مرغوبة العاشق .. وغايات المنال
ودواء الجروح اللي تعسر طبها !!

غيدا " بتول تحترف فن الدلال !!
ودك تقهوها .. قبل لا تصبها !!

( في ابهتها طلعة مضاوي هلال
احبها .. واتوقها .. واحبها )

مخلوقة من زبد .. لو تلمسه سال
ونعومة حكاها .. كذا من ربها !!

وبنت الرجال اللي نسبها ال ال
قوم تنوش المرجله .. وتذبها !!

واللي لا هب فوجهها ريح الشمال
قمت استشك !! ان الجنوب تهبها !!

الخصر يرسم انحدرات التلال
وردوفها .. من ثقلها تلعب بها !!

يفوح منها المسك والخمر الحلال
كنه على ذيك الشفاه يعبها !!

وخدودها ورد شذى عطره خيال
خلا ( فراشات الورود ) تربها !!

ولا قالت من الشوق يا عمري تعال
شليت ذا الغتره وقمت اضرب بها

فديتها اللي لا اوقفت من الاختيال
تستنقص اللي يوم تاقف جنبها !!

أشوف فيها .. انها لي ( راس مال )
وتشوف فيني .. ( فارس " مغرم بها )

مياسة القد !! وضفايرها طوال !!
هي معجبه فيني وانا معجب بها

تشيخ فالخفرات واشيخ الرجال !!
وتشب فيني الشوق وانا اشبها

احبها ولغيرها .. مابه مجال !
وجميع مابي من ( غلا ) في لبها

مهوب لازم انها .. ملكة جمال
أهم شي : ( تحبني واحبها )!!