تويت
السلام عليكم ورحمة الله وبركاته
(أبيات تعبر عن نفسها) وأتمنى أن تحوز على جزء من رضاكم
ليتك بعد ما غبت معاد تنشاف
وياليتني معاد انا أطريك مره
القلب قبل العين لا جيتني شاف
والدمع بعد الرمش بالخد حره
لا شفتني جنب ترى مامن اخلاف
بعد ترى بتزيد بالمر مره
تدري وش اللي كنت اسويه وخاف
أحد رجلي صوب بيتك ومره
وفقدانك اللي باكين سبته قاف
تدري شسواته يكفي الله شره
سوات فقدان العوازم لنواف
بس انت حي وليت وجهك تفره
صنفت تفكيري من اسبابك اصناف
اشغلة تفكيري ولابه مسره
ماغير تطلعلي على كل مشراف
وتجرح بقلب(ن) كل يوم.ن تضره
باقي على بحر الغلا لاوي اجداف
حتيش لو البحر دونك وبره
اعيش بوهامي واشوفك بالاطياف
وشوفتك بالواقع على القلب حره
ودعتك الله والرجا باخر القاف
صح الله السانه ولله دره
تعليق