أنا لوحة .. ح زن تبكي .. عجز عن رسمها فنان ....!


أنا لوحة .. ح زن تبكي .. عجز عن رسمها فنان ....!





أنا بشرح لكم حزني .. وحزني من صدى الوجدان
إذا غاب الحزن عني مسحت إدموعي بيديه


أنا مجروح في جوفي وصوتي للألم عنوان
ونفسي ما تعاف الصبر وهي للحزن مشريه

أسافر في تعب عمري مابين الشوق والحرمان
أصارع موجه العاتي .. وأغوص بدنيا وردية


عسى القى على الشاطىء وله أو شوق أو تحنان
أعالج به دموع العين وأخفف حزني شويه


أنا شمعه في عين الليل وقلبي شايل الأحزان
وعيني ما تذوق النوم وروحي دوم منسيه


يذوب النور في عيني .. وأضيع ماأعرف الألوان
وأنادي يا عيون الليل ترى هالدنيا وهميه


أنا لوحة حزن تبكي عجز عن رسمها فنان
وضاعت كل ألواني وصارت بس رماديه


رمادي لون أفكاري وحزني لو يشوفه إنسان
تمنى الموت قبل الليل وشاف الموته عاديه

أنا مركب غرامي تاه في الدنيا بلا ربان
رماه الموج في صحراء لها شطأن رمليه


وتاهت جمله أفكاري مابين الذكرى والنسيان
وضاعت كل خطواتي في ليلة برد شتويه

وشلت أشواقي وجروحي أوازنها على الميزان
أخاف أشواقي تغلبني وتجبرني على الجيه


ورديت أرسم أحزاني وأسمع أعذب الألحان
عسى ينزاح حزن الأمس وألاقي درب حريه

سمعتوا حرفي الدامي وشفتوا لوعه الحيران
عسى يرتاح كل مجروح ويلقى أفراح تاليه



مما راق لي ...