السلام عليكم ورحمة الله وبركاته

في زمان الصمت عيني عاشت الوحدة حزينه

ماتهنت فالمنام ولاتهنت فالمقامي

بسمتي في دمعتي محبوسة ماتت سجينه

نور صبحي منغشي في ليل معتوم الظلامي

اه ياقلب تعذب فالهوا فارق ظنينه

فاقد خله يعاني كثر شوقه والهيامي

الهموم اليوم حوله من يسار ومن يمينه

حفته يوم المفارق في حياته له توامي

فحفحات الصدر من نار المفارق به دفينه

مع جروح وسط روحه غارقات فالمدامي

خبروا خلي بعد ماغاب جريت الونينه

طول ليلي من همومي ساهر عفت المنامي

خبروا زين السجايا لو تلاهتبه سنينه

بذكره في كل يوم وبذكره في كل عامي

وافي للزين حالي ناحل سبة حنينه

مابقى فالجسم ياغير العصب ويا العظامي

خبروه اني صويبه روحي ابحبه رهينه

خبروه انه رما قلبي خطيرات السهامي

وخبروه إنا رغم ماصار نبقى عاشقينه

دام فينا عرق ينبض حبهم عاش الدوامي

من يذوق امفارق الاحباب حنا راحمينه

من بعد ماذقتها نار المفارق ذوق حامي

ومن يهل الدمع حاير محنا والله لايمينه

لو نلومه ياعرب حنا ترا قبله نلامي

ولو قضى عمره وحيد في حياته عاذرينه

هكذا جو الغرام إليا حصل وسطه غمامي

ياطيور الجو جرح القلب ليتك تحملينه

للغلا كوده يشوف الجرح ويصون الغرامي

ومع جروح القلب ليتك عن وفاتي تخبرينه

خبريه اني قتيله عقب تهديله سلامي

في زمان الصمت كثر الهرج حنا تاركينه

إلتزمنا الصمت عزلنا هزيلات الكلامي
قصتي قصه قلب
مع تحيات ورده فايحه..

_________________
ما فائدة القلم إذا لم يفتح فكرا..أو يضمد جرحا..أو يرقا دمعة..أو يطهر قلبا..أو يكشف زيفا..أو يبني صرحا..يسعد الإنسان في ضلاله