تويت
حبات قبرك *
بسم الله الرحمن الرحيم
حبات قبرك
ضميت من حبات قبرك وناديت = ياليت بالدعوة تلبين صوتي يا بعد كل الناس ياشمعة البيت = انتي هواي ومشربي انتي قوتي
والله لو ينفع بالأحلام ياليت = ما يكون غير القاك حلم بسبوتي
ولو يندفن بالقبر ميت مع ميت = ليكون حضنك موضعي بعد موتي
يمه انا عن زايف الناس مليت = ماعاد لي جاحة بهم بعد فوتي
كنت اتمنى ناصح(ن) يوم اخطيت = يهديني الكلمة ببسمة وثبوتي
والا يد(ن) تمسح دموعي إذا جيت = مكسور خاطر للماسي كبوتي
يمه انا من زود همي تغنيت = والفت من فرقاك شعر وبيوتي
من بعد بعدك يالغلا حيل ونيت = وعن غير ذكرالله واضح سكوتي
يمه دخيل اللي خلق واكرم البيت = ارضي علي ان حان بالوقت موتي
نسيت اني مقابل القبر ونسيت = انه صعب تسمع من الميت صوتي
.
تعليق