وش لك بحالي وقلي وش هي احوالك


وش لك بحالي وقلي وش هي أحوالك = إترك علومي وسولف لي عن علومك


عن جرحي اللي مضى لاينشغل بالك = تعال كمل بحضن المهتوي نومك


أنا على حد خبرك ارجي اوصالك = كلي أمل يوم أحقق فرحة قدومك


غالي ولازلت في حلك وترحالك = رضيت باللي عطاني منه مقسومك


بالعين وإلا ترى بالقلب منزالك = وسط الحنايا تراها تومي رسومك


تدري بهالكون يصعب عندي أمثالك = يدينك المسك والريحان بكمومك


ليل وقمر مجتمع في وجهك وشالك = مثل البرد لاتبين ضوح منضومك


مافي خفوقي فرح إلاعلى جالك = مابل ريق المولع غير ديمومك


عطشان لي مدة ماذقت همالك = يسقي ملا هيث شوقي بارق غيومك


لاتبتعد وإنت تدري إني ظلالك = كل المشاعر تميل بورد يشمومك


في غيبتك كم تمنيت إني قبالك = المس بصدر الليالي اخر حلومك


لك يمة الفكر والإحساس يبرالك = وش لون مدري ولكن هذي سلومك


مافيك حيلة ودايم طيب فالك = حتى لوإنك نسيتن صدق مالومك


عساي أحقق رضاك واكسب امالك = إنت الرضا لايتغير فيك مفهومك


لاتنشد الحال قلي كيف هو حالك = أخاف تدري وتكثر عقبي همومك