تعبت أشكي تعبت أبكي تعبت أحكي ماسي الروح
قتلني الوقت بظروفه ذبحني وجفف أنهاري


أخبي علتي وأسكت وأنا في داخلي مذبوح
أجامل وأرسم الضحكة وأنا قلبي على ناري


أحاول والله يعلم بي أداري دمعتي لا أبوح
أداري الجرح وأتجاهل عن اللي ينشد أخباري


أقول بخير لكني جريحة وفي حشاي جروح
صداها لو دفنته يوم يبين سنين بأنظاري


صرخت بحسرتي يكفي صرخت بصوتي المبحوح
ألا يا وقت وش ذنبي عشان ألفيك بأعذاري


تبعثر حلمي قدامي وغديت بدنيتي منزوح
وقفت ولا قدرت أجمع مغير مشتته أفكاري


أمني النفس وأخدعها وأقول إن كربتي بتروح
وهي والله مولودة قدر فأرحام أقداري


قتيلة و البقا براسي في دنيا مابها مصلوح
قتيلة و القهر قاتل من اللي يأخذ بثاري


أنا ببقى ضحية وقت أعاني والعنا مجروح
دعيت اللي خلق يرحم رجيته ربي الباري


أبي أسعد أنا بلحظة قبل نزعة توافي الروح
قبل ما ارحل عن الدنيا وأروح لاخر دياري


أنا بأحمل صديد الجرح في باقي وقتي المسموح
وإذا وافتني القدرة ترى هالبيت تذكاري


رثاني دمعي الطاهر في صمته مارضي بالنوح
رثتني قسوة الدنيا ورثتني حتى أشعاري


وجزت اللي ذبح قلبي وعشته بالخفا مجروح
لجل ما ضعف بعين اللي نشدني كيفها أخباري

اترك لكم حرية الاختيار