صباح الورد عالحلوات

كيفكم حبيباتي .........طبعا قبل لابداء احب اقول لكم انا انسانه احب الحركات القديمه المفيده طبعا


طبعا شعري متوسط الطول قولو ماشاء الله ماصدقت يطول 3 سم


اهلكته بالإستشوار والمكوى ... والمكررر والجل والصبغات وغيرها

اخيرا خلاص صار شكله مره ضعيف ويتساقط بشكل كبير ومن مقدمة الراس صار خفيف


ايش سوووويت



اخذت الأشياء اللي دمرت شعري من استشوار وغيره وحطيتها بكيس وربطها واعطيتها امي وقلت لها مهما صار لاتعطيني اياها حتى اذا زعلت وعصبت



وبديت بالمعالجه وكلها الأدوات سهله اللي عالجت شعري فيها


اخذت ....كأس زيت عافيه ......وكأس زيت زيتون .......وكأس زيت خروع


وخلطهم مع بعض وحطيتهم بعلبه .......وصرت فالإسبوع احط منه مرتين او مره على حسب المزاج ...وقبل لاحطه احطه عالنار شوي حتى يدفى


طبعا بعد اسبوعين تقريبا الفراغات اللي في مقدمة راسي اختفت وربي يشهد علي والحمد لله صار فيه صحه بشكل ملحووظ



طبعاقول لكم كيف اسوي بشعري حتى ينفرد بدون استشوار وخرابيط


بعد ماتغسلين شعرك من الزيت او متى ماتستحمين ....


اذا قرب ينشف من المويه حطي شويه سيروم كرستال ...حق الإستشوار انا اخذه من الصيدليه


وافرقي شعرك من الوسط ولمي مقدمة راسك((القصه))بشباصه حتى تنتهين من الشعر


بعد ماتفرقين شعرك حطي اللي فاليمين شمال والعكس يصير زي كذا X


وحطي البنس في كل مكان عشان تمسكه بعدين قصتك شديها ببنسه


وانتظري حتى ينشف بالطريقه هذي وربي شئ خيال تستغنين عن الإستشوار واللي صنعه بعد



هذي الحركه احنا نسميها (((طاقيه )) لا انها على شكل الطاقيه واسألي امك او جدتك


وتمتعي بشعر جميل بطريقه جدادتنا




لاتنسوني من دعواتكم



دمتم بحب