للشاعر البحرين الكبير عبدالرحمن الرفيع

هذا زمان المسخره هذا زمان المسخره

جوال ومشيه بفشخره في وسط السوق متبختره

والكحله في وسط العيون والشفايف زود محمره

والصدر تتعمد تفكه تخليه مفتوح ما تزره

هذا زمان المسخره هذا زمان المسخره

لو يسألها ذاك الفقير وين انتي رايحه يامره

جاه الجواب يبهدله وتقول كلام بيقهره

باروح السوق ابشتري فستان للحفله المزهره

وتروح الصاله كنها عروس مزينه ومعدله ومعطره

وما ترجع الا في الصباح وتشيل الزينه الساحره

هذا زمان المسخره هذا زمان المسخره

اخر الشهر تقبض الراتب وتروح المجمع وتبعثره

وتعير ذاك الفقير لو اني مثل غيري ما عشت واياك محسره

شوف فلانه وشوف علانه عايشين عيشه ميسره

فله جميله وسياره كشخه ماهو مثلك تركبني سياره مكسره

هذا زمان المسخره هذا زمان المسخره

لين استلمت ذاك التلفون تبمبع مثل البقره

واتحش في الناس هذا طويل وهذا قصير وحكيها كله مسخره

وفلانه اليوم مطلقه و فلانه ماتت له مره

وكلامها أصلا ماله أساس بس هذره فاضيه وبربره

والوقت يسرع والهاتف يحسب أمواله تروح مهدره

هذا زمان المسخره هذا زمان المسخره

الله يرحم ذاك الزمان الحرمه فيه مستره

كانت تجلس ويا الاذان وتصلي لله وتشكره

وتدعي للناس الطيبين بنفس طيبه وطاهره

هذا زمان المسخره هذا زمان المسخره

مو مثل بنات هذا الزمن تركب ويالاجنبي بيدها روج ومنظره

وقصت الشعر أخر موديل كأنها ديك منفوش جناحه وعرعره

والعبايه تحطها على الكتف حتى الشعر ماتستره

ولو تقول لها هذا حرام قالت كلامك كله دندره

كلامك كله ما يعني لي شي اني فتاه متطوره

لا يخدعوك بأسم حضارة هالزمن اخرتها تالي المقبره

واخر كلامي بالصلاة على النبي واياه العترة الطاهره

( منقول)