تويت
يا شبيه الورد ماللورد منه
قبل أعرفك ما أعرف للورد قيمه
والفراشات أن بغنك ما بغنه
يا حبيب الورد والا يا خصيمه
هن قلبي بالنوايا البيض هنه
وهن راسي يوم ما يرضى الهزيمه
وهن عيني يوم ما تدمع لأنه
دمعة الرجال نقصان العزيمه
شوف .. ماضي .. في غيابك صار كنه
نازح العربان مكسور الشكيمه
وش طراة العمر يوم تغيب عنه
وأنت قلبي صرت تجري في صميمه
غن لي بحلى قصيدي فيك غنه
من جديد الشعر والا من قديمه
هاجسي بعدك حشا ما حركنه
عابرات الدرب .. والليل ونسيمه
والفكر لو ما بناته طاوعنه
والله إن الأفكار من ( عاما عقيمه )
جعل مزن فيه للرعاد حنه
من ورى الخفجي نشى .. يفهق رحيمه
صوب من يغليك وظروفه عصنه
يمكن يشمك معا قطرات غيمه
يا جنون الحب .. يا روعات فنه
سعد أبو ,, من صرت في ليله نديمه
الغلا والعشق بين الناس سنه
والمحبة وان طغت ماهي جريمه
القصيده ل الشاعر/ ماضي العضيمان
تعليق