تويت
قال النظر
الطريق اللي هجرته يا حبيبي دعاني
بيغنيني الرزاق عن جلسات تدويني
ضيعت وقتي مدري ويش اللي عماني
عن دروب ضحكاتي و فرحات عيني
صحيح يا وقت ما وصل منك كفاني
يا كثر صمتي عليك يوم انته معنيني
لا صرت في قربه كنه واحدن ثاني
و ان غبت دورني وين موقد حنيني
ما جيت ادور قلب و زيف و مواني
و لا سألت الروابط وين انتي توديني
قالوا ادخل قلت ادخل جوات المباني
تعال شاركنا .. شاركت بدما شراييني
لاني عاهدت القلم ب اصدق معاني
و اشعلت شمع الفكر اللي محليني
قالوا سفيه قلت ليته مير الله بلاني
قالوا مفارق قلت احساس يرثيني
قالوا الكذاب قلت اسلامي يعاني
قالوا الحاسد قلت ربي و مغنيني
قالوا المغرور قلت العالي عنواني
قالوا مكابر قلت ما اخذل شاريني
قالوا و قالوا و انا معدي بميداني
ولا مثلهم يتعب عزومي و يشقيني
لاموني الخلق خطاك تتنزل لهم ثاني
مثلك كبير يعيش و اتركهم موليني
اترك العالم ما من ورى فكرهم شاني
قلت البلا التضليل لو هم مصليني
و اليوم في روحي كثير الشوق عناني
للبر و مسامر الجمر و دلة تقهويني
في مهمهن بالخلا كما طير حوراني
اسوق الخطا بعناد و كفي يعشيني
مع رفقة رجال ما فيهم حر خلاني
خوة نجوم عن هبا وقتي تسليني
اشيل صوتي معاهم يا خل يا جاني
و يجاوبون الصوت وينك يا معنيني
قبل الفجر شب نارك و ربك الحاني
و هات السلاح ب ارقى يا منسيني
و اصد عن ناسن قال فلان و فلاني
نافخين صدورهم للبنات زين يا زيني
روس من عقولها خلت فكرها داني
يشوفون المحبة كم بنتن تحاكيني
لا قلت السلام رد قاضين يا ماني !
راح ينشد القيرلز هو اش يبي فيني ؟
و لو يظن ان البنت ذيك تهواني
جاء يسائلني كم عندك مزاييني ؟؟
او يجيك واحد يقول يا انت قوماني
لجل يلفت نظر من ظن انها تواسيني
مثل الطهر ثوبي و سلاحي الواني
ارسم و اطرب العالم بلوحات تلويني
لكن مما شفت لقيت ارواح تظماني
احساسنا واحد و ذا الحرف يغريني
يوم غابوا قال النظر محدن ب يملاني
قلت يا لون الظلام تعال اليوم عزيني
ب البس لوحاتي سواد للعالم الفاني
عسى الذي صاب هالجيل يا رب يخطيني
و شلت القلم عن كفوف اوراق تنعاني
الى هنا يكفي وش بعد باقي توريني
بشوم نفسي و اقول يا العبير انساني
يا شذا الاقلام عفت البوح اعفيني
اليوم في روحي كثير الشوق عناني
للبر و مسامر الجمر و دلة تقهويني
في مهمهن بالخلا كما طير حوراني
اسوق الخطا بعناد و كفي يعشيني
مع رفقة رجال ما فيهم حر خلاني
خوة نجوم عن هبا وقتي تسليني
اشيل صوتي معاهم يا خل يا جاني
و يجاوبون الصوت وينك يا معنيني
قبل الفجر شب نارك و ربك الحاني
و هات السلاح ب ارقى للي منسيني
يمكن بعد مدة يصافح الود اخواني
يمكن بعد مدة هدير الصمت يطويني
بقلمي
:: ناصر العبدالعزيز ::
الرسام سابقا
تعليق