ديوان الشاعره / شجون الظبيانيه ..)

تقليص
X
تقليص
 
  • الصفحة لـ 10
  • الوقت
  • عرض
إلغاء تحديد الكل
مشاركات جديدة
السابق 1 2 3 4 5 6 7 8 9 10 template التالي
  • *مزون شمر*
    عضو مؤسس
    • Nov 2006
    • 18994
    #11
    قصيدة / ليالي الغرام

    كل الليالي تشابه
    إلا ليالي الغرام

    فيها تزول الكابه
    ويسود جو الوئام

    يا سعد قلب اهتنابه
    لامس حدود المرام

    شعور فاق الكتابه
    عدا خيال الأنام

    قلب المحب ارتوى به
    ولما ارتوى منه نام

    الحب لطف ومهابه
    ماهو مجرد كلام

    منهو ابتلا به رضابه
    وأهدى الأحبة السلام

      تعليق

      • *مزون شمر*
        عضو مؤسس
        • Nov 2006
        • 18994
        #12
        قصيدة / الفكر المعاق



        ما بقاموس الحياة أيت محال
        والإرادة تسكن القلب الصميل

        الحواجز لو علت عندي مجال
        ما عرفت الياس وإلا المستحيل

        كم رقيت بهمتي شم الجبال
        كم صبرت ونلت محصول جميل

        لو تقول الناس هذا م المحال
        المحال بدنيتي أصبح ضئيل

        والإعاقه هوب يعني الإختلال
        في الجسم دام العقل عنده دليل

        الإعاقه في الفكر وقت النزال
        يوم يصبح راعي الهقوه هزيل

        إن بغيت الشي لو صعب المنال
        بالكفاح يكون والرب الوكيل

        ما كمل شي ولله الكمال
        والشكر والحمد له صبح وليل

        قال من هو قال في بدع المقال
        جيل ويورث لجيل بعد جيل

        ما يفرق في نسا وإلا رجال
        نستخف الحمل لو إنه ثقيل

        ما بقاموس الحياه أصلا محال
        إنتحدى الوقت لو إنه يعيل!

          تعليق

          • *مزون شمر*
            عضو مؤسس
            • Nov 2006
            • 18994
            #13
            قصيدة / إنكسر كل عمري

            لو مات ( زايد ) كل أبونا جهاته
            بقلوبنا باقي مع الدم يجري

            الحزن خيم يوم ودع حياته
            كن الحزن في موتته صار جبري

            جنت عيوني بالبكاء في مماته
            ويبست عظايه وإنكسر كل عمري

            أشم طيبه وأتنفس غلاته
            ما مات أحسه ساكن وسط صدري

            ما فرع التفكير إلا لشراته
            وأحس بإن موته تقفاه قبري

            يا رب عجل في مماتي وهاته
            من عقب زايد ما بقى شي يغري

            صفحات هالدنيا تقلب صفاته
            كل صفحة لفت على عنق فكري

            إن كان عمره ينحسب بإحسناته
            لا تلومني يا رب لا قلت بدري

            صايم مصلي قاضي واجباته
            ع /الخير دايم ( زايدالخير ) يجري

            محد يسوي في حياته سواته
            في كل خير أعرفه كان فطري

            منهو أعزي يا ترى في وفاته؟؟
            بيني وبيني طول ليلي أهذري

            إخوانه..عياله..خواته..بناته؟
            ولا الشعب كله أعزيه مدري؟

            كل على زايد يهل عبراته
            الحزن بوجيه البشر صار مقري

            لا شك تبقى صاحيه ذكرياته
            ما دامني حيه على البال يطري

            أيت شعر ينقال في حق ذاته؟
            أمحق بقايا للشعر وأي شعري

            أحتاج حتى أكتب لشيخ شراته
            النخل ريشه والبحر صار حبري

            وأكتب على هالأرض سيرة حياته
            ويعلها تكفي ويقديه ذكري

              تعليق

              • *مزون شمر*
                عضو مؤسس
                • Nov 2006
                • 18994
                #14
                قصيدة / زيادة الرواتب وإرتفاع الأسعار



                سالم


                يا شجون الحال من عقب الزياده
                إنتعش وأصبحت في حال مريح

                بس لي كدرعلى قلبي السعاده
                زادت الأسعار في السوق الفسيح

                شجون

                قلت له لفلوس للتاجر عباده
                ما يهمه لو بدت ناسه تصيح


                إرقد وامن وكبر لك وساده
                ولا تخاف وشوف لك ظله وطيح

                سالم

                قال ما مشكل ولكن م/العياده
                شفت واحد من الشقى يمشي ويطيح


                زادت إديونه وحاله في بياده
                وين يلقى له من العالم نصيح

                شجون

                قلت لي كان له عرش وسياده
                ذاك لي ما يشتكي من الوقت ويح


                في هنا عنده من البزنس قياده
                يرفع الأسعار في ساعة ويطيح

                سالم

                قال ما تسوى علينا ه/الزياده
                يا ضباع السوق ما فيكم صريح



                والرقابة وين ما سوت حياده؟
                ع/الذي ما خاف ربه في الكسيح

                شجون

                قت يا خوك من حظ القراده!
                الدهر ما هو على حسبي يريح


                لا تخاف الوقت والداني نفاده
                عيش في دنياك هاني مستريح

                  تعليق

                  • *مزون شمر*
                    عضو مؤسس
                    • Nov 2006
                    • 18994
                    #15
                    قصيدة / تاجر عواطف

                    عارف نفسك وإذا ما كنت عارف
                    لي بدا الإعصار أتوقع دماره

                    من يلوم القلب في أقسى المواقف
                    خاطره مكسور ويرد اعتباره

                    مشكله في من تحب تاجر عواطف
                    الهوى عنده تجاره في تجاره

                    بايع شاري وفي قلبك يجازف
                    ما تجاوز ب/الهوى ربح وخساره

                    ما درى إن المحبة ب/التناصف
                    ما درى إن الهوى أسمى شعاره

                    ما درى معنى التناجي والتعاطف
                    والسهر والشوق والبعد ومراره

                    من يلومه دام معدوم العواطف
                    الهوى ما يوم قد مره وزاره؟!

                      تعليق

                      • *مزون شمر*
                        عضو مؤسس
                        • Nov 2006
                        • 18994
                        #16
                        قصيدة / عبدالرحيم الهاشمي

                        هاضت قريحة ضامري وأنشيت جيلي
                        واخترت حصبا من غزير بحورها

                        قاف جدا اللي ذاع ذكره واشتهر
                        راعي الوفا من خيرين انعورها

                        عبدالرحيم الهاشمي ذاك الذي
                        حثيت صوبه قاف شعري سطورها

                        يا حي شوفه عد براق لضى
                        يوم إنتحت شمس الغروب بنورها

                        وأعداد ما هبت هبوب المطلعي
                        زفت سحايب هاملات امطورها

                        واليوم أهني منتخبنا وفرحتي
                        ب/المرتبة اللي شرفت جمهورها

                        كاس البطولة مثلنا يستاهله
                        وأبطالنا شدوا العزايم طورها

                        ويا الهاشمي ترحيبتي من خاطري
                        عيا الفكر يشرح عظم مقدورها

                        ويبش قلبي بش للي مثلكم
                        ويهيض ما ف/الجاش عبر سطورها

                        أبيات مع رشف الدلال مقنده
                        هلت وفكري سابح ف/بحورها

                        وأشكرك ع/التحفيز لي منك بدا
                        للي ارفعوا هاماتنا ف/حضورها

                        يا ناهل من مدرسة زايد عسى
                        تجزا من الرحمن نفسك دورها

                        وأرجو السموحه والعذر يا ذا الوفي
                        إن كان ريت ف/ذي البيوت اقصورها

                        والختم صلى الله على محمد عدد
                        ما داورت الأيام ويا اشهورها

                          تعليق

                          • *مزون شمر*
                            عضو مؤسس
                            • Nov 2006
                            • 18994
                            #17
                            قصيدة / طب فاشل

                            رحت الأطبة لي ف/لبلاد
                            والكل قالوا عوقيه شين

                            قمت اتفكر والمرض زاد
                            قلت السفر والخالج يعين

                            سافرت تايلند وإتضح عاد
                            تشخيص ما بي أمره يبين

                            شي بسيط ولا يبا إسناد
                            وفرحت كنه العيد عيدين

                            يا ناس طب إبلاديه باد
                            إتعد نفسك عد ميتين

                            وين النشاما وين ليواد
                            يا أهل المروه طبنا شين

                            دكتور همه راتب يزاد
                            وإلا البشر ما هم مهمين

                            من دون خاطر بات رواد
                            أونه يرود المريضين

                            هذا يون وذاك معتاد
                            على الونين وربه يعين!

                              تعليق

                              • *مزون شمر*
                                عضو مؤسس
                                • Nov 2006
                                • 18994
                                #18
                                قصيدة / سافرت

                                عشرين يوم وكنها عشرة أعوام
                                فارقت داري والأهل والجماعه

                                واليوم ارجع من عنا طول الأيام
                                مشتاقة اللي كم ضناني وداعه

                                يا دار زايد يا ربى الناس الأحشام
                                مالي على فرقى هواج استطاعه

                                غير الظروف اللي لها حكم ظلام
                                عنج أبعدتني دون عزم ومناعه

                                بيتي وأهلي والغلا ولد الإكرام
                                من دونكم ما نلت راح الهياعه

                                اعفوا صويب يشتكي كثرة أسقام
                                والهجر دون الوصل زاد إلتياعه

                                شوقي لكم ما يكتبه حبر الأقلام
                                شوقي لكم يمزع خفوقي مزاعه

                                سافرت مدة وكنها عشرة أعوام
                                واليوم ارجع للأهل والجماعه

                                  تعليق

                                  • *مزون شمر*
                                    عضو مؤسس
                                    • Nov 2006
                                    • 18994
                                    #19
                                    قصيدة / مستر غوريلا

                                    من تفاهات العصر ذا والزمان
                                    من أشباه المرجلة مش خالصين

                                    كل يوم يظهر إلنا في إعلان
                                    يرقل الأقفاص وإنزين إبعدين

                                    ويش يعني ويش صار ويش كان
                                    يمكن إنه يفتكرنا خايفين

                                    يهبى! يبقى الحصيني الجبان
                                    لو يكون إما يكون وكان وين

                                    يا ولد لا تلعب بنفس المكان
                                    دام به ناس ومثلك لا عبين

                                    الهزيله حلت بميرا السمان
                                    والثعالب ودها حكم العرين!

                                    الغوريلا في القفص بالضبط بان
                                    والله إنا من فراقك منعمين

                                    كان عديت المراجل ب/اللسان
                                    المراجل يا صبي الشاشة تبين

                                    خت رجال وكم عندي من إخوان
                                    دمهم حامي حرار وافيين

                                    حن كرام وما رضينا ب/الهوان
                                    عندنا ذمة وأخلاق ودين

                                    الغلط يا إييه من قل الإيمان
                                    والتمادي في الغلط مهو بزين

                                    من يودي العلم وينال الحسان
                                    ويوصل اللي ما يسمى وبين بين

                                    ويخبره أني من الشام العمان
                                    واصل صيتي بعلم الغانمين

                                    بس لجل العلم يا مستر صنان
                                    صون نفسك دامنا لك صاينين!

                                      تعليق

                                      • *مزون شمر*
                                        عضو مؤسس
                                        • Nov 2006
                                        • 18994
                                        #20
                                        قصيدة / لا سامح الله

                                        أسهرت عيني دون مربوح
                                        وأشقيت بال كان مرتاح

                                        حب زرعته داخل الروح
                                        هيف وشوكه خلف أجراح

                                        أبكي زمان مر مشروح
                                        فيه التصافي وفيه لفراح

                                        وقت مضى والسد مبيوح
                                        ما فيه سر بين لرواح

                                        وقت مضى يا الخل بطموح
                                        وأنا معك وأشواقنا جناح

                                        واليوم عني صرت منزوح
                                        كنك نسيت الوقت لي راح

                                        يا خل دونك عشت بجروح
                                        عقبك حياتي كلها أتراح

                                        في وقعة الهجران والنوح
                                        لو طال بالي بفقد الراح

                                        خسرانة ما نلت مربوح
                                        ونته الرصيد وكل لرباح

                                        حيام نوقي وين بروح
                                        بلاك أشوف الوقت شحاح

                                        يا شبه برق في السما يلوح
                                        يا شبه غيم هل نضاح

                                        تكفى وقلي ونت مسموح
                                        ولا سامح الله مفرق أرواح

                                        أنا معك طير على دوح
                                        ب/الشوق للعشاق صداح

                                        تعال خلنا في الهنا أنروح
                                        ونذوق طعم الحب يا صاح

                                          تعليق

                                          السابق 1 2 3 4 5 6 7 8 9 10 template التالي

                                          google Ad Widget

                                          تقليص
                                          يعمل...