تويت
.
كانيلوني بالبشاميل..
المقادير:
- علبة معكرونة كانيولني، تكون مثل أنابيب كبيرة تنحشي
جبن موزاريلا مبشور
* للحشو:
- بصلتين مقطعين مكعبات
- زيت
- نص كيلو لحم مفروم
- حبتين طماطم مكعبات
- 3 ملاعق صلصة
- خضار مشكلة
- كزبرة مفرومة
- ملح و فلفل و بهارات
* للبشاميل:
- 3 أكواب حليب
- 3 ملاعق زبدة
- 5 ملاعق طحين
- ملح و فلفل أبيض
* الطريقة:
- نبدأ بالحشوة.. في قدر صغير نحط مقدار اللحم مع ربع البصل و نضيف عليهم كركم و قرفة و نتركه يستوي
- الخطوة هذي مهمة عند أمي عشان زفارة اللحم تروح. إذا مستعجلة ممكن ما تسوينها
- نحمر البصل بالزيت و نضيف عليه اللحم و البهارات (فلفل أسود، ملح، بزار، حبة حلوة) الموجود.. و نتركهم يتحمرون
- نضيف الطماطم و نقلبه، ثم نغطيه عشان تذبل الطماطم
- نضيف الصلصة و نتركها تتحمر مع اللحم بعدين نضيف مقدار نص كوب ماي بس عشان ما يحترق
- نضيف الخضار المشكلة و الكزبرة المفرومة و نتركه عالنار ربع ساعة..
- لما يستوي نطفي النار و نترك الحشوة تبرد و نبدأ بسلق المعكرونة
- في قدر نحط ماي مغلي + ملح و زيت و نضيف المعكرونة
- نتركها تنسلق 4 - 5 دقايق.. ما نبالغ في سلقها عشان ما تتقطع معانا و تكون متماسكة و سهل نحشيها
- نصفي المعكرونة و بالمصفاة نحطها في وعاء كبير فيه ماي بارد مع مكعبات ثلج
- هذي أهم خطوة، لأنه لو ما سويناها بتظل المعكرونة حارة و بتبدأ تتقطع، الماي المثلج يخلي عملية النضج توقف مباشرة فما تخرب..
- نحشي كل أنبوب بشوي من الحشوة و نصفها في القالب
- نجهز البشاميل: في قدر نحط الحليب + الطحين + الزبدة و نقلبها عالنار لين ما تستوي كثيفة، نضيف الملح و الفلفل..
- نصب البشاميل فوق المعكرونة و فوقها الجبن المبشور و ندخلها الفرن ثلث ساعة تقريبا..
ملاحظة: ممكن تستخدمين صلصة الطماطم بدل البشاميل.. حسب الرغبة
تعليق