تويت
على الله ما تغيبني الليالي
لو ان صدوف صكات الليالي
تنصاني وانا رجل عزومه
يصد بها النوايب ما يبالي
أفل حجايه بوجه الكبيره
وتصغر من فضل ربي قبالي
واحب الطيب واللي يفعلونه
ويرخص من غلاهم كل غالي
ولولا حكمة الله ما خلقنا
وأمر قد كتب أول وتالي
سألت الله كوكب في المجره
جعلت الطيبين من الرجالي
يحكمونه بحكم يهتني به
عزيز من عليه الوقت مالي
واذا قالوا مدورة السوالف
ترى بعض النظم نظم خيالي
باقول الله يجمل من تجمل
وانا قبل الشعر رجل مثالي
وانا شاعر قصيدي فيه مني
طموحي واعتزازي واتكالي
لكن ياللي تعذربني تمهل
أنا خوة رفيقي راس مالي
تنافسني بطول الظل لكن
ستر ظل الشجر ظل الجبالي
وانا لو اعتزلت الشعر لحظه
يموت الشعر في يوم اعتزالي
مقامي أشرف من اية قصيده
أسويها على الدرب ارتجالي
معي ذكر عليه ابني حضاره
وانومس به عمامي مع خوالي
ومعي ذكر إلى منه سمع به
من الحكام واصحاب المعالي
كريم طيب راسه يقتدي به
ولا يلحقه شك ولا احتمالي
تنافسني عليه ويحتزم له
يدوس المستحيله والمحالي
تقزمت في عين اقزم مجرد
كبرت في عين كبار الرجالي
ومتى شدوا الرحال اشد عزمي
ومتى ما عزموا .. شدت رحالي
قدم رجلي على الطرقه ما تتعب
أعرضها على وعر الجبالي
معودها على دوس المخاطر
وحملي ما تحمله الجمالي
وردت البير وعزومي قويه
توردني طويلات الحبالي
سليل المجد راع الطيب جدي
وابوي اللي بنى صرح المعالي
نعز اللي تذرى في ذرانا
يعيش بوسطنا امن وسالي
عرين الأسد يبقى له مهابه
نزف الروح دونه والغوالي
صغير القوم منا لا نخيته
تنهض مثل ابو زيد الهلالي
زمان الخف والحافر ثبتنا
وشيدنا العلم في راس عالي
بفضل الله في هالكون سدنا
نصرنا الله بعد عسر الليالي
سفينتنا رغم الاهوال ترسي
بفضل الله وقروم العيالي
عطانا الله من خيره وجدنا
عطانا عم الاقصى والموالي
تبالي من صروف الدهر قوم
ولكنا .. رجال لا نبالي
لكن نظرات أفكاري بعيده
أبي ذكر يسمى لي لحالي
طموحاتي كذا والا بلاها
عزوم ما توصلني مثالي
ترى الناس العزيزه يوم تسأل
عن الرجال مضمون السؤالي
تقول الرجل هذا ويش فعله
ماهي بتقول هذا ويش قالي
لو ان القوم بالهرج اغلبونا
يابو وجهين رعيان الحلالي
لكن لا تنفعل يا قلبي ياللي
طموحك أكبر من الإنفعالي
تعليق