بسم الله الرحمن الرحيم

السلام عليكم ورحمة الله وبركات

صبا الخير للجميع,,,,,,,,,,,

ابيات اتمنى ان تنال على القليل من اعجابكم




سلامي على اللي له مع الحاضرين احضور
ولو غاب له ذكر يكفي عن حضوره
أ
حييه باسمه وابتسم له بصدق شعور
ولا اعذربه لو شفت عجفاه وقصوره

ما دامه عسل سدر وعبير وعطر وبخور
واليا اقبل علينا بان مثل القمر نوره

واليا اقفى عليه انعد الايام عد دهور
مغير انتحرا نوره وساعة اظهوره

لو أنه صغير وجاهل ولا يطيع الشور
ودايم على رايه وشوره ودستوره

له الحق لو نعطيه ما يطلبه بالفور
لجل ما يقول نفوسنا منه مقهوره

ولا احد يضايق خاطره.. خاطره مكسور
من الوقت وأقداره وما يقتضي جوره

وقولوا له انك ناقد وشاعر مشهور
وكاتب وأديب وباحث تم ماثوره

وخلوه يستانس يعيش العمر والدور
واذا مل من دوره بعد غيروا دوره

وداروه كود إنه يحس ويشوف النور
قبل ما يطلع واسع الحلم من طوره

يا وقت المجامل لك جزيل الثنا.. مشكور
لياليك سود. ف/ ليه ما تستر العوره؟!

خذ الصدق مني وهات منك الاذى والزور
ولا العين سهرانه ولا النفس مقهوره

أنا لو يزيدون الحكي ما علي قصور
هل العرف ما تجهل والافعال مخبوره




وسلامة الجميع وسمحوني على التأخير,,,,,,