مدخل ..//
كل مافيني يبيك.. // .. حتى نبضي يرتجيك
إنت قيدي والمليك.. // .. شوفني كلي بجيك



ارسميني في عيونك في خيالك بعثريني
خلف جفنك صوريني لملميني من شتاتي
واقربي لا تلمسيني واتركي الدمعه بعيني
المحيها عشق طاهر تكتب بخدي وصاتي
اقري حروفي جروح تنكتب بينك وبيني
بالسطر حبر الوريد بالقلم فكري وصفاتي
ابعدي شوفي المسافه بس لا لا تتهجريني
لانك اقرب من وجودي مالكه كلي وذاتي
اعشقك نبض واعاني صدق احبك لملميني
لاتضني حب عابر صدق في بعدك مماتي
برخصه لك نبض صادق مايخونك صدقيني
اهجر العالم واجي لك نهر خالد في حياتي
والعبي لا لا يهمك كل طيشك يهتويني
راضي بكلك وعندك طحت بالحب وغلاتي
طنشيني اضحكي لي وإلا تدرين احتويني
بزعل بلحظه وانادي ياملاكي ياغناتي
إيه أحبك يا اللعوبه إيه يا اجمل سنيني
إيه أحبك في هيامي في جنوني في ثباتي
إنزعي كل الحواجز واشغلي جوفي حنيني
جربي مره وذوقي سكرة العشق بعباتي
ضيعي في عشقي وقولي ياحبيبي ياضنيني
ما أبي بعدك كفاني شوفني وه. ياحلاتي
بسكت بلهفه وانادي ضيعيني ضيعيني
اه. يالريم التعوبه صرت احسك في مباتي
ينشرح صدري والمك والجدايل تحتويني
اهمس بقلبك احبك إنتي قيدي وامنياتي
اتنفس نور وجهك ياضوا ليلي وانيني
اتبعك واتبع شعاعك اغرق وانسى أهاتي
احلف بربي اصونك لو تروحي وتجرحيني
دام قلبي اختار قربك إيتحمل كل سواتي
ينجرح يلعن سواته لو تقولي ماتبيني
ماضربته ولا طلبته يعشق القمرى ويحاتي





مخرج ... //
ليه تشغلني وتروح ..//..وإنت لي قلب وروح
ماكفاني هالجروح .. // .. وإنت في وصلك شحوح
مما راق لي