تويت
أنا قوس القزح في الشعر والوانه
واشكل قافية شعري بلا تشكيل
واعاتب كل مجد ضاع عنوانه
واجيب لكل وادي سيل وادي سيل
أنا ذاك الشعر لي هاجت اوزانه
وانا فارس شعر وامسك عنان الخيل
ومتى قالت مشت في ليل عميانه
أنور شعري بدربه وعميت الليل
تقول لي (ألو) انت سهيل غلطانه
ترد تقول لي يا مرحبا يا سهيل
أنا جيت استفز رضاك يا فلانه
واغايض نهرك الدجله بنهر النيل
واجاذب كل وردة شوق نعسانه
إذا هب الهوى والعود قام يميل
أحبه لو عليه الروح شرهانه
واموت ف بسمته لو نصها تمثيل
إذا الصوره شعر والحس قيفانه
وفرشاة القصيد تفصله تفصيل
أبا ارسم وردتين وعين شيهانه
وقلب كل ما يذوبه قلب يسيل
وابا ارسم عالمي من دون سكانه
وانا وضوي ودله مبهره بالهيل
واذا قصدك عن الدمع وعن احزانه
حفظت الدمعه اللي بللت منديل
تعليق