تويت
مجنون حبك
قالوا تحبه قلت ياحلو طاريه =قلبي على ذكراه يبدي اهتمامه
انا ما أحبه لا انا ميت فيه= اعطش ويرويني مجرد كلامه
غرقان في عينه أدور موانيه=ودي أتوه أكثر وازيد بغرامه
أذوب في صمته اذا جيت أحاكيه = وافز كلي منجذب لابتسامه
مثل الفرس لاجيت ودك تجاريه= يستوجب العاقل يشد بزمامه
ضاعت بي الخطوة تدور خطاويه= قلبي في بحر الاه باقي حطامه
ليت القدر يمهل اذا جد طاريه = واخفي عظيم الام وقعت سهامه
الجرح عمقه زاد ودي تداويه = لا يزيد جرحي جرح بكثر الملامه
وكانك تغليتي تراني ابكويه= نارك ولا نيران حرق الكرامه
قالوا العقل ما ظننا عاد هو فيه =مجنون ليلى عاد ياهل الشهامه
بقلم /أوراق الخريف
تعليق