تفارقنا قبل ندري من الجارح من المجروح


{مدخل .. !
اشتقت لك قبل اجيك وجيت واشتقت لك
البارحة طول ليلي بين هذي 00وذيك







تسمي غيبتك غيبه وأسميها ذهاب الروح
تسمي هالجفا هذا دلع واثر الدلع قتال




مهو كل البطا يزهر على طول المدى مسموح
ولا كل الأماني لو تصبرنا وسيعة بال





ولا كل الشقا هين ولا كل الخطا مدموح
ولا كل شر به خيره،ولا كل جرح طيب فال







تظن المسألة وقفة خواطر بيننا وتروح
واظن اللي حصل ما بيننا هذا يسمى هبال






جرحنا فالسما نجمه يا دوبك تبتدي بالبوح
قتلنا صوت فرحتنا وهو توه بعد ما قال







قبل ما نعرف نغني تعلمنا شجون النوح
وغنينا الحزن ياما ،ورددنا الألم موال






قبل ما نغري اطيور الفضا ونغري حمام الدوح
حرقنا اشجارنا وطحنا على الرمضا بليا ظلال






تغشانا الظلام وما لقينا في رجانا ضوح
ظمينا ما شربنا إلا زلال من سراب اللال






تفارقنا قبل ندري من الجارح من المجروح
سرى ضيف الغلا حتى قبل لا يشرب الفنجال







أنا ادري ما لنا غير ما كتب ربي لنا باللوح
وأنا في قسمته راضي،له الدبره على كل حال

منقوول





! .. مخرج }
أعن لك لو تصب الموت 000واتهيلك
واجوع لك واتمنى خنجرك واشتهيك
/