اتململ في مكاني والقلم مثلي تململ

..................... ليلة ً حتى قمرها يحجبه عني سحاب


خامس الاقلام هذا اربعه عجزت تحمل

.................... واحد من الاربعه جن.. وثلاثه اكتئاب


يالله يالله ماني مصدق عساني بس اكمل

.................. كان هالخامس قدر يصبر عليها ياشباب


ياقلم صبرك عليها هالقصيدة بس تجمل

................ لا تخرب هالقصيدة والله ان الطرق طاب


لا تخرب لحظة ً يدعونها لحظة تأمل

............... والبراعه فالشعر تارد وتشرب من سراب


والله ان الشعر ايلا جاء اتدثّر واتزمل

........... ووالله اني من احس بهجسه احسب له حساب


القصيدة ما تصنّع ولا تخطط وسط معمل

.............. صدر راعيها هو المعمل وهي قطعة عذاب


ان بغيت اكتب قصيدة فيك ابداها وابسمل

........... وان بدت بك تدري اني جيت اوردها الصعاب


والله انك كالخزامى لانبت في وسط حرمل

................ يارد النحل الخزامى ويارد الحرمل ذباب


لين خليت القصايد ما درت بك كيف تعمل

............... ذي تصيح وذي تنوح وذي تفتش فالزهاب


تبتدي رحلتك لكن ما تكملها وتصمل

................. تدعي لكن ايلا جت حزة الصمله تهاب


انتي احلا وانتي املح وانتي ازين وانتي اجمل

............ ما اطول لسان القصايد بس كلن عندك تراب