تويت
البارحه هاضت على التفاكيرر..مجبل السعيدي..
بسم الله الرحمن الرحيم
السلام عليكم ورحمة الله وبركاته
قصيده مجبل الزامل السعيدي في وفاه رفيقه دربه اثناء الولاده..
الله يرحمك يا أم خالد ويغفرلك ويغمد روحك بجنه الفردوس..
البارحه هاضت علي التفاكير
وعجزت أنام ولاكتبت القصيده
أقصد على خل ورد جمه البير
قفى وخلاني بصدمه شديده
يوم الثلاثا العصر لاعدت بالخير
تسع تعش سبعه غدت لي فريده
مدري شوصف يومها كنت أناغير
إنسان اخربس يشر بأيده
سألت أنا الدكتور بشر تباشير
قال العوض قلت فالكم مانريده
يومنها ضاقت علي التعابير
وهلت دموعي في ثواني عديده
ولأني مؤمن بحكم المقادير
وأعلم بأن الله رحوم بعبيده
رضيت بالمكتوب من دون تفكير
بالذات يومه وأدعتني شهيده
ويالله تقبل دعوتي دون تأخير
وبجنه الفردوس تبقى سعيده"اللهم امين"
ولو العمر يرجع بجمع الدنانير
والله لأمهلها سنيين مديده
وأن كانها بالسيف لاجمع طوابير
وأردها وأنطح جموع عديده
ياناس هذا الموت مايفيد تحذير
نرضى بحكم الله ونهج العقيده
تكفى ياخالد لايجي منك تقصير
ترى الحياه اليوم صارت زهيده
وانخي مديح لا أنتهض كنه الطير
حر يبي الطولات يسوي بديده
وباقي عيالي كلبوهم مساطير
أخوان شعيع محتمين الشريده
ترى العوض في روسكم يالمناعير
ويخلفكم بأطيب في حياه جديده
والله يوفقكم على نيه الخير
ويزينه ويجعل اخطاكم سديده
وصلوا على اللي طهر الحق تطهير
محمد المختار سنه حميده
وسلامتكم..
تعليق