تويت
رسم ابتسامات
تبي الصراحة لا ضاق صدر الاحبة .. و وقفت خواطرهم دون رد التحيات
ان غضبوا صدقوا فيك المسبة .. و الى رضوا خلوك بعالي السماوات
ان غضبوا صدقوا فيك المسبة .. و الى رضوا خلوك بعالي السماوات
و لامن حير الوقت ايادي الاطبه .. ثم امطر الدمع من كل ضيقات
و احتجت للكلمة من اللي تحبه .. ما هي كثيرة يوم بالرد غصات
تصبح ثقيله و خير رد يذبه .. ( الله يعينك ) هذي اوفى العبارات
و الى طرق راسك عالي مهبه .. جولك يسابق دقهم رسم ابتسامات
مو كلهم الله ربك و ربه .. بس تسعه و تسعين حطهم بالنفايات
مشيت في الدنيا شرقه و غربه .. ياكثر ما جاني و ياكثر ما فات
احلى غلا يا مدورين المحبة .. رفيق يسامحك لا بدر منك زلات
و اجمل عطا و البطن ما يملا يكبه .. خوي يبدل دمعتك بالمسرات
و ارقى ثقة لا طحت باقصى المغبة .. يسترك ما دور بمغبتك شرهات
و اقوى سند لا شفت بالروح غربه .. تجيك فزعاته بليا وصايات
و اكبر كرم لا ضيقوا بالرزق دربه .. يغني يمينك عن خذلان هقوات
هذا الحبيب اللي يرفع الراس قربه .. هذا هو الشوق يا مدور علاقات
هذا غلاك يا كاسر الوجد قلبه .. هذا الصاحب اللي فوق اطلق شنبات
هذا هو الرحمن ينعش الروح حبه .. عطه المشاعر كلها بليا مجافات
يا حظ منهو باع ذا الخلايق لربه .. يشري مودته يوم ذا العمر لحظات
بقلمي ... الرسام
تعليق