدها جيت اركض لك..
جيت اطلب سماحك حتى لو مابرأت جروحي..
...
حنين.. (ومسك أيدها..(
سامحيني..كلنا غلطنا..
ولازم نتحمل نتيجة أغلاطنا..
أرجوك سامحيني..
أنا حياتي من دونك مستحيله..
أرجوك ارجعي لي...

أنا بتركك تفكرين على راحتك..
واذا توصلتي لحل ..
بتشوفيني بنفس المكان اللي طلعتي منه..
بس تذكري شي واحد

أنا محتاج لك..وانتي محتاجه لي..


ماردت عليه حنين ولفت وجهها عنه..
وهو فكر أنه حنين بالحركه رافضته..
وطلع من عندها..
وركب سيارته..
"أعذريني ..ولو غلطت صعبه يعني تعذريني..

رد: رواية تعبت اشتكي

جاء يوم ثاني...
وطلعت حنين من المستشفى وراحت لبيت اهلها
وفيصل درى ..وتضايق كثير..بس صبر نفسه وعرف أنها لسى ماأتخذت قرارها


أم حنين\ها ..وش قلتي.!!
العنود\ بس يايمه انتي تعرفين ظروفنا عدل وأنا اذا وافقت ورحت معاه بصير أنانيه في حقكم..
أم حنين\ياحبيبتي انتي لاتشيلين همنا..والله سبحانه ماينسى عباده..ولاتخافين ماأحنا ميتين جوع..وفكري بنفسك شوي..وبعدين أنا ورحت..وحنين بعد بترد تدرس وكل شي بيتصلح..
العنود بضيق\ولو ..ماأقدر..مأقدر..عن اذنك يمه..
أم حنين\الله يهديك ياعنود..أنا لازم اكلم حنين..
.
.
حنين\من صجها هذه..!!
أم حنين\والمشكله أني متفشله من خالك شقوله...ياحنين تكفين كلمي أختك..تراهي مصممه على رايها..
حنين مسكت ايد أمها\لا تخافين يايمه..بكلمها اللحين وان شاء الله توافق..
أم حنين\يارب..
وراحت حنين لعند أختها بالغرفه..وشافتها جالسه على السرير ومغمضه عيونها..
قربت منها وجلست جنبها ..
حنين\العنود..
حنين\العنود..أختي الصغيرونه..
العنود ومغمضه عيونها\حنين..ترى مالي خلق أبي أنام..
حنين بابتسامه\أفا...اللحين انا أجيك وأتواضع وتطريديني من غرفتي..!!مايصير..قومي يالله..وسحبت الفراش..
العنود\أوووه...حنين.وبعدين قلت لك خليني أنام...بليز اذا تبين تجلسين اسكتي ..
حنين\طيب يالعنود..مشكوره على كلامك ويجي منك أكثر..أنا بطلع..وقامت..وتوها بتمشي الا مسكتها العنود من ايدها..
العنود وهي تصيح\اسفه حنين ..لاتزعلين..بس أنا متضايقه شوي..
حنين سمعت صوت أختها وتأثرت..لهدرجه اختها مش وافقه..
تساؤلات كثير جات في بالها..
وماحست نفسها الا وهي جالسه وتمسح على راس أختها..
حنين\عنود..فيك شي...!!لافي سوى لك شي..تكلمي..!!
العنود عدلت جلستها وتكلمت\لا ياحنين؟؟لافي ماسوى شي..
لكن انا..أنا
حنين\أنت أيش..؟؟
العنود\أنا ماقدر أتركم لوحدكم..وخصوصا بهالأوقات..
أنت عارفه ليش طبعا...!!
صدقيني فكرت كثير ..لكن ماتوصلت لحل..
ولافي ملزم علي أنا نتزوج..
أنا ماألومه..
صار لنا شهور وأحنا مخطوبين..
وهو صابر..وانا بعد صابره..
لكن ماأقدر..ماقدر أتركم واسافر..
مأقدر أبتعد عنكم..
لأني ماتعودت على البعد..
وبالنفس الوقت ودي أريح لافي وأرتاح..
بس ماباليد حيله..
وهو اللحين بدون مايعرف اني رافضه زعلان..
أجل كيف لو عرف..!!
أنا أحبه وماأبي أخسره..
لكن مش قادر اتخذ قرار..
احس أني تعبانه..منهاره..
حنين بحزن فضيع\ياحبيبتي ياعنود...أحنا وين رحنا..أنا الحمد لله برجع أدرس وامي نفس الشي تبيع اللي تقدر عليه..وربك كريم ماينسى عباده. .وهذه حياتك..لين متى بتظلون مخطوبين..الولد معاه حق..
وهو بعد مايقدر يترك بعثته..
وبنفس الوقت يبيك تكونين معاه بغربته..
واذا أنتي متضايقه عشانا ..لاتخافين..
ربك بيفتحها..
أهم شي انتي ترتاحين..
وغير كذه أنتوا مش ظالين طول عمركم مسافرين كلها كم شهر وبترجعون..
وبترجعين تشتغلين وتساعدينا..
العنود\بس ياحنين أفهميني..؟؟
حنين\ايش تبيني أفهم..خلاص مافي مشكله صارت عندك..وانت لاتعقدين الأمور أكثر..سهليها والله بيفرجها..
العنود\يعني هذا رأيك..!!
حنين\أيه هذا رأي..ويالله قومي غسلي وجهك أنتفخ من كثر الصياح..وأنا بروح ابشر أمي..
العنود\أن شاء الله..

قامت العنود تغسل وجهها وظلت حنين تفكر بكلام أختها..
هي معاها حق بكل اللي قالته ..وفلوس التدريس ماتكفي..
لكنها ماتقدر توقف في طريق اختها..!!
واذا على هالشهور اللي بتمر
جاتهم شهور أصعب وقدروا يتعايشون مع الوضع..
واللي الله كاتبه بيصير..ب العنود او بدونها..

ومشت الأيام عاديه
مالها طعم..مالها حياه..
صارت روتينيه..
فيصل داوم بالشركه وخذ مسائي عشان يشغل نفسه بالشغل
ومايرد الا تالي الليل..
ويحاول انه يكلم حنين بالتليفون عشان يطمن على صحتها وصحت اللي في بطنها..
حنين رجعت للتدريس للي ماخذين دور ثاني ..وبنفس الوقت تلهي نفسها عشان ماتتخذ قرارها بظغوطات نفسيه..
العنود على نفس حالها تشتغل بالمشغل.. واذا طلعت منه تروح تروح السوق عشان تجهز لزواجها


عمر مايحس أنه له هدف ..هو الوحيد منهم اللي ماقدر يتأقلم مع الجو ويحس نفسه ضايع وبحلقه مغلقه
الدنيا تدورفيه..وهو مش حاس بنفسه..أنعزل عن الكل ..حتى من خواته..والكابه صارت عنوان حياته..

ترف وخالد ..على حالهم . لكن خالد لحد اللحين ماخذ على خاطره من ترف لأنهامارضت تشوفه وهو جايها المستشفى..وترف ماتدري شسالفه لأنها ماشافته من ذاك اليوم

سوزان..كبرت علاقتها مع يوسف ولحد اللحين محد كشفها على طلعاتها معه أما زياد حاط في باله أنه هذا الوقت المناسب عشان يتقدم لها ..وكلها مسألة وقت ويحسم الموضوع..


هيفاء تحررت اخيرا من المعصم اللي كابد في قلبها وفتحت صفحه جديده كلها تفاؤل..
وكانت خايفه انه علاقتها مع صديقتها تخترب لكن الحمد لله صديقتها تفهمت الموضوع لأنها تعرف مين اخوها مش حاس بمسؤلية زواجه..

متعب قدر يتعايش مع جو الزواج وحس بطعم المسؤليه وحلاوتها..وطبعا هالشي لازم يكون من الطرفين عشان ينجح الزواج..وبالفعل نجح..

ساره...أبتسمت للحياه مره ثانيه وطوت صفحة الحزن..ومتأمله خير لحياة حنين وفيصل..ودعت ربها أنه يردهم لبعض..

بعد مرور شهرين على الأحداث السابقه..



حنين\بطني ..بطني حسبي الله على بليسك..عنوود ترى أنا صار له شي لأذبحك
العنود\شسوي لك يعني..انا ميته خوف وأنتي مبرده..شعري عدل والا..!!
حنين وهي تضحك\لا..مو عدل..
العنود وتناظر نفسها بالمرايه\سخيفه..والله سخيفه...وبعدين وخري عني أنتي ودبتك هذه..وينها ريموا..روحي ناديها الليله ملكتي...
ريم بصوت عالي\ها.ها شتبين..مصدقه نفسك أنك بتتزوجين يالعانس..اشوف شعرك..وععععععععععع ..أيش هذا..طايح..كأنك هنديه..الشي حلو بسيط ...لا هو ناعم..ولا هو خشن..مو طايح وعفست وجهها ..وعععععععع
العنود وشو يتصيح\مووتي حره..أصلا أنتي منقهره لأن شعري أحسن من شعرك..
حنين\أقول أنا بطلع بشوف المعازيم بره..
العنود\ريم..بلاه حركات صبيانيه..تكفين شعري عدل والا لا..!!
ريم وفيها الظحكه\عنوود..شفيك..هذه ملكتك ,أذتينا..أجل اذا جاء بكره بعرسك شو بتسوين..!!
العنود\بمووووووووووت..أحس أني خايفه..وأنتي تخوفيني زياده..
ريم\ليه..عوعو على غفله..؟؟
العنود\لا..نونو..


ساره\شخبارك..!!
حنين\الحمدلله..أنتوا شمسوين..!!
ساره\كلنا بخير.ونننتظرك..
حنين\طيب..ساره..أنا اسفه..
ساره\اسفه على شنوا..!!؟
حنين\اسفه وبس..
ساره\كيف بس..؟
حنين\على الكلام اللي قلته لك يوم كنت بالمستشفى..بس صدقيني ياساره كنت بظغط نفسي لايحتمل.
ساره\لاتكملين ياحنين أنسي اللي صار وأحنا عيال اليوم..وأنا مقدره ظروفك..
حنين\يعني سامحتيني..!!
ساره\بسامحك بس على شرط..
حنين\أشرطي قولي اللي تبين أهم شي رضاك..
ساره\أنك ترجعين بيتك..
حنين ابتسمت\اللي الله كاتبه بيصير أنشاء الله..معليش ساره بشوف أمي وش تبي..
ساره\خذي راحتك..
حنين\ها يمه..تبين شي.
أم حنين\يابنتي روحي شوفي أختك..الرجال بيدخل وهي مش راضيه تطلع.
حنين\ليش..!!
أم حنين\تقول بكره زواجي ماله داعي اطلع..
حنين\هههه ياحليلها بروح اشوفها..

العنود\قلت لك ماأبي شفيك أنتي..!!
ريم\عنودوا لاتقهرين أخوي بملكته أستعدلي وطلعي له..
العنود\ماأبي ..ماأبي.. ماأبي..
ريم\حنين شوفي أختك ترى بذبحها..أنا طالعه..
طلعت ريم وتركت الأختين لوحدهم..
ظلت حنين تطالع أختها بحنيه..وكأنها مش مصدقه انها بتتزوج وبتاخذ لافي..
وبعد سكوت..
حنين\والله وكبرتي وصرتي عروس..بس ليش هالتكشيره..ليش ماتبين تطلعين له..
العنود وهي ترتجف\حنين..
حنين\عيون حنين..
العنود\خايفه...ضميني تكفين..
حنين\ولايهمك..تعالي..وحضنتها..
حنين\عنود..بسالك سؤال ..
العنود مغمضه عيونها وماتجري ليه توها تحس بالراحه يوم ضمت اختها
حنين\أنتي تحبين لافي..
العنود\أيه...
حنين\أجل ليش الخوف..أذكري الله ..هذا لافي حب الطفوله والا نسيتي..
العنود\بس..
حنين\أوش..ولاكلمه..وبلا دلع بنات..صدقيني هو متلهف لشوفتك..
العنود وصاحت\زيييييين..
حنين وحبت تخفف توتر أختها\وبعدين وخري عني..بطني ...نسيتي أني حامل
العنود وضاع صوتها بين دموعها\لا..حنين..احبكم..ومش متخيله أني بعيش بدونكم..
حنين\حتى احنا..بس شنسوي..لافي بياخذك..وحلف أربع ايمان..أنا مانشوفك أربع شهور..تعويض عن الأشهر اللي فاتت
العنود وقعدت تحسب\ليش هم شهرين بس اللي ماشافني فيهم..!!؟
حنين\أيه..وضربيه شهرين زياده..
حنين توها تحس باللي قالته..وبعدها على طول أنفجرت من الضحك..
والعنود ظلت تطالع أختها وبعدين ظحكت مثلها..

مرت نص ساعه وبعدها دخلت العنود على الحريم ..وبعدها بشوي دخل لافي مع أبوه وعمر
وبدت الأغاني تاخذ جو الحفله البسيطه..
والعنود مع سوالف ومزح لافي خف توترها شوي..
ويوم شافت الفرحه بعيون الكل نست التوتر واللي جاب التوتر..
أما لافي ..شقولكم عن لافي..يحس روحه أسعد رجل بالعالم..وتمنى هالليله ماتنتهي..
لكن كل مايتذكر انه بكره زواجه يتمنى الزمن يسرع أكثر..وينتهي كل شي على خير..
وبكذه أنقظت الليله حلوه ممزوجه بفرح وسعاده..

رد: رواية تعبت اشتكي

اليوم الثاني..
مر اليوم سريع على بيت بو حنين وبيت بو لافي..الكل يجهز عشان الزواج..
صحيح أنه مراح يصير شي..بس عشا عائلي..
لأنه خلوا الحفله الكبيره يوم الملكه..واليوم فقط أجتماع بين العايلتين..
لكن لازم السرعه حتى في الأشياء البسيطه..
وبعد العشاء راح يسافر لافي والعنود ل لندن عشان يلتحق ببعثته..
زي مايقولون أثنين في واحد..
شهر عسل ودراسه..

مرام\أنتي من صجك..!!
رهف\أيه من صجي..وبعدين شفيها يعني..خليها تتزوج..هي مش كبيره حييل..
مرام\وبسهوله تقولينها...هي من وين عرفته عشان تتزوجه...صدقيني هذا طمعان بثورتها..
رهف\وانتي شاللي حارق رزك..الزواج مو حرام..ريلاكس
مرام\لالالا مش مصدقه..أنا لايمكن أسكت عن هالموضوع..يمه..يبه..وينكم..
يمه...
أم زياد\هي أنتي . شفيك تصارخين..
مرام\صج عمتي بتتزوج..!!
.
.
.
سوزان\اأيه بتتزوج..
خالد\ياحليلها عمتي..بدت تفكر بنفسها..
ريان\ومن متى هي تفكر بغير نفسها..
أم فيصل\عيب أنت وياه هذه عمتكم والا نسيتوا..
خالد\ وفيه الظحكه\لا مانسينا..
سوزان\والله ماأتخيل عمتي لابسه الطرحه والفستان الأبييض..واي فشله.
خالد\عاد بلاكذب..اللي يشوف عمتي مايعطيها أكثر من ثلاثين سنه..
سوزان\أنت ماتدري عنها ..عمتي تسافر لندن وباربيس عشان تسوي الشد وماأدراك مالشد..!!
خالد\ولو لاتحاولين..عمتي صغيرونه..
ساره\وانتوا شعليكم..صغيره ..كبيره..اتمنوا لها الخير..وبلا كلام فاضي..
خالد\أوه أوه تكلمت ساره....درررر والله درر كلام أختي..
ريان وداش عرض\الا وين فيصل..
سوزان وتناظر ساعتها\تعال الساعه وحده وتشوفه توه داخل البيت..
أم فيصل\ياقلبي عليك ياولدي..تاعب روحه بهالشغل اللي مايخلص..وأبوك مبرد..
خالد\يايمه..هدي أعصابك..هذا مو شي جديد..أيزي..
سوزان وبسخريه\ أي والله أيزي

في الطياره..
لافي بهمس\حبيبتي..
ناظرته العنود
لافي\ فرحانه..!!
ماردت عليه..
لافي\ليش ماتردين..!!
لافي\عنود..عنودتي ..شفيك..!!
العنود\مافيني شي..!!
لافي\طيب ياعمري ليه ماتتكلمين..!!
العنود ونزلت عيونها\بس لافي..
لافي وميت عليها\بس شنوا..!!
العنود\بس لاتقول شي..
لافي\مو بكفيك..!!
العنود\أجل بكفيك..!!
لافي\أيه بكيفي الليله زواجي من البنت اللي ظليت أتمناها من يوم وانا صغير..وماتبين اتكلم..!!
أبتسمت العنود..هي منحرجه
لافي\تدرين..!!
العنود\همم
لافي\لو أحنا مو بالطياره..كان سويت هوايل..!!بس الله ستر..
العنود بخوف\ليه..وش بتسوي..!!
لافي\صايره ملقوفه..بتعرفين بعدين..وبرقه ياحبيبتي..
العنود\لافي..
لافي وهو غرقان بالحب\عيون لافي..
العنود\جب..


رجعنا البيت بعد ماوصلنا لافي والعنود المطار وعلى طول دخلت غرفتي وجلست على السرير لأني أحس بتعب فضيع..
يمكن حركتي هاليومين الكثيره أثرت علي..
غمضت عيوني عشان أرتاح شوي..
لكني فتحتها على صوت تليفوني...
مسكت التليفون ولقيت مسج
فتحته وقريت المكتوب.

لو يموت الشوق بقلوب البشر مايموت بخافقي شوقي عليك..
خذ مسافه يوم..أسبوع..شهر..
وأعرف أني طول عمري مشتريك...بيننا الأيام واحكام الدهر وراح تعرف وش كثر قلبي يبيك

المرسل:فيصل..

وماوعيت الا بمسج ثاني وشكله من فيصل..


أبرسل لك صدى صوتي بعد ماطول سكوتي..أبنثر لك كلام الحب..واشيل الورد بكفوفي..
واقول اسف على غيابي..ياغلى حب في حياتي..يطول الوقت أو يقصر..
تراك أنت أغلى أحبابي..


أحترت..بالأصح أحتار قلبي..
كلامه عذبني..وقريت الحزن بحروفه..
هذه أول مره يتجرا ويرسل مسجات..كان يكلمني ويسأل عن اللي في بطني..ومايتعدى كلامه شي ثاني..
ظليت أفكروافكر وأنا ماسكه التليفون بأيدي..
ظليت افكر بحالي وحالي اهلي...
لين متى بظل معلقه..!!
أخذت أكثر من شهر وأنا في بيت اهلي...
بس كل هذا غصبن عني..
لكن اللي اكتشفته في الأونه الأخيره..
أن فيصل له مكانه بقلبي..وكل مايجيبون طريه ينعصر قلبي شوق وحزن عليه..
وبين هالتفكير دق تليفوني وكان فيصل..
ترردت أرد عليه والا اطنش..
وضاع الوقت وأنقطع صوت التليفون..
لكنه مامل ودق ثانيه..
وعلى طول رديت عليه..
فيصل\ألوا..
حنين\هلا فيصل..
فيصل\هلا حنين...........شخبارك..!!
حنين\الحمد لله..شخبار الأهل..!!
فيصل\كلهم بخير ويسألون عنك...مبروك للعنود ولافي الله يوفقهم...
حنين\الله يبارك فيك..
وسكتنا...
فيصل\توقعتك تكونين نايمه لأن الوقت متأخر ..ماتوقعت تردين علي...
حنين\لا احنا تونا واصلين من المطار عشان نودع العنود ولافي..وانشغلت..
فيصل\يعني أسكر..!!
حنين\لا...عادي..وانت ..ليش مانمت..!
فيصل بتعب\أنا..أنا توني طالع من الشركه ..أبي أنام بس مش قادر..
حنين\ليه..!!
فيصل\تعبان..
حنين بخوف\من أيش..!!
فيصل\من كل شي..لاتهتمين..تعودت على التعب..
حنين\طيب فيصل..اخليك ترتاح ..
فيصل وغمض عيونه\طيب واذا قلت لك راحتي معاك بتخليني..!!
مارديت...الصراحه ماعرفت شقول..شكله من التعب قام يقول كلام مش حاس فيه..
فيصل\أوكي حنين ماأبي أظغط عليك..بس حبيت أسال عنك لأني من زمان ماسمعت صوتك..تامرين على شي..!!
حنين\سلامتك..
فيصل\الله يسلمك..
حنين\فيصل..
فيصل\نعم
حنين وبالمووت طلعت هالكلمات\لاتفكر بشي..نام وارتاح واللي الله كاتبه بيصير....
فيصل بابتسامه\يعني أفهم من كلامك أنك.
حنين\فيصل اللي الله كاتبه بيصير.. يالله مع السلامه..
فيصل\ مع السلامه

أول ماسكر فيصل من حنين طلع لغرفة ساره ودق الباب عليها..
ساره وفيها النوم\فيصل...خير عسى ماشر..!!
فيصل بعجله\حنين..حنين ياساره..
ساره\شفيها حنين..!!
فيصل\بكره بروح أخذها واجيبها هنا...
ساره\لسه ماأستوعبت...فيصل شتقول أنت..!!
فيصل\مش مهم تستوعبين...أهم شي أني أنا عارف وش أسوي...يالله تصبحين على خير
ساره\لحظه فيصل...
لكن فيصل تركها ومشى...
ساره\شفيهم اليوم..كلهم مجانين..بروح أنام أحسن

أنكتب يوم ثاني ل فيصل..
وهو لسه مانام..من الفرحه مش قادر يغمض عيونه..
تروش على السريع وفطر ومر على الشركه يخلص باقي أشغاله..
وأول ماخلص طلع بسيارته على بيت حنين..
دق الباب وردت عليه أم حنين..
وسلم عليها ودخلته المجلس..
وأستأذنت تنادي حنين.....
.
.
.
حنين\كنت متوقعه..
فيصل وقام\كنتي متوقعه شنوا..!!
حنين\جيتك...كنت متوقعه جيتك..!!
فيصل\وحشتيني..وجيت أسابق الزمن قبل مايسبقني..حنين..
حنين\هلا..
فيصل\اعذريني..
حنين\على أيش..!!
فيصل\على كل شي..خلينا ننسى كل شي ونبدى صفحه جديده..
حنين\.....
فيصل\شرايك..!!
حنين\سمعت نوال شتقول..!!
فيصل\شتقول..!!
حنين\أنا يالغالي رضيت وأكتفيت بكلمتك هذا بس اللي بغيت ودي تحس بغلطتك..
فيصل\يعني..خلاص...رضيتي..!!
حنين\تقدر تقول...
حس فيصل انه مو حنين اللي شافها اخر مره فيه..في دقايق حس أنه في حالم..حلم حلو ومش قادر يطلع منه..
فيصل\حنين ..مش مصدق..واخيرا..
فيصل\تعالي..
حنين\وين..!!
فيصل\تعالي جنبي..
قربت حنين وجلست جنيه..
وبدوا يتكلمون عن اشياء كثيييره..
عن اشياء كثيره عذبت حنين وفيصل.
غربة فيصل وبعده عنهاو شوقه الدايم لها..
وحزن حنين ووضعها الصعب مع اهلها..
وكل واحد كان يعاتب الثاني عتاب بسيط خفيف على القلب والروح..
وكأنهم أول مره يتلاقون ويشوفون بعض..
أول يفتحون قلبهم لبعض بدون حواجز وبدون قيود..
فيصل\شفيك سكتي..!!
حنين\مافيني شي..بس تذكرت أبوي الله يرحمه..
فيصل\الله يرحمه
حنين برجا\فيصل..
فيصل\عيونه..
حنين بدوموعها\طلبتك..لاترديني..
فيصل\أنتي أمري بس..
حنين\أبي أروح مكه...
فيصل بابتسامه\بس هذا طلبك من عيوني اليوم نحجز تذكره وبكره نسافر..
حنين\تدري...
فيصل\شنوا..!!
حنين بصوت حزييين\تدري ماعمري ...ماعمري رحت مكه..
فيصل تفاجأ\صحيح..مارحتي مكه ولامره..!!
حنين\ولامره..كنت دايما احلم أني اوقف قدام الحرم وأصيح لمن أفرغ كل اللي بداخي لكن الله ماكتب..
فيصل مسك أيد حنين\ياعمري ياحنين..خلاص ماأبي دموع..بكره بنروح عشانك.. وابتسم واذا تبين نروح المريخ هم بروح عشانك..بس أنتي أمري...وخلاص كفايه دموع...ماأبي أشوفهم..
حنين\أن شاء الله..ان شاء الله.
فيصل\طيب...يالله متى بنمشي ..!!
حنين\كيفك..
فيصل\روحي جهزي أغراضك وأنا بروح احجز واذا خلصت بمرك أوكي..
حنين\لا صعبه ..أغراضي كثيره وانا ماأستعديت الصراحه..ومايمديني خلها بكره أحسن
فيصل\بس أبك تجين معي البيت..
حنين\فيصل أنتظرت هالشهور كلها ومش قادر تنتظر يوم..!!
فيصل\أوكي على راحتك...أنت جهزي أغراضك كلها وجهزي اغراض السفر ..يالله أنا بروح اللحين..تبين شي..
حنين\سلامتك...
فيصل وقام\مع السلامه..بكلمك اذا حجزت طيب..
حنين\أنتظرك..

بعد مرور يومين..

العنود...
العنود\وخر وخر..أصلا أنا ماأحبك...ومشت عنه..
لافي ويركض وراها\كذابه...أصلا انتي تموتين فيني..!!حسبي الله على بليسك ذبحتيني وأنا أراكض وراك..
العنود\أحسن أحسن..أجل انا تتركني ساعتين أنتظرك..
لافي\شسوي حبيبتي الدوام كذه..قولي لي شسوي..
العنود\أمحق شهر عسل ..خلص خلص أنا برجع السعوديه..
لافي مسك العنود وجلسها على كرسي\شنوا..شنوا عيدي اللي قلتيه..
العنود\شنوا...
لافي\عيدي اللي قلتيه...
العنود ببراءه\ماقلت شي..
لافي\أيه أستعدلي أحسن..
العنود\طيب اذا تبيني,,وبصوت عالي الحقني..
لافي\بالخبله تعالي....العنود..وركض مره ثانيه وراها..لمن مسكها..
لافي\تدرين...
العنود \نعم..
لافي\شفتي السماء..
العنود\أيه
لافي\شفتي الشمس
العنود\ماشوف شمس..
لافي\أجل شتسوفين..!!
العنود بخوف\لافي...مطر...مطر..
لافي ومسكها عشان ماتشرد\أدري أنه مطر...خليني نمشي بالمطر..
العنود\لالالا لافي خلنا نرجع الشقه..ماجبت مظله..
لافي\وهذا المطلوب...تعالي..ومسكها من كتفها ومشى معها وهم ميتين برد ويظحكون على اشكال بعض وهو يرتجفون..
لافي\أمشي نشتري أيس كريم..
العنود ووقفت\من صجك أنت.!.!
لافي\أيه من صجي...خلينا نحس بالصقيع...
العنود\بدال ماتقول امشي نرجع اخاف عليك تمرضين... تقولي تعالي نشتري أيس كريم..
لافي\والله أنك منتي رومانسيه باحبيبتي ياماما أنتي..لازم تحسين بعذاب الحب...بكل حالاته...امشي هذا محل أيس كريم..يبيه أيس كريم جنان
العنود ويأست\لافي..انت مجنون...

قدام أحلى بقعه في العالم وبقلوب خاشعه وخاضعه
كان في أحلى قلبين..
فيصل وحنين..
وصلوا مكه من يوم وأعتمروا..وهذا هم واقفين يناظرون الحرم بكل نواحيه من نافذة الفندق
وأخير ا تحقق حلم حنين..
فيصل\ماشاء الحرم زحمه حتى لو في الليل..
فيصل\حنين..!!وينك سرحتي..
حنين\هلا فيصل..
فيصل\سمعتي اللي قلته..
حنين\لا..شنوا اللي قلته..
فيصل بابتسامه\ولاشي...
حنين\لا صج فيصل..ايش اللي قلت..
فيصل\مش مهم..ماعلينا..
حنين\أوكي..تصدق أحس أني كل مره أتعب اكثر واكثر..
فيصل\ليه ..في شي..!!
حنين\الحمل تعبني.!!وأحس أني بولد..
فيصل\تبين أوديك الدكتور..
حنين\لافيصل عادي..بس تعب بسيط بسبب الثقل بس..
فيصل\متأكده..
حنين\أيه متأكده لاتشيل هم..يالله انا بقوم أنام..
فيصل\أشيلك..
حنين\لا الله يخليك..أخاف أطيح أنا وياك...
فيصل\لالا تخافين زوجك قدها وعضلات..
حنين\لا فيصل مشكور على خدامتك..
فيصل وقرب منها \مش بكيفك تعالي..
حنين وصرخت \لافيصل.لا..
لكن لامجيب فيصل شال حنين وانتهى الموضوع..

رد: رواية تعبت اشتكي

:تدري..الكل تخلى عني...

في البدايه أمي وابوي,,
وبعدها ولد عمي اللي حبيته من كل قلبي..
واللحين عمتي اللي كنت أعتبرها مثل امي الثانيه..
مرام\تخيل بتتزوح وتتركني..
أحمد\ولايهمك أنا بريحك وبعوضك بكل شي..واللي باعك بيعيه..
مرام\بس ياحمد انا منهاره,..تعبانه..الكل يفكر أني حقوده..وماأحب الا نفسي..وهومايدرون عني..أنا خلاص تعبت..وبدت تبكي على حالها الميؤس منه ..
هذا حال مرام..من أول ما أنجرحت من فيصل وهو لها علاقه مع احمد اللي تعرفت عليه صدفه وتطورت هالعلاقه ..
لكن كان غرض مرام انها احد يسمعها وتفرغ كل اللي بقلبها لكن خذت طريق الخطأ وتمادت فيه..
كانت تتمنى أنها تنهي هالعلاقه وكل ماتنهيها تطلع لها مصيبه ثانيه و ترجع مره ثانيه تكلم أحمد ..
واللحين تحس نفسها ضايعه بدوامه مالها أخر..
والحزن مسيطر عليها والأهل للأسف مايدرون بهالعلاقه اللي هم السبب فيها..


كنت جالسه مع حنين في التوسعه اللي قبال المسجد..بناء لرغبتها ..
والا لو علي ماجلست لأني أحس بعدم الأرتياح وخصوصا بسبب كثرة الشباب اللي يتمشون..
استغفر الله ماخذين التوسعه كورنيش .. هذا غير الأكل والشرب واللعب والأطفال من جهه ثانيه..
بس شسوي ساكت لأنها أخر ليله لنا في مكه ولازم نرجع الشرقيه عشان نحضر زواج عمتي المصونه..
وبعد هالسرحان شفت ولد صغير شوي مايتعدى عشر سنين جالس يسأل وحنين مدت له فلوس وعلى طول ركض..
وانا هنا تضايقت..
فيصل\لا حنين ليه عطتيه..!!
حنين\وشفيك يافيصل عادي...تبيني أشوفه بهالحال وماعطيه شي..!!
فيصل\انتي ماتعرفينهم ..هذيلا أغنى مني ومنك..ولايغرك أشكالهم.. محد مخرب مكه غيرهم بسبب سرقاتهم..
سمعت حنين كلام فيصل وتذكرت الماضي الأسود اللي عاشته وهي صغيره ..حست أنها نفس حال الولد المسكين اللي مش قادر يسد جوعه بأي شي..هذا غير نظرة الأنكسار اللي بعيونه اللي لو في عذاب بالعالم كله كانت في هالولد الفقير..اللي مش قادر الا انه يسأل...
حنين\تصدق يافيصل..هالولد ذكرني بطفولتي يوم انا صغيره..ذكرني بقسوة الزمن علينا..
تخيل..وأبتسمت بألم
تخيل كانت تمر علينا أيام مانلقى فيها الا خبز وماي..
كنت أذكر أمي توكلنا ماي بخبز..
تخيل نغمس الماي بالخبز وناكله..وبعدها تقول لنا أمي قولوا الحمد لله..ونقولها بكل براءه..
الحمد للله
ويوم كبرت أكثر وصرت اشارك امي بالمسؤليه ..كثرت مسؤلياتنا..
وصرت أشتغل وامي تشتغل .
لكن ماقدرنا نسد كل الثغرات اللي أبوي تركها لنا..ياما مرت علينا ليالي سوده..
عذبتنا..
ذبحتنا
خلتنا نحس بطعم النعمه وحلاوتها..
كنا كل شي نسويه نحسب له ألف حساب..
كان كل شي له ميزانيته..
حتى الماي له ميزانيته..
ماكنا نعرف شي اسمه طلعات وسفرات ..
حتى أهلنا اللي هم أهلك قطعونا يوم دروا بفقرنا..
لكن مع ذلك كنا نعيش مكرمين ولا أحد يقدر ينطق بكلمه شينه عنا..
والله شاهد علينا..
اه يافيصل ذكرتني بأيام احاول أتناساها..

كان عارف فيصل أنه حنين قويه ..لكنه ماكان يعرف من وين هالقوه استمدتها..
واليوم عرفها..
كانت هالقوه والصمود مزروعه في حنين من يوم وهي صغيره وكل بسبب العيشه الللي حتمت عليها تكون بهالشخصيه القويه..
وأمراءه مثل حنين يفتخر فيها كل رجل عرفها ..
وماندم فيصل على زواجه منها حتى لوكانت بداية زواجهم متأسس على خطأ
بل بالعكس كل يوم يكتشف فيصل جانب مشرف من شخصية حنين ..
وبالأخير عرف أنه وحده مثل حنين لازم تنحط في مكان عالي ومكنون لأنها تستحق كل الخير والراحه الأبديه في حياتها الباقيه..

جاء اليوم الثاني اللي بيرجع فيه فيصل وحنين من مكه

أم فيصل\تأخروا صح..!!
سوزان\يايمه صبري شوي...كلها
دقايق وبتشوفينهم قدام عيونك..
أم فيصل\ساره قلتي للخدم يبخرون الغرفه يوم نظفوها..
ساره\أيه قلت لهم..ورحت تأكدت أنه كل شي تمام..
سوزان\تصدقون شكلي بروح انام...بكره ورانا يوم طويل..
ساره\وفيصل وحنين..
سوزان\يوووه نسيت..امرنا لله بننتظرهم..
حنين وفيصل\السلام عليكم..
ام فيصل\وعليكم السلام..ياهلا والله..
ساره\مابغيتوا تجون تأخرتوا..
فيصل\شنسوي بعد احنا طالعين من بدري لكن طريق المطار ممل..والله ستر لأني مرتين غفتيت لكني القى ضربات محترمه من المدام..
سوزان\زين ياحنين زين سويتي فيه..
حنين\ والله أني ماسكه قلبي خايفه يصير لنا حادث..وهو ولا على باله
ام فيصل\اهم شي انكم رجعتوا سالمين..
فيصل\أي والله...يالله نستأذن..تعبانين ونبي ننام..تصبحون على خير
ام فيصل\وأنتوا من أهله

اليوم الثاني

حنين\يمه متى بتجين..!!
أم حنين بتعب\مدري والله..يمكن بعد شوي.
حنين\...لا بس ..لاتتأخرين..
ام حنين\أن شاء الله ..مع السلامه
حنين\مع السلامه..
سكرت السماعه من أمي وحطيت راسي على التسريحه..
وهالحركه أربكت فيصل..
فيصل\حنين شفيك..!!
حنين\مافيني شي بس تعبانه شوي..وامي مدري شفيها صوتها مو طبيعي اه
فيصل\رفعي راسك حنين...
حنين\أحس بدوخه فيصل..
فيصل مسك أيدها\حنين خليني أوديك المستشفى.اليوم منتي بطبيعيه..
حنين ورفعت راسها\لا فيصل بنتاخر على العزيمه..خلاص أنا مافيني شي..
فيصل\حنين لاتقاوميين أمشي أوديك على الأقل أطمن..
حنين بتعب\فيصل خلاص قلت لك مافيني شي..يالله تأخرنا عليهم..
ناظرها فيصل نظرة شك..
حنين\فيصل معليش عطني عباتي..
فيصل\ان شاء الله..
اعطاها فيصل العباه وحاول يساعدها وطلعوا مع بعض لبيت العم بو زياد لأن الحفله بتكون هناك..

رهف\وبعدين يعني خلص أنطموا...
سوزان\أي ننطم الله يخليك..عمتي صارت أضحوكه اليوم..
ترف\واي بموووت ضحك..أبي أشوف عريس الغفله زوجها سعود..
رهف\والله أنه عينكم قويه وأنتوا شعليكم بزوجها..
ترف\وأنت شعليك كيفنا نبي نشوفه..
ساره\ترفوا...متأكده تبين تشوفينه..
ترف\أيه متأكده في شي..
ساره\هييييييين ان ماعلمت بعض ماأكون ساره..
ترف\يعني بتخوفيني ..انا ياحبيبتي ماأخاف من احد..
سوزان\متأكده..
ترف\خلوني أفكر شوي..
ساره\المهم لاتنسون اليون بتنامون في بيتنا...!!
ترف\وليه ان شاء الله..
ساره\شف السخيفه نست الأتفاق..
ترف\لا مانسيت بس أحب أستعبط..
ام زياد\أقول ياأم فيصل شفيها مرت ولدك وجها أصفر..!!
أم فيصل\مافيها شي أكيد هذا من تعب الحمل..
أم زياد\أيه..الله يسهل عليها..
ام فيصل\امييين..حنين
حنين\نعم خالتي
أم فيصل\أمك شفيها ماجت..!!
حنين\مدري والله تقول يمكن تتأخر..
جاء الملاك وبدت أجراءت الملكه
وكلها نص ساعه وصارت العمه زوجه ل سعود..
وبدى الكل يبارك لها..
البنات\مبروك عمتي..
العمه\الله يبارك فيكم...ويين مرام ماأشوفها؟
سوزان\هذه جات..
مرام\مبروك عمتي..
العمه\الله يبارك فيك..عقبالك يامرام..
مرام بعيون منكسره\الله كريم..
سوزان\مرام...شفيك..!!
مرام \مافيني شي..
وجاء الوقت اللي يدخلون فيه الرجال
والكل دخل مع المعرس..
وأول مادخل المعرس الكل تفاجأ من صغر سنه لأن اللي يشوفه مايعطيه أكثر من 30 سنه..
لكن محد يقدر يتكلم احترام لعمتهم . لبس المعرس العمه الشبكه وبدت الحفله تاخذ مجراها الطبيعي وبالنهايه
اظطر المعرس ياخذ العمه و مابقى شي على موعد
الطياره..

لكن المفاجأه الثانيه اللي صارت قدام الكل أن بو فيصل أعلن خطوبة زياد وسوزان اللي كانت بتصير في يوم من الأيام ومحد أستغرب لأنهم يعرفون بالموضوع من زمان..
والوحيده اللي تفاجأت وماتوقعت هالشي يصير بسرعه اللي هي سوزان
لكن كانت ردة فعلها ابتسامه خجوله والله يعلم وش اللي بداخلها..
رهف\سوزان..مبرووووك..واخيرا بتصير مرت أخوي..
سوزان\الله يبارك فيك
ساره\مبروك سوزان..الف الف مبروك..
سوزان\الله يبارك فيك..بس بنات والله استحي..
ترف\سوزان..شسويتي في أخوي الله يغربل بليسك..والله وسواها زياد..مبروووك
سوزان\الله فيكم وعقبالكم..وبعدين انا ماسويت شي..هو اللي جاء وخطبني..
ترف\علينا...علينا هالكلام..يمه منكم يالبنات..أنا أعرف حركاتكم عدل..
سوزان\خلاص سكروا الموضوع امشوا نسلم على عمتي قبل ماتمشي..


نواف\أحلى أحلى...الولد يعرف يستحي..
زياد\ياربي نواف ماتوقعت عمي يقول قدام الكل أحس باحراج..
خالد\من صجك أنت قو قلبك ..مو هذا اللي تبيه من زمان..وبعدين تعال لو انا مكانك كان أطير من الفرحه
زياد\ومين قالك أني مش فرحان..بس مدري منحرج شووي.شباب شرايكم نطلع..شكلنا غلط..
خالد\وش الغلط عادي مافي أحد غريب..شفيك انت..!!
زياد\أنا مش وجهي لوح مثلكم..بطلع..سلام..
خالد\شت شت شت..اللحين بنطلع بعده..ياربي منه لازم يخرب على غيره..
نواف\وأنت شفيك ميت على الجلسه..ليكون انت بعد حاط عينك على وحده من البنات..!!
خالد بخوف\أنا..شالكلام اللي تقوله صج أنك ماصخ..
نواف\طيب يالله ورني شطارتك واطلع معي..
خالد بضيق\طيب عادي .يالله نطلع.أصلاأخر همي الجلسه..مالت عليك..
نواف\ههههههههههاي وعليك..
وبعد ماودعتهم العمه..حطوا العشاء وتعشوا
وعلى الساعه وحده رجع كل واحد بيته
رهف\وشفيها يعني اذا ركبنا مع خالد..مالت عليك..!!
سووزان\ترف بلامصاخه الولد ينتظرنا بره..
مرام وفيها النوم\شوفوا قسم بالله ان ماركبنا اللحين لأكنسل كل شي وأروح اخمد بغرفتي..
ترف\لالالا تكفين مرام اذا مارحتي أنا مستحيل أروح..
مرام\خلص أجل انطموا وأمشوا وراي خالد وساره ينتظرونا ..
وبالفعل مشت الأنسه مرام وبعدها الحرس الوطني يتبعها..وأخر الحرس ترف اللي مسويه نفسها مستحيه
البنات\السلام عليكم..
خالد\وعليك..ماصارت كل هذا تاخير..
سوزان\شنسوي بعد الشيخه ترف مش راضيه تركب..
خالد وتفاجأ\ليه..!!
سوزان\تقول أنهاي..تستحي..اي من ك..حسبي الله على بليسك ذبحتيني..
أبتسم خالد وناظر المرايه وماعلق
ساره\سوزان شفيك..!!
سوزان\ولاشي..بس مري شاللي قرصني..
رهف\يمكن قروص
ساره\وش جيب القراريص بسيارة خالد..وفيها الظحكه..لاياخالد أنت لازم تحط بف بف بسيارتك..تدري حشرات هذه مو أي شي ..!!
سوزان\أيه ايه..لازم تاخذ بف بف للسياره..ترى يمدحونه كثير..اه
ترف\بف بف يبحكم وينتف شعوركم ان شاء الله..
خالد وضرب بريك قوي\سمعت صوت والا يتهيأ لي..
مرام\أيه هذا صوت الحشره اللي قرصت ترف..
ساره\خلص عاد..ذبحتوا البنت..سكتوا عنها..
رهف\أيه يوم خلصتي كلامك قمتي تدافعين عنها..
ساره\لا والله
رهف\أي والله
خالد\بسسسسسسسسسسسس
البنات بصوت واحد\يمه خرعتنا..
خالد وبعد ماسكتهم\أقول بنات أسكتوا سمعوا هالأغنيه تراكم صدعتوا راسي..

مالي عزا من دونه ل تيمني هواه
كل الحسن بعيونه في وجهه ومحياه
الناس مايسونه عالي مستواه
قلبي فضى مضمونه وأرجوك لاتنساه
قلبي فضى مضمونه وأرجوك لاتنساه
صون الهواه وبصونه عهد هوى ذكراه
عنكم لو يعدلونه كل العدل خلاه
الناس مايسونه عالي مستواه
قلبي فضى مضمونه وأرجوك لاتنساه..

رد: رواية تعبت اشتكي

خالد\تفضلوا وصلنا...والحمد لله على السلامه..وحياكم الله..توه مانورت السياره وتباركت...
رهف\شكرا شكرا كل هذا لي ولد عمي...
خالد وانحرج\لكم كلكم..حياكم
دخلوا البنات البيت وحصلوه فاضي شكله الكل نام...
جرت مرام سوزان وطلعوا على فوق بدون نقاش..
وبعدها لحقتهم ساره ورهف وترف..
مرام\بسرعه طلعوا لي بيجامه أبي أنام..
سوزان\لاياماما منتي نايمه لمن تقولين لي كل شي..!!
مرام\شنوا..!!
سوزان بصوت واطي\بعدين اقولك..
ساره\طيب وش تبون نشوف اللحين هندي والا اجنبي..
ترف\هندي أكيد هندي
سوزان\لا وع قطع..ماأبي هندي..خلونا أجنبي احسن..
مرام\أيه أجنبي احسن..
ترف\لالا ماأبي أجنبي زهقت منهم..
مرام\خلص اللي تبينه هندي
سوزان\لا والله
مرام \يالخبله عشان تقولين لي السالفه ونتكلم براحتنا..
سوزان\أيه صح..هندي..طيب كل وحده تبدل عشان مايضيع الوقت علينا..
وبعد مابدلوا نزلوا البنات للدور الثاني بالغرفه اللي فيها التليفزيون..
رهف\ طفي اللمبه..
سوزان\ليه..!!
رهف\عشان نعيش جو السينما..
ساره\وهذا ببسي وبوب كورن بعد..
رهف\واي بيبسي...حبيبتي بنت عمي انتي الوحيده اللي فهمتني..




جالس على السرير وبنتف شعري من القهر...
معقوله ياناس..ترف فتحت في بيتنا ومش قادر اشوفها..!!
والله حرام..
شسوي اللحين..!!
أنزل!!
لالالا مايصير شيقولون عني اللحين..!!
أصلا ماعندي سبب أنزل تحت..!!
أووووف شسوي..
خليني أنام أحسن لي..
غمضت عيوني قهر وحاولت أنام..
لفيت يمين..لفيت يسار رفعت البطانيه على وجهي ..حاولت
وحاولت
وحاولت...
بدون فايده..
وقمت على طول..
وانا اصرخ..
عطشان..
عطشان..
أبي ماي..
بنزل عشان اشرب ماي
عليك حركات ياخلود..أنت كذه

عدلت شعري ورجعته على ورى وظبطت بيجامتي ورشيت عطري..
عادي أنتوا بس تحمدوا عشان مايصيبكم المرض..
طلعت من الغرفه وقربت جنب الدرج حاولت أسمع صوتهم..لكن ماسمعت شي...
غريبه...معقوله ناموا..!!
لا مستحيل هذيلا خنافس مايصيحون الا بالليل..
أعرف حركاتهم وتجمعات البنات كلها مصخره وضحك..
نزلت من الدرج وماشفت احد بالصاله..وينهم..!!
وأبتسمت..اكيد جالسين يطالعون التلفزيون..
وعلى طول بديت أنفذ الخطه..
رحت للمطبخ وسويت ضجه عشان ابين لهم أنه في أحد تحت..وخذت كاس ماي وانا اصرخ وأقول عطشان
وطلعت بعد ماتأكذت مليون بالميه أنهم حسوا فيني
تحنحنت ودخلت عليهم وشفت حبيبتي تمسح دموعها...ياقلبي شفيها..!!
أبتسمت بغباء وأنا بوجهي علامة استفهام..
خالد\ليش مانمتوا يالشياطين..
سوزان\ماتشوفنا نتابع فيلم هندي.!!
خالد\كل هذا فيلم هندي تدرون كم الساعه اللحين..!!
رهف\ندري ثنتين..
ساره وتبتسم\خالد..تعال تفرج معانا الفيلم رووووووعه..
أبتسمت لخبث أختي ساره والله هي الوحيده اللي فاهمتني اللهي خليها لي ان شاء الله
مشيت عند ساره وجلست جنبها يعني تقريبا قبال ترف\مين بطولته الفلم؟؟؟
سوزان\بعيون خضر مدري شسمه حبيب ترف..!!
ترف\أنا مش حبيبة أحد..
سوزان\المهم اللي أذتينا عليه طول اليوم يالله تصبحون على خير فيني النوم يالله مرام..
مرام\تصبحون على خير...
وبعد نص ساعه..
رهف\خلاص ماعدت اشوف أحد تصبحون على خير..
ترف\لا رهف جلسي معي بقى شوي وينتهي..
رهف\مقدر ترف أبي أنام وهالفم طويل..مش راضي يخلص..باي
ترف وشوي بتصيح\لا رهف..
ساره\ ترف..انا معك..ليش خايفه..!
ترف\أنا خايفه مين قال..!!
شفت الخوف بعيون ترف ..
بس أستغربت منها..!!
معقوله تخاف مني..!!
مني أنا..!!
يعني للحين معرفت شكثر أحبها..!!
والله أنها بتجنني..
ساره\وين ترف!!
ترف\بشرب ماي وبجي..!!
ساره\طيب جيبي لي معاك..

سوزان\يعني معقوله ماقال لكم..!!
مرام\أصلا أتفاجأنا مثلك..ماتوقعنا منه هالخطوه..!!
سوزان\أها
مرام\طيب ماقلتيلي شرايك بالموضوع..!!
سوزان\عادي
مرام\شنوا عادي..!!
سوزان\يعني أنا أعرف من زمان أن زياد خطيبي مافرقت عندي..
مرام\يعني أنتي ماتحبينه..!!
سوزان\تقدرين تقولين أستلطفه..!!
مرام واتفاجأت\بس..!!
سوزان\أيه بس..ولاتنسين أنه ولد عمي وهو أولى من الغريب..
مرام\تصدقين توقعتك تحبينه..!!
سوزان\يمكن معى الأيام أحبه..
مرام\يمكن..
سوزان\يالله خلينا ننام..
مرام\يالله..

طلعت للمطبخ بحجة أني بشرب ماي..وأنا صراحه مش عطشانه ولاشي..
بس كنت أبي أتهرب من نظرات خالد..
والمشكله مش مخليني أتابع الفلم زي الناس..
أنا ماأحب أحد يناظر فيني ..
والله استحي..
والمشكله احس أنه يعرف أني أحبه..
وكل ماأتذكر كلمته لي بالشاليه أمووت أحراج..
وهو أبد ماعنده أحساس مولع الكشافات عدل..
صبيت لي ماي وشربت عشان أريح أعصابي وبعدها رشت على وجهي ماي..
الصراحه أبي أصحصح..
وماحسيت الا بأحد يرش علي ماي
تفاجأت
ترف\خالد..
خالد\أرش زياده والا لا..!!
ترف وتمسح وجهها بضيق\أنت مجنون..
خالد\أنتي المجنونه..حبيت اعرض خدماتي شفتك اكثر من مره ترشين ماي بوجهك وقلت خليني أساعدها
ترف\لا والله..!!
خالد ومتقن الدور عدل\أي والله ..تبين بعد..والا خلاص..!!
ترف وعصبت\خالد..
خالد\وحشتيني..
ترف والله وحشتيني..وأنت ولا على بالك شي..ولاتفكرين أني نسيت سالفة المستشفى ترى لحد اللحين زعلان منك..
ترف\أولا لاتقول هالكلمات ثانيه عيب..وثانيا أيش تتوقع مني أخليك تدخل وأنا وجهي منفخ..
خالد\لا بقول هالكلمات متى مابغيت..وثانيا أنا كنت أبي أطمن عليك..وأنت مطنشتني..تخيلي ذاك اليوم ماذقت طعم النوم بسببك..ويوم جاء الصبح على طول جيت مع ساره بحجة اني بوصلها وأنا غرضي الأساسي اني أشوفك..ترف..صدقيني أنا بدونك ضايع..صدقيني
ترف وهي تناظر باب المطبخ وبصوت واطي\طيب شتبيني أسوي...
خالد ويقلدها\ولاشي..يكفي أني اشوفك مرتاحه...وتبادليني نفس الشعور..
ترف\ومين قال أني ما..
خالد\أنك شنوا..!!
ترف\ولاشي..سكر الموضوع..
خالد\\طيب ترف أنا أعرف أنا جلستنا غلط بس أبيك تعرفين شي قبل مانام
ترف\اللي هو..
خالد\أنك أحلى حب في حياتي ومستحييل أفرط فيك مستحييل وطلع
ترف وصفعت وجهها\لاياربي حرام عليه..مقدر أنا كذه..ذبحني هالخالد..خليني أطلع ل سار ه احسن
ساره\تأخرتي
ترف\مالقيت ماي وبالمووت حصلته..
ساره\أها..وين الماي..
ترف وتوها تستوعب\نسيت...
ساره وفيها الظحكه\خلص عادي أجلسي.


لحد اللحين مش مستوعب اللي صاير...
وانا توني راجع من البيت كنت بدخل غرفتي والا شفت شي أسود طايح..
فتحت عيوني بأقوى ماعندي ..
وركزت أنا اللي طايحه امي..
أنهرت ساعتها
وجلست على ركبتي وحطيتها في حضني..
واللي مريحني شوي أني أحس بتنفسها..
لكن عيونها مغمضه والعرق ينزل من وجهها

وانا لحد اللحين مش مستوعب اللي صاير..
.
.
وبسرعه غريبه حاولت أقومها وأنا زي المجنون وبصعوبه ثبتها وحطيتها على أقرب كنب جنبي
رحت اجيب عباتها ولبستها وأنا أصرخ بداخلي وأبكي من العذاب النفسي..
وصلت المستشفى في ربع ساعه..
والمشكله انه محد يدري..ومش عارف كيف أتصرف..
العنود مسافره..وحنين في بيت زوجها..
والأدهى من كذه سمر لحالها في البيت نايمه..وماتدري عن شي..
أسودت الدنيا بوجهي..
حسيت أني ضايع..تايهه مالي مكان اروح له..
غمضت عيوني بتعب وأنا انتظر الدكتور يطلع من الغرفه عشان يطمني..
يارب ساعدني..
يارب مالي غيرك ..
أرحم أمي..
خلها لنا..
يارب مالي غيرك أستجيره واتوسل له..
يارب لاتردني ..يارب لاتردني..
وماوعيت الا بصوت الدكتور يناديني..
فزيت من مكاني وأنا انتظر منه أجابه لأن حالتي ماتسمح اني أتكلم..
الدكتور\أنت ولدها..
هزيت راسي زي المجنون ..
الدكتور\الوالده تعرضت لنوبة أنخفاض في السكر والحمد لله انك جبتها في الوقت المناسب لأنها كان ممكن تطور حالتها وتطيح في غيبوبة طويله سكر..
كلها ساعتين وشوي وبتصحى..لاتخاف ...أستئذن..
رمى علي هالكلمات ومشى..
دموعي نزلت ألم وحسره وتشتت..
حسيتهم دهر..حسيت كلماته خنجر يطعن في قلبي..
أمي تعبانه وأنا مدري..!!؟
صار لي فتره تاركها وناسيها ..
من أول ماطلعت حنين من البيت وأنا ماعرف وش حالها..
هي كلت..شربت...نامت..
مدري عن أي شي..
واكيد تعرضت لهالشي بسببي أنا..
أنا السبب..
انا القاطع أنا الغايب انا المهمل انا الأناني..
أنا اللي لازم اصير رجال البيت..
وللأسف ماأستحق هاللقب..
صرت ضعيف
صرت تايه مالي هدف..
وكل هذا بسبب الذكرى اللي ذبحتني ..
أرتكزت على الجدار
وصرت اصيح عذاب وقهر..
أصيح أمي..وأصيح ابوي..
أصيح ل حالي وضياعي..




في غرفة حنين وفيصل..
حنين\فيصل خلاص مش قادره استحمل..قوم فيصل..ياربي...فيصل فيصل فيصل
فيصل وقام مرتاع\هاه شفيك حنين
حنين\قوم فيصل بولد قوم
فيصل وفرك عيونه\شتقولين..!!
حنين\خلاص خلاص أحس أني بولد..وصرخت اه
فيصل\حنين حنين..مسكي نفسك شوي.. بروح أنادي ساره
حنين\لاتتأخر فيصل بموووت..اه.فيصل
طلع فيصل زي المجنون وهو ينادي على ساره اللي سمعته وركضت له فوق
ساره\شفيك..
فيصل\حنين..حنين بتولد..
ساره\والله..
فيصل \تعالي شوفيها ولبيسها العباه بروح ابدل...
ساره\طيب طيب..
وبسرعه ركضت ساره لحنين ولبستها عباتها وقالت ل ترف تعلم البنات أنهم بالمستشفى..وطلعوا..

سوزان\أنتي متأكده..!!
ترف\أيه متأكده..
سوزان\طيب بقول لأمي..
ترف\لاتقولين لها واذا ولدت حنين طمنيها..
مرام بضيق\صح كلام ترف لاتقولين لها اللحين.

وصل فيصل المستشفى وعلى طول نادى الممرضين و سحب كرسي متحرك ل حنين وركبها فيه ووراه ساره
ودخلوا حنين اقرب غرفه..
فيصل أرتبك ومش عارف ايش يسوي وخصوصا أنها أول مره يجرب هالموقف\يارب
ساره\لا تخاف يافيصل..وان شالله الله بيسهلها..
فيصل\أنا كنت دايما أقول لها أمشي أوديك الدكتور بس هي ترفض
ساره\خلاص يافيصل هالكلام ماينفع اللحين..مانقدر الا ندعي لها..قلت ل خالتي..!!
فيصل \يوه نسيت...خليني أكلمها...
كلم فيصل بيتهم لكن محد يرد..
كلم مره ثانيه ..ونفس الشي محد رد..
وقال أكيد هم نايمين..وسكر التليفون..
فيصل\محد يرد..
ساره\حاول ثانيه..
فيصل\اذا ولدت حنين بكلمهم ثانيه وقامت بالسلامه بكلمهم عشان اطمنهم.
ساره\على راحتك..





كانت نايمه وصحت على صوت التليفون..
تقلبت على السرير بضيق..وتوها بتحضن امها زي كل مره لكنها مالقت أمها جنبها..
نادت باسم أمها وماشافت رد..
فتحت عيونها والنوم يغالبها..
واستغربت ..!!
وين أمها..!!
قامت من السرير وهي تفرك عيونها لأن لحد اللحين فيها النوم..!!
نادت مره ثانيه على أمها ..لكن ماحصلت رد..
نادت ثالثه لأنها فكرت أن امها بالصاله لكن محد رد..
نادت مره رابعه لكن بصوت اعلى ونفس الشي ماحصلت رد..
طلعت من الغرفه بهدوء..وهي تنادي أمها بصوت واطي..
ونفس الشي محد رد عليها..
طلعت للصاله..ماشافت احد..
راحت المطبخ..والحمام والمجلس.وماشافت احد..
مشت لغرفة اخوها عمر وأبتسمت وقالت ببراءه أكيد ماما مع عمر الغبي..اوريهم يتروكوني لحالي..
ويوم دخلت
قالت..أنا ماأحبكم...ليه تخلوني لحالي..!!
وسكتت
ماكملت كلامها...لأنها اتفاجأت بأنها مالقت أحد...
وبهاللحظه..


..صرخت..
.
.
.
.
.
صارت زي المجنونه تصرخ وتصيح......تصرخ وتصيح باسم أمها..
محد يسمعها..ومحد يدري عنها..
جالسه لوحدها والخوف مسيطر عليها..والدنيا شبه ظلمه..وتخيلت اشكال كثيره..
قامت تطلع كل شي حولها وهي بحاله اللله العالم فيها
وصرخت اكثر واكثر...
ودموعها غطت على وجهها وجسمها يهتز من الرجفه..
سمر\ماما..ماما..وينك..؟؟ماما..عمر...وينكم...ح رام عليكم..ليه تخلوني لحالي.. أنا خايفه..خايف....اف......ه...مام ا...
ماما
والتفت وراها لأنها حست بصوت..ويوم ألتفت مالقت احد وراها وزاد خوفها..لكنها اسمعت نفس الصوت بيمينها وألتفت بسرعه..ومالقت أحد.......!!!
قامت تتخيل أشكال غريبه..
واصوات أغرب..
ويم أستوعبت انها وحيده...
أنهارت..
حاولت تمسح الدموع اللي بعيونها وتشوف زين ..بس ماقدرت دموعها غطت وجهها..
ماقدرت تستحمل الموقف أكبر منها..
خوف..وحشه...وحده...

ويوم أتعبت جلست على الأرض بزاويه بأخر الصاله..
وهي تبكي ومستوحشه المكان
وبالنهايه..
نامت..
نامت خوف وألم..

رد: رواية تعبت اشتكي

مبروك..ولد زي القمر..
فيصل بفرحه ملت الكون\صج..حنين جابت ولد..
الممرضه\أيه..
فيصل وبعجله\طيب اقدر أشوف حنين اللحين
الممرضه\كلها دقايق وتطلع من غرفة العمليات وتقدر تشوفها ان شاء الله..أستئذن اللحين
ساره\مبروك يافيصل..ألف ألف مبروك..
فيصل\ساره..الحمد لله..الحمد لله..مش مصدق..أخيرا..أخيرا ..تركي جاء..جاء ياساره..الف شكر لك يارب..الف شكر
ساره\الحمد لله..بس حسافه كنت اتمنى بنوته ..يالله معليش..

ام فيصل\اللحين اللحين توديني..!!
خالد\ان شاء الله بس أنتي ليش معصبه..!!
أم فيصل\يعني ماتدرن ليش أنا معصبه..!!
سوزان جيبي عباتي بسرعه..!!وانت رح ألبس ثوب...بتروح بهالبيجامه..!!
خالد\لا من جد ..الوالده موب طبيعيه اليوم..
أم فيصل\يعني وش تبوني أسوي..مرت أخوك بتولد وماتقولون لي..حسابكم بعدين..مش فاضيه اللحين..

فيصل\مبروك ياأم تركي..
حنين بتعب فظيع\الله يبارك فيك..
ساره\مبروك حنين..
حنين\الله يبارك فيك..شفتوا الولد..!!
فيصل\لسه ماشفته...شوي وبروح للكتور وبالمره اشوفه..المهم طمنيني عليك..شي يعورك..
حنين\تعب خفيف الحمد لله..أهم شي أني قمت بالسلامه....المهم قلتوا لأمي..
فيصل\كلمت بيتكم بس محد يرد علي..!!
حنين\فيصل تكفى كلمهم ثانيه..
فيصل\أن شاء الله بس أنتي أرتاحي اللحين أنا بطلع أشوف الدكتور..أوكي..تبين شي..
حنين\سلامتك..


بعد ماطلع فيصل من الغرفه راح للدكتور عشان يطمن على الولد والحمد لله سليم..وعلى طول راح للحضانه يبي يشوف ولده..لكن لأنه مش خبير بهالأمور مش عارف مين ولده بين الأطفال..
لكنه يوم شاف هالأطفال ..اللي نايم واللي يصيح واللي يرضع..حس باحساس غريب ..أحساس ماينوصف ..
أحساس حلو أول مره يحس فيه..
ظل فتره طويله وهو يتأمل الأطفال وبعدها طلع عشان يسال أكثر..
و شاف بطريقه عمر وبو لافي واتفاجأ من وجودهم..لأنه هو لسه مادق عليهم...
فقال يمكن الأهل علموهم..
ويوم قرب منهم أستغرب من أشكالهم ..
فدخل الخوف في نفسه..
سلم عليهم وقالهم عن ولادة حنين وباركوا له..وهو لحد اللحين مش عارف أيش فيهم..
فانصدم بكلام بو لافي ..
فيصل\طيب وشخبارها اللحين..!!
عمر\يقول الدكتور كلها ساعتين وتقوم بالسلامه وأحنا ننتظر..
فيصل\الله يسهل ان شاء الله..طيب أنا بروح اشوف حنين
بولافي\روح ياولدي الله يصلحك..
عمر\فيصل..لحظه بروح معك..
فيصل\حياك..

مشى فيصل وعمر لقسم الولاده..
وشافوا ساره طالعه من عندها.
ساره\السلام عليكم عمر ..
عمر\وعليكم السلام..
ساره\مبروك ماجاء ل حنين
عمر\الله يبارك فيك..
ساره\فيصل..تعال شوي..
فيصل\طيب ساره..عمر أدخل ل حنين وشوي وبجيك..
فيصل\خير
ساره\كلمت أمي..وهي معصبه موووت..
فيصل\ليه..شصاير..!!
ساره\تقول ليه ماقلنا لها من البدايه..
فيصل\الله يهديها أمي..وانا كنت بحاله عشان اخبرها..زين اني شفتك بعد..المهم بقولك شي..!!

أول مادخل عمر الغرفه شاف اخته مغمضه عيونها...
بساعتها أنفطر على قلبه وتذكر أمه ..لأن حنين فيها شبه كبير من امها خصوصا الوجه..
حاول يمسح دموعه بطرف كمه وقرب من اخته وهو يهمس لأذنها
عمر\حنين..
فتحت عيونها حنين على طول وابتسمت لأخوها..
حنين\عمر..
عمر\مبروك ياحنين
حنين\الله يبارك فيك..وعلى طول تحركت عشان تعدل جلستها واول ماتحركت حست بالم فظيع..وصرخت..
خاف عليها عمر وأجبرها أنها ترتاح..
عمر\حنين..لاتتحركين أنتي توك والده..
حنين أظحكت عشان ماتخوف أخوها\لا عادي عمر اه...شوي ويرجع ألأمر طبيعي..صح..نسيت اقولك..وين أمي...!!
.
.
.ساره\ياقلبي عليك ياحنين..وش بتسوي اذا درت..
فيصل\المشكله مش عارف كيف اقول لها..وودي أنها ماتدري..بس كيف..!!أكيد بتسأل عن امها..!!
وبين سوالفهم سمعوا صوت حنين العالي..وعلى طول فيصل دخل الغرفه ..



حنين\حرام عليكم..حرام..ليه ماقلتوا ليه.!!ليه...!!
مسك فيصل حنين وضمها
فيصل\حنين..سمعيني..امك مافيها شي..كلها كم ساعه وبتشوفينها..واحمدي ربك أنها مش في غيبوبه طويله..
حنين\فيصل..فيصل..أرجوك.ودني لها..ودني لأمي..أبي أشوفها..
فيصل\ان شاء الله بتشوفينها.بس أنتي أرتاحي اللحين..
حنين\لافيصل..أبي اشوفها اللحين..ماأقدر أرتاح ولايهدى لي بال لمن اشوفها..أرجوك يافيصل..
فيصل\لا ياحنين..مأقدر أوديك لها..
حنين\فيصل..طالعني فيصل..ومسحت دموعها ..صدقني انا مافيني شي..حتى شوف..شوفني ..وطالعها وكانها ورقه تهتز جدامه من عظم الألم ورق قلبه عليها..شفت..مافيني شي.. الله يخليك..الله يخليك ودني لأمي...الله يخليك..

سأل نفسه سؤال...مالقى له جواب...
متى ترتاح حنين..!!
قبل شوي شاف الفرح بعيونها..وكيف هي متشوقه لولدها..!!
واللحين شاف العذاب.
على انها حاولت تكون أقوى ..لكنها ماقدرت لأنها خلاص قلبها مش قادر يستحمل صدمات..
كل ماتبي تفرح..
كل ماتبي تحس بالسعاده..
يجي شي يعكر حياتها..!!
لين متى ياحنين..!!
لين متى بتشكين..!!


حنين\فيصل..ليه ماتسمعني..انا أكلمك..!!أبي أشوف امي..حرام عليك تسوي فيني كذه حرام عليك..!!
أنا شسويت لك,.فيصل..أفهمني.هذه أمي..يافيصل هذه أمي..وبدت تصيح اكثر واكثر زي المجنونه..
يمه وينك..!!يمه..محتاجه لك هاللحظه وينك..!!يايمه وينك..!!
العنود..العنود أختي...العنود ماتدري عني..ماتدري عن أمي..!!
عمر..ليه تسويني فيني كذه ياعمر..ليه تركتنا لحالنا ياعمر..
وأبوي..حتى هو تركنا..!؟
أبي أهلي يافيصل خلني أروح لهم..!!
خلني أروح لهم..ماقدر أستحمل أنا تعبانه..تعبانه..
ماقدر فيصل يقول شي..ضمها ثانيه..وهو يحس بألمها وشوقها لأمها

سمعها عمر..سمع كلمات اخته..وحسها كأنها طعنات بقلبه..!!
تذكر شي مهم..شي نساه يوم سمع كلمات أخته اللي تستنجده..
تذكر سمر..تذكر انه نساها في البيت..
وبدون أي مقدمات طلع زي المجنون ..
كلمات حنين سمعها بلسانها..لكنه قلبه كان يقول ان سمر تقول نفس الكلام..!!
فركض لها يهرول..وهو ميت خوف عليها..
ووصل زي المجنون البيت...
وعلى طول راح غرفة أمه لأنه يعرف أنهاتنام معاها..
ويوم دخل ماشاف احد..
وخاف أكثر..!!
طلع للصاله وهو عقله مش معاه..
وشغل لمبات الصاله
ونادى باسم سمر..يمكن تطلع له.
وتوه بيطلع الا شاف شي طايح بالأرض..
ويوم ركز أكثر ..
شاف سمر متركزه على الجدار ورقبتها طايحه..
.
.
.
مات هنا..
خلاص..
حس أنه مجرم..
وكلمة مجرم قليله عليه..
كره نفسه اكثر..
وصاح على اخته
قرب منها وحضنها وهي يصيح وويصيح ويمسح عليها..
هنا سمر أنتبهت له وقامت من نومها ..وعلى طول صرخت ..وضربت عمر بأيدها الصغار وهي تصيح..
لأنها تفكر انه عمر شخص ثاني..
سمر\وخر عني..وخر..حرامي..حرامي.وخر
عمر\سمر حبيبتي طالعيني أنا عمر..طالعيني
لكن سمر مغمضه وتصرخ وتقول حرامي...
مسك عمر وجهها وحاول يفتح عيونها
عمر\سمر..طالعيني..أنا عمر أخوك ياسمر..
توها استوعبت سمر وفتحت عيونها ويوم شافت عمر..
جاتها رجفه مش طبيعيه..ودموعها نزلت من عيونها ..
وأبتسمت وخضنت أخوها..وهي تصيح لأنها لحد اللحين خايفه..
عمر\بسم الله عليك..بسم الله عليك..
سمر بصوت مرتجف\عمر..وينكم..ليه خلتوني لوحدي...وين أمي...!! عمر أنا خايفه..عمر وين امي..الله يخليكم لاتتركوني لوحدي...انا اخاف بالظلمه..
عمر\بس حبيبتي بس ياسمر..أنا موجود..واللحين بوديك لأمي..بس ياحبيبتي
سمر\عمر أنا خايفه..خايفه..
حضنها عمر أكثر عشان يقلل من أرتجافها وبكى أكثر واخته تبكي خوف معاه.
وبعد شوي يوم شافها اسكتت تركها..
ويوم شافته سمر أنه بيتركها..حضنتها ثانيه وهي تقوله..
سمر\لا..لاتخليني لوحدي..لاتروح عني عمر...لاتروح عني..
عمر\سمر...حببيتي مش رايح مكان..اهدي..خليني شوي..
سمروصرخت\لالالا..مأبي ..عمر أنا خايفه..لاتتركني الله يخليك..وتمسكت فيه أكثر..
عمر\أن شاء الله..ان شاء الله


فيصل\حنين..
حنين راح صوتها بين دموعها..فما قدرت تقول شي..
فيصل\سمعيني..انا بوديك...عشان تشوفين أمك..لكن أبيك تكونين ساكته وماتنفعلين..!!خلاص..
تركت حنين فيصل وهي تبتسم وتصيح\صج فيصل..بتوديني لأمي..
مات فيصل على كلامها..حس أنها طفله..طفله صغيره تبي شي بسيط لكن بالنسبه لها شي غالي..\أيه بوديك..
حنين \اللحين..!!
فيصل\اللحين..
حنين ومسكت ايده\يالله..خلنا نروح اللحين .مافي وقت..يالله..قوم..
فيصل\لحظه...أول شي ..ورفع يده..ومسح دموعها..ماأبي دموع..امك تعبانه..اوكي.
حنين بيأس\ان شاء الله..

ساعدها فيصل بأنها تقوم ..وبعد الم شديد قامت..كانت تحس بالم يذبح ظهرها لكنها قاومت..ومن عظم الالم دمعت عيونها..ورصت على شفايفها باقوى ماعندها..عشان فيصل مايحس..





دخلت حنين على أمها بعد ماطلبت من فيصل يتركهم لحالهم..
وأول ماشافت أمها ظغطت على فمها بقوه وهي تمنع صرخه ممكن تتحرر باي لحظه..وجلست جنبها على السرير بهدوء..
حبت راسها..ومسحت عليه..مسكت أيدها وحبتهم..وظلت ماسكتها وكل مره تحبها..وتمسح دموعها اللي تنزل باستمرار
ظلت فتره طويله وهي تتأمل في امها..
ورجعت فيها الذكرى لورى..

قبل 15 سنه ..

.أم حنين\يمه حنين..روحي للجيران ..وقولي لهم امي تسلم عليكم وتبي المقسوم..!!
حنين\بس يمه أنا خايفه..!!
ام حنين\ليش يمه..!!
حنين\في أولاد كثير بالشارع....!!
أم حنين\خلاص ياحبيبتي ..انا بروح معك هالمره..
طلع ام حنين وبنتها ودقوا على بيت الجيران وجابوا المقسوم منهم..
ويوم طلعوا شافوا قدام باب بيتهم بو حنين..!!
بو حنين\أنتوا ايش مطلعكم بره ها...!!
حنين خافت وتخبت ورى امها وأم حنين تكلمت\الله يهديك يا سعد..ادخل البيت ونتفاهم..
بو حنين بصوت عالي\وبعدين السالفه فيها تفاهم..وجرها بقوه ودخلها الحوش هي مع بنته..
أن شفتك مره عديتي هالباب بالملعونه لأقطعك قطعه قطعه..أنتي مع هالبقره اللي جيبتها..
وشاف شي بايد أم حنين..شنوا هذا..!!
ام حنين\ظرف..
بو حنين\أشوف وجره وفتحه ولقى فلوس..
بوحنين\وتخبين علي بعد..صج انك ماتستحين..وحطه بجيبه...ومسكها من ذراعها...وهذاني أهددك للمره الثانيه ..أن شفتك طالعه ثانيه
ياويلك
ياويلك
ياويلك
.
.
.
.
قبل 10 سنين

دخلت حنين البيت وهي تصيح ..وعلى طول راحت لغرفتها وشافتها أمها وأبتسمت في وجهها..
ام حنين\حنون..حبيبتي...شفيك..!!
حنين وهي تغطي وجهها بالمخده\مافيني شي...!!
أم حنين\كيف مافيك شي وانتي تصيحين..!!
حنين رفعت وجهها وعرفت أنه مالها داعي تخبي دموعها\البنات.!!
أم حنين\شفيهم البنات..
حنين\البنات اللي معي في المدرسه..كله يعايروني..مخذيني مطنزه المدرسه..
ويقولون لي ليه ماتغيريرن مريولك..عفنتي وأنتي لابسته..!!
يمه انا تعبت منهم..كل مره اسكت لهم..لكني زهقت..
عشان كذه قررت أني أطلع من المدرسه..
أم حنين\يعني خلاص..هذا اللي الحل اللي عندك..
حنين\يمه..انا مليت ..مليت من تعليقات البنات..فهميني يمه..
.
.
.
قبل 5 سنين

أم حنين\ها كم بقى ياحنين..!!
حنين\ماعندي غير 350 ريال..وان شاء الله نصبرهالعطله..!!
أم حنين\الحمد لله..
العنود\يمه..كيف الحمد لله..شتسوي هالفلوس..ماتجيب اكلنا حتى..!!
حنين\شوفوا..انا كتبت أغراضنا المهمه..رز لأنه خلص..وزيت ..
أم حنين\السكر خلص..
حنين\أوكي مو مشكله سكر بعد..
العنود\طيب ليه ماتخذين من البنات اللي ماعطوك..!!
حنين\مدام هم ماعطوني فأكيد هم محتاجين مثلي..
العنود\وانتي شعليك منهم أحنا نموت جوع والسبب هم..شالحاله أووووف
ام حنين\ماعليك منها يابنتي..شوي وبترجع مثل أول..
حنين\أيه بس أحس أنها زعلت..
والله يايمه مقدر بقى بنتين وهالبنتين حالتهم صعبه مثلنا..والصراحه ماأبي استغلهم..
أم حنين\قولي..!!
حنين\شقول..!!
أم حنين\قولي صبر جميل والله المستعان..
حنين أبتسمت\صبر جميل والله المستعان..
صبر جميل والله المستعان
صبرجميل والله المستعان
.
.
.
.
حنين\كنت أبيك تروحين معي..!!
أم حنين\معليش يمه..انا رحتها يوم كنت صغيره..وشفتها وانتي اللحين جاء دورك..
حنين\بس يمه أنتي نفسك من زمان تروحين ل مكه..روحي معنا الله يخليك..
أم حنين\لا يابنتي ..لازم تكونون بروحكم عشان تهدى النفوس وتتصافى وأن شاء الله مره ثانيه نروحها كلنا..
حنين\يمه..ودمعت...بشتاقلك..!!
أم حنين\وأنا اكثر ياحبيبتي.. وضمت أمها وصاحت أنها معها,,, بس لاتنسين ادعي لنا..
حنين\ان شاء الله ..الله يصبرني على فراقكم..
أم حنين\اذا تذكرتينا..قولي..صبر جميل والله المستعان.
.
.
.
.
.
حنين\صبر جميل والله المستعان..
يارب يارب..تخلي لي أمي وتحفظها يارب..
يارب ترحمها وتغفر لها وتبرد عليها
يارب تهدي بالها وتحفظها العمر كله
يارب لاتحرمنا منها
يارب أحنا نبيها لنا ..
أحنا مانسوى بدونها ولاشي
يارب لاتذوقني فراقها
ولاتخلي عيوني تبكيها
يارب أجعل يومي قبل يومها
وتصيح
يارب أجعل يومي قبل يومها
يارب ماأبي شي بهالدنيا الاهي
أبي موجوده معي
يارب انت عالم بالحال
يارب انا ماعندي شي اسويه غير ادعيلك
فاستجيب دعؤاي
ياحي ياقيوم
ياحي ياقيوم
وضاع صوتها بين دموعها
ويوم هدت..كملت
يارب أنا من لي غيرها
يارب اخواني محتاجينها واحنا محتاجين لها
نبيها بيننا..نبي حنانها وطيبتها وعطفها..
يارب أني أتوسل أليك
وأستجيرك بقلب خاشع فقير طاهر
يارب لاتخيب املي
يارب لاتطفي نورنا
واحفظها العمر كله
امين..امين..أمين..


تحركت ايد أمها..وحست فيها حنين.واظحكت وصاحت في نفس الوقت...وماقدرت غير أنها تنطق بأول كلمه قالتها من وعت في الدنيا
حنين\يمه
.
.
.
.
بعد ست شهور على الأحداث السابقه

مرت ست شهور...وكانت هناك مواقف لاتنسى..حزينه..ممزوجه بالم
ومفرحه..ممزوجه باأمل..



كانت تدور من أول الغرفه لنهايتها..وهي تسمي عليه مره..وتظحك له مره..وتصيح عليه مرات..
جننها..ذبحها..بس شتسوي..ولدها ولازم تستحمله..
حنين\ياربي..ياولدي ياحبيبي...تعبتني يابابا,,نام ياعمري نام..
صاح ثانيه...
حنين\وبعدين يعني..مقومني في نص الليل وطالعه الصاله عشانك..وبرضوا تصيح..
ياماما أسكت..بس ياحبيبي بس..بس ياقلب أمك اللي متعبها..بس..
وسكت أخيرا..
طلع فيصل هاللحظه وهو فيه النوم لكن ماهانت عليه حنين وجاء لها وهو في الظحكه
فيصل مسوي نفسه معصب\وبعدين يعني...وبعدين ..يعني الواحد مايقدر يرتاح في هالبيت..
طالعته حنين وهي تبي تقضي عليه لأنه صيح الولد ثانيه..وهي صاحت معاه\فيصل..حرام عليك صحيت الولد ثانيه..ياربي..
فيصل..خلاص..أنا تعبت..ولدك صاح ثانيه..
فيصل\انا قايل لك زمان..انتي ماتعرفين تنومينه..جيبيه..جبيه..أمحق أم.وخذه بقوه..تعال يابا.تعال ياتريك..أنت ماتجي الا بالعين الحمراء..
ذبحت أمك وذبحتني..أمش..
وتركي يطالع فيه مستغرب..
وجلسوا على كنبه كانت طويله شوي ومريحه..
وقدامها كان تلفزيون..وحط على سبيبس تون..
حنين\وش بتسوي..!!
فيصل\أنتي جلسي ومالك شغل...
حنين\لاياعمري أنا بروح انام..
فيصل\كيفك..أنا وتريك بنتابع توم وجيري اللي في سبيس تون..
حنين بدلع\أنت حر..خلك مع ولدك أنا بنام....باي وراحت..
فيصل\يعني تبي تغريني...وسوتها وراحت..بس شسوي بجلس مع المحترم..
وبعد خمس دقايقنام فيصل وه قاعد اما تركي أندمج وقام يظحك ويطلع أصوات غريبه ويطالع الوان الشاشه ومريح على الأخيرررر..
ومن كثر ماهو متفاعل مع توم اللي يسوي حركات ل جيري قام يطق راس أبوه ويقطع شعره..
وفيصل مسكين نايم ولايدري شسالفه..
وفي هالوقت طلعت حنين لهم..وشافت فيصل نايم وتركي صاحي ويظحك..
ماتت من الظحك على فيصل..
وجلست جنبهم لمن نام تركي أخيرا..
وبعدها خاولت تقوم فيصل وعلى طول قام وبدون مقدمات راح غرفته ونام على السرير
أبتسمت له حنين وخذت ولدها وحطته بسريره..
وجلست على السرير..
حنين بصوت واطي\فيصل..
حنين\فيصل..فيصل فيصل..
فيصل\همممم
حنين\أنت نمت..!!
فيصل\ايه..
حنين وماتت ضحك\فيصل انت نمت حبيبي..
فيصل وهو دهمان\أيه ياعمري نمت...
حنين\طيب..تصبح على خير ياحبيبي..
.
.
كنت أفكر باللي صار لي طول هالأيام اللي عدت..
من أول ماتزوجت..لحد اليوم..
مريم..
أنسانه محترمه..دلوعه شوي..ومغروره كثيير..بس قلبها طيب وماتعرف للحقد معنى..
كنت اتذكر كلام اختي وهي تقول شايفه روحها ومدري شنوا..!!
وكان معها حق..
بس سبحان الله قدرت بسهوله أكسر هالغرور..بأسلوب ماتوقعته ابدا يبدر مني..
لكن اللي مالقيت له حل..
ذكرياتي وحنيني لأيامي وحزني..
كنت اشتاق لها..
كنت افتقدها..
المشكله أني مدري ليه أشتاق....وخصوصا أنا كانت ايامي سوده ماله معنى..
كلها حزن وتعاسه..
كنت انظر للحياه بمنظار واحد وبزاويه وحده..
ماكنت اقدر أغير مساري..
يمكن لأن الحزن صار جزء من شخصيتي..
الا صار جزء من حياتي بمعنى اصح..!!

رد: رواية تعبت اشتكي

بس مع كل هذا..
وكل المواقف الكئيبه والمشاعر القلقه اللي صارت لي..
حسيت الان بطعم حلو...
حسيت بطعم الحب وعذابه..
صدقوني ماستخسرت ذكرى اليمه..
ولا استخسرت لحظه تعيسه..
لأن كل اللي صار لي علمني..
أن الحياه فيها الحلاه..مثل مافيها المر..
الصراحه..
أستفدت من تجربتي..
أستفدت منها كثيير..
لأنها خلتني أصير اقوى واقوى..
ومستحييل..وأعيدها ثانيه..
مستحييل اندم على حب عشته...
مستحيييييييل..

مريم\وانت شرايك..!!وش تبي تسميها..!!
متعب\بسميها..بسميها..حنين..
مريم\حنين...حلو الأسم..خلاص حنين
توكل على الله..
.
.
.
.
.
.
كانت جالسه بغرفتها وتقطع أظافرها من الحسره والقهر...
كلها ست شهور وبتتزوج ولد عمها زياد..لكن حصل اللي محد توقعه يصير..
قبل زواجها بيومين..طلعت تتلاقى مع يوسف وتنهي علاقتها معاه
وبسبب غرورها وتماديها بالخطأ..
شافها اللي ماكنت تتمنى تشوفه هاللحظه..
شافها زياد وعرفها لأنها كانت جالسه ..بس متحجبه..وعلى طول بدون مقدمات سحبها لسيارتها بصمت والجروح تنزف بقلبه ونزلها البيت
وقبل ماتدخل البيت عطاها كف كله ألم وقهر.وقال لها كلمه وحده بس
طالق..
وأتوقع هالكلمه قليله عليها..
درى الكل عنها واولهم مرام بنت عمها وعلى طول أنهت علاقتها مع أحمد لأنها توها تصحى بأن اللي تسويه غلط وكان مجرد ردة فعل قويه لأنها وماقدرت تفرق همومها وتشكي الا بالخطأ والحمد لله رجعت ل الصواب
لكن لازال حب فيصل في قلبها..

اما سوزان أخوانها ماتروكها وذبوحوها طق وأعتبروها حشيره حقيره مالها أي قيمه..
لكن في كلمه رنت في بال فيصل ولازم يعترف ل خالد أخوه..

فيصل\أحنا السبب في كل اللي صار..يوم كنا نلعب على بنات الناس نسينا انا لنا خوات بينلعب عليهم في يوم..
.
.
.
.
تعبت وهي تنتظره..
تبي أي كلمه منه..أو حتى تلميح أنه مازال يودها..
ماكنت تبي الكثير..
كانت تسهر وتفكر فيه..وتصيح بعدها واذا تعبت تنام بدون ماتحس..!!
دايم تفكر لين متى بيظل كذه..
لين متى بيعذب نفسه عشان يرضي ضميره..!!
وهي وش ذنبها من هذا كله..!!
لكنها ماتلقى جواب..
وترجع تفكر من جديد..
اليوم درت أنه بيجيب أمه..
وفرحت كثير ..
من زمان ماشافته ولاسمعت صوته حتى..
واليوم بيتحدد مصيرها
بتعرف اذا يحبها والا لا..!!
من قبل فتره قصيره
رسلت رساله له عن طريق أخته سمر..
واليوم بتعرف هل هو يحبها والا لا..!!
وأول مادرت أنه عمتها جات ركظت تهرول ل سمر..يمكن تلقى رد لرسالتها..
لكن اللي سمعته..ذبح أخر أمل عندها كانت متمسكه فيه..
سألت سمر عن الرساله
وردت سمر أنه خذها وبعد ماقراها طلعها بره ..
وبس
هذا اللي صار..

تعودت على هالحياه..لكن بدون تذمر..
صحيح صارت هي مع أمها لوحدهم..
وخصوصا لمن أقتنع فهد وتزوج..وفضى البيت..
لكن أخيرات حست بطعم السعاده..
يكفي أمها معاها والنفس مرتاحه..هذا اهم شي
ماكانت تبي شي أكثر من هالنعمه اللي هي فيها
كانت تحمد ربها وتشكره أنها أحسن من غيرها
لكن اللي معكر مزاجها شوي
أتصالات بندر اللي ماتخلص..
توه يحس بقيمتها
توه يرجع للواقع
توه يتذكر أنه جرح قلب ورده حساسه من اقل شي تتأثر
بس بعد أيش يابندر..!!
بعد ماطابت النفس..!!
أتركها لحالها ..وخلاها تعيش حياتها معززه ومكرمه..!!
ترى الجرح لسه ماطاب..!!
ويوم لك ويوم عليك..!!
.
.
.
.
كانت حياتهم عسل في عسل..
كانوا غارقانين بالحب..
ورجعوا أخيرا السعوديه بعد ماكمل لافي دراسته
ودرت بكل الأحداث اللي صارت في غيابها
وتضايقت كثيير..فشكت لحبيبها وزوجها لافي..
العنود\كل هذا صار وأنا ماأدري ..ليه ماقالوا لي..!!
لافي\ايش تتوقعين يقولون لك..!!هم لأنهم خايفين عليك مايبونك تتكدرين عشان كذه ماقالوا لك..
لو أنا منك أبوس أيدي وأحمد ربي على أم واخت مافي منهم طيبه..والا شرايك..!!
العنود\صح كلامك..بس مدري ليه..تضايقت يوم دريت عن اللي صار..!!
لافي\ردة فعل طبيعيه حبيبتي.المهم أنسي اللي فات وعيشي يومك..
العنود\والله انك صادق...طيب لافي ممكن طلب..
لافي\تدللي..
العنود\أول لاتقول تدللي..أستحي أطلب..
لافي\وانا ابيك تستحين..
طالعته بنظره..وسكتت
لافي\أوكي..خلاص سكتنا..أمري ..
العنود\أبي أرجع أشتغل ..
لافي\في المشغل..!!
العنود بخوف\أيه..
لافي\شفتي عيوني..
من عيوني..
.
.
.
.
تعبت منه..
مش راضي يفهم أنه لازم يصبر..
هي توها صغيره..
بس هوغبي..
مافي مخ..
مايعرف يفهم ولايتفاهم..
والمشكله تحبه..!!
قولو لها وش تسوي..!!
عندكم ايجابه..!!
هذه ترف ومجنونها خالد..
تعبت منه كل يوم قصه جديده وخناقه جديده..
ياهي تضرب ..ياهوا يضرب..
بس مو أي ضرب..
ضرب الحبابيب..
اللي مايعرفون يتفاهمون الا بخناق وهواش وعادي لو سبوا بعض..

شوفوا معاي

خالد\حماره..
ترف\وأنت حمار..
خالد\بقره..
ترف\وانت ثور..
خالد\غبيه...
ترف\وانت ذكي..
خالد\ههههههههههههههههههاي فزت عليك..واحد صفر..واي أنا..مين قدي البقره ترف خسرت.
ماقدرت ترف تستحمل..ورفعت أاصبعها قدام وجهه وقامت تهدد بصوت عالي..
ترف\شوف ياخالد..أنا تعبت منك..خلاص مليت..جننتني ذبحتني..
والله ياخلود..ان ظليت على هالحال..ب....ب.... بذبححك..فاهم..
مات خالد من الضحك عليها..
كان ينتظر ردها ويبي يشوف القنبله الجديده اللي بترميها عليه..
ويوم شاف ردها السخيف..
مايقدر غير أنه يضحك..
ويوم وقف ضحك مسك أصبعها اللي لحد اللحين رافعته وضعط عليه بقوه..
وبجرأه مدري من وين جايبها باس أصبعها..
وقبل مايمشي
قال لها\
وانا اللي بنذبح باحلى أيد شافتها عيوني..
أحبك يالمجنونه..
لحد اللحين مافهمتيني..!!؟
.
.
طبعا شقول لكم عن ترف..
لاتعليق مسكت أيدها وسرحت ...
ويوم رجعت لأرض الواقع
مالقت خالد قدامها...

واصرخت ثانيه..
تدرون ليه..!!
.
.
.
لأنها توها تستوعب أن خالد باس أصبعها..!!
(يقولون المجانين في نعيم)
.
.
.
.
.
ركبت على أول طياره في لندن وجات للسعوديه على طول
كانت تبكي الم
تبكي قهر
تبكي مذله
النذل أستغلها واخذ كل ثورتها وزين منه حجز لها تذكره للسعوديه وحطها في غرفتها هي ومعاها ورقة طلاقها
رجعت مكسوره..مهزومه..متشتته..
الكل تشتمت عليها..
كانت أضحوكه قبل ماتروح
وصارت أضحوكه يوم جات..!!
تحس أنها مالها شي في الدنيا..
كل شي حلو أختفى من حياتها
أختفى بسهوله زي ماجاء بسهوله
واللحين تبكي على حظها العاثر..
تحس نفسها مظلومه..وهي اللي كانت في يوم ظالمه
تحس نفسها فقيره منبوذه..وهي اللي كانت في يوم مغروره بغناها..
هذه العمه..
اللي في يوم كانت مولوده وفي فمها معلقه من ذهب
والحين؟؟
في كثير مثلها غرتهم الدنيا وماملى عينهم الا التراب..
ياليت يكون له رجعه خطوتين للوراء وتصفية حساب لأعمالهم اللي أرتكبوها.
.
.
.
.
تمشي في البحر والموج يتمايل معاها
وتعلن نهاية قصتها وفي نفس الوقت تعلن بداية قصه جديده مليانه حب وعطاء..
واخيرا أمل الحياه جمعت قلوب..
واخيرا قدرت تشوف السعاده بوجوه الغير..
وتتمنى هالسعاده تكتمل بوجود أبوها معاهم..
لكنها تعرف أن هالشي مستحيل يصير ..!!
تدرون ليه..!!
لأنه أبوها غايب وموجود..
غايب بقلبه
وموجود بجسمه وبعقله..
شالفايده..!!
لكن نفس أمل الحياه الصبوره وتفائلها للدنيا خلتها تدعي ربها كل يوم أن هالعايله تجتمع
وبتظل تدعي لأخر نفس..
ومافي شي مستحيل..
أدعوا يابن ادم
أدعوا فالله المجيب..
تبون تعرفون من هي..!!
يمكن عرفتموها..!!
ساره..!!
أكيد عرفتوها..
كانت وحيدة القلب
وحيدة الصداقه
وحيدة الأخوه
كانت دره ثمينه لكن المحظوظ هو اللي يستقلها..!!
فهل من محظوظ في صفحات ساره ..!!
بتمشي وبتمشي..ومش تعبانه ولاهي متذمره من المشي..
يمكن تلقى نور..
يمكن تلقى أمل ثاني يكمل أهلها..ويونس غربتها..
ف هنيئا لك يارفيق درب ساره
ياأمل الحياه أنتي..

.
.
.
.
بعد 7 سنين على الأحداث اللي مرت..



كبرت البنت ودخلت هذه السنه أول متوسط..
وبدال حنين وحده صارت في حنين ثنتين.
حنين الكبيره..وحنين الصغيره..
عرفتوها..!!
كان حلم جميل تتمنى الأم أنها تحققه ..
تتمنى بسرعه الزمن يسابق نفسه وتكبر سمر..
سمر اللي كبرتها وعملتها وعضوتها حنان الأبو الللي فاقدته
كانت خايفه كثير..خايفه كثير أنها تتأثر بموت ابوها وغيابه..
لكن اللي صار برد فؤادها وريحه..
سمر صارت بقوة حنين وشخصيتها الفريده
وهذا المطلوب..
لكن الفرق الوحيد اللي بينها وبين حنين
أنها ماعاشت أيام الألم اللي عاشتها حنين
كانت صغيره ..ماتفهم الا القليل..
وحنان امها وترابط أخوانها عوضها عن كل شي بالدنيا..
الحمد لله على كل حال..
سمر\يمه..يمه...يم ه..
أم حنين خافت على بنتها وصارت تسرع خطواتها ..ويوم جات لعندها
ام حنين\سمر..شفيك تصارخيت..صاير شي..!!وليه مارحتي المدرسه أكيد اللحين دق الجرس..
سمر\يمه..حبيبتي المدرسه كلها خطوتين..يعني ماله أتعب نفسي وأتوتر..المهم بغيت أقولك شي قبل ماأروح..
أم حنين\خير يابنتي..!!
سمر\اليوم أجتماع أمهات...لاتنسين...!!
ام حنين\يوووه..لازم اجي..
سمر\أيه لازم تجين..أجل كل وحده تتفاخر بامها..وانا أنقهر وأطالع فيه..!!ترضينها على بنتك يمه..!!
أم حنين بيأس\لا مارضى..خلاص بجي اليوم..
سمر\ياقلبي ياأمي..ياأحلى أم..وأطيب أم...يمه..
أم حنين\ماخلصنا..
سمر\يمه ليه كل تفشليني ..خليني أخلص كلامي...ترى بعدين يجيني أحباط..
أم حنين\لالالا كله ولاهالأحباط..كملي
سمر\يمه..
ام حنين\نعم
سمر\أحبك يمه..







أتفق مع ولده أنه يسوي حفله بسيطه لذكرى عيد زواجهم
وكان ولده مش مخليه في حاله..كل مره يدق عليه من جواله اللي حافظه عن غيب ويقول له متى بتجي..!!
وفيصل يرد عليه وه كاتم غيظه..
العصر يابابا..العصر بجي.خلص حبيبي لاتدق ..انا أشتغل اللحين

كانت حنين شاكه فيهم..ومستغربه من مكالمات تركي ل فيصل..
بس عدت السالفه وكملت شغلها..
ويوم جاء المغرب جاء فيصل ومعاه أغراض الحفله لأنه يدري أنه حنين هالوقت في بيت اهلها تدرس..
وبسرعه عجيبه رتبوا كل للحفله..
وزعوا البلوان في كل جهه والشموع والزينه
واللي يضحك في الموضوع كله أنه كل مايبي فيصل يعدل شي..يجي ولده يتليقف ويخربه..
ويوم تعب فيصل صرخ بوجه ولده..
وتركي هنا خاف وارتجف بحركه تضحك..
ويوم شاف فيصل هالحركه أنفجر ضحك على ولده وتذكر أيام صغره وكيف كان مشاغب ..
المهم كملوا ترتيب وتشيكوا أحلى شياكه..
كلهم لابسين نفس اللبس تيشرت سماوي وجينز وقباعه جينز..
ووقفوا جنب بعض وهو يظحكون على أشكالهم
وطفوا الأنوار..
ودخلت اخيرا حنين..
وكانت بتفتح اللمبه
واول ماتقدمت خطوه شغلوا النور ورموا عليها الزينه وهو يصرخون زي المجانين..

ناظرتهم حنين باستغراب وعدم أستيعاب..
ويوم أستوعبت اخيرا..قالت
حنين\شصاير..!!
ماخلاها فيصل تكمل جملتها ومسكها ومشاها لمن وقفوا قدام الكيك..
واللحين حنين فهمت كل شي
بدى فيصل وتركي يغتون ل حنين ..وحنين بعدها أندمجت معاهم وغنت..

ويوم خلصوا طفوا الشموع..
وعلى طول فيصل سوا حركه ل تركي وفهم تركي..
وراح..وعلى طول جاء وبأيده هديه..
وبصوت واحد
فيصل+تركي\تقبلين هديتنا ياماما حنين..
حنين\أممممم..أفكر..
وعلى طول حنين أفتحتها ..وأول ماشافتها
خانتها دمعه تعبر قد ايش هي فرحانه..
وماقدرت غير أنها تقول
حنين\الله يخليكم لي..
وهم ردوا عليها بصوت عالي وكانهم موقتين الموضوع
فيصل+تركي\ويخليك لنا..
.
.
فيصل بصوت رقيق\ممكن..
حنين\شنوا..!!
فيصل\البسك السلسله..!!
حنين بابتسامه\أكيد..
تركي\يالله..يالله لبسها ..بغمض عيوني..!!وغمض عيونه
حنين\ياطول لسانك..!!وناظرت فيصل باجرام...مدري على منوا طالع..!!
ناظرها فيصل وهو يبستم باحراج..
وتركي يوم شاف أبوه كذه..
ضحك بوجهه وماسكت وظل يظحك ويضحك ويضحك بدون توقف..
وحنين مسكت نفسها بس ماقدرت ..وبعدها ظحكت مع ولدها..
وفيصل..طالعهم..طالعهم..يبيهم يسكتون..يقدرونه..يحترمونه
لكن لا حياه لمن تنادي
..ويوم زهق ظحك معاهم..
وضمهم كلهم..
وهو يدعوا ربه في داخله أنه ماينحرم منهم أبدا

أول ماخلصت صلاة الجمعه راح للمكان اللي يزوره كل أسبوع ..
راح ل مكان ناس متناسينه وغافلين عنه..
يمكن غرتهم الحياه ..يمكن المال والجاه أبعدهم عنه..
لكن هذا مصيرهم..
مصير كل أنسان..هذا المكان

قدام المقبره هذه الملجأ اللي يزوره كل أسبوع على أمل أنه يمكن يبرد فؤاده وروحه
قدام قبرأبوه.. يوقف ويتكلم بقلبه يمكن يحس أبوه بمعناته..
يمكن يحس بالمسؤليه اللي رماها عليه
يمكن يقدر يفرغ همه المكبوت بصدره
ومايحس الا بدموع تنزل بعيونه .
دموع الم وحاجه..حاجه ..
حاجه فارغه موجوده بداخله


ويوم خلص
ترحم على ابوه وهو يدعيله بالمغفره والرحمه ..

وهو يمشي
ظل يشكي ربه ويدعيه بانه يفرج همه وكربته..
ويصلح نفسه ويحفظ امه وخواته
ومايدري ليش أرتاح هالمره ..
مايدري ليش يبي يرجع البيت بسرعه
يبي يبوس راس أمه..
يبي يرجع مثل أول يوم كان عمره 17 سنه ,,
يبي يجلس مع خواته وأمه..يبي يحكي معاهم ويقول لهم سوالفه اللي تصير بالمدرسه..
ومغامراته اللي ماتخلص
كل هذا الأشياء يبي يسويها..
صح انه صار كبير على هالأمور وخصوصا تعدى 24 سنه..
لكن هالمره يبي يرجع مثل أول وبقوه.
وبهاللحظه..
تذكر شي
شي ناسيه من سنين طويله..
شي أشتاق له..
شي كان يتمنى يسويه أول مايتخرج..
لكن كان كل شي واقف ضده
ويوم فكر أكثر مالقى شي يعيق دربه
ويقدر اللحين يحقق مراده
.
.
.
كفايه العمر اللي مضى..
واكيد هي ماتستاهل أنها تنظلم معاه..
أنتظرته سنين طويله..وجاء الفرج..
جاء الفرج ياريم..
ضوي شموعك ياريم..
..ضوي شموعك..





,
,,
,,,,,
,,,,,,,,,
,,,,,
,,
,

..:النهايه:..

رد: رواية تعبت اشتكي

وبكذا الروايه انتهت واتمنى اعجابكم واشكر كل من تابعني ولنا لقاء بروايه جديده

رد: رواية تعبت اشتكي

رواية رائعة ..
يعطيك ألف عافية ياعسسل
ننتظر منك مشاركات جديدة =)

رد: رواية تعبت اشتكي

الله يعطيك العافيه على اكمال الروايه ..