تويت
هل عيد الفطر وهليت الدموع
هل عيد الفطر وهليت الدموع = ارحميني يالمواجع اكتفيت
خاطري مشتاق لزين الطبوع = ما يفيد الاه حتى وان شكيت
كنت طفلة اتجهز من سبوع = والفرح بالعيد أكبر ما رأيت
كل شي (ن)طال حتى الزروع= وابتدى حبه بقلبي وابتديت
اتمنى العيد لجل أشوف نوع = من حلى يوم ان شفته استحيت
كل عام ازداد لحبه واجوع = صايمة عن شوفته من عام فيت
اه من حب الطفولة يا جموع= لذة بالعشق من يومي هويت
اسحب الأنفاس غصب(ن) للطلوع= من طرى لي التنفس ما قويت
كل عام بخير انتي ياشموع =مثل وجهك بالخليقة ما رأيت
كل عام يسير زدي في السطوع = من لمحتك يالحبيبة استويت
كلها كلمات من زين الطبوع = ارتقي لحظة و بالحظة هويت
اتركيني اتكلم يا الدموع = ما أذكر انه مر عام ما بكيت
انكشف سري لخلي والجموع= وامنعوني اجتمع به لو بغيت
ليتني ارجع صغيرة في سبوع= لجل ياخذني في حضنه ان بكيت
افتح الأوراق في ضوء الشموع = من رسايل حب عمري ما قريت
الخفي وان طال يظهر ما يطوع= وحبه اشرق في ظلوعي وان خفيت
ينخفض هامي لطاريه فخضوع= ويرتعش طرفي ولخبط ان حكيت
ما تخيلت انتفارق لا ما اطوع= في رجوعه غايتي والا فنيت
ليت بالأيام ماكان الربوع= ليت من جاء بالخبر ماجا ياليت
مات حبي واندفن قبل الطلوع = ليت روحي تسكن بقبره ياليت
اعطش لقياك ثم أعطش واجوع= والقبر أخفاك عني وانعميت
ما نفعني اه وتسكيب الدموع= لو نفعني الاه بالنار أكتويت
أوعدك أصنع من أطيافك دروع= وغير اسمك ماتخذ بالقلب بيت
انا في قبرك معك بين الضلوع= بعشقك حتى ولو بالقبر ميت
بقلمي / أوراق الخريف
تعليق