تويت
%%% رفيقي %%%
رفيقي ماطاوع في وأنا ما اطاوع فيه
ومن بيننا مايدخل الاش والهافي
ليا من تباطيت اتصلاته احاكيه
والى من تبطاني مثل موقفي يافي
على كثر ماأمزح معه وأكويه وأقاصيه
على كثر ماهو طيب وقرم وسنافي
بعيد المشاحي والنظر فوق مايدنيه
حبيب ولبيب وللمطاليق ميلافي
وسيع البنايد وسع صدره على أمحاكيه
وصبره على اللي بيننا بين وخافي
مافي ايديه في يدي ومافي يدي فيديه
وأنا صافي له وأبيض الوجه لي صافي
ليا من تمارى طيب الراس فأبن أخيه
تماريت في فعل البنيني وأنا وافي
ماني بجحد المعروف والطيب من راعيه
أجازيه وأدبله من أخيار الأصنافي
والى قيل منهو قلت ياحي من طاريه
تمارى به اربوعه على كل ميقافي
ابو مبارك اللي وقفته مالها تشبيه
علي المبادي مدهل الضيف والافي
على الضد شرس وحنكته ماتبي تنبيه
وللصاحب أخلاقه عذيات وأنظافي
يعشق المراجل وأسهم الطيب ماتخطيه
تشوف الفرح بحجاج معدوم الأوصافي
راعي مرحبا وارحب ولبيه ياداعيه
وراعي وقفة في راسها جن وشعافي
يموتون قوم البهرجه ماأبحثو خافيه
بحر طيب يتعب كل مركب ومجدافي
وأنا من بعض ما أكن له جبت مايعنيه
لو انه غني من مدحي وبدع محرافي
ترى من يحجب النور ويحاول ايغطيه
مثل من يحاول يحجب الشمس ياكافي
لاتنسون التقييم
مما اعجبنى رشه عطر تحييكم
$$ لحظه شموخ $$
تعليق