((((((رحل وعاد فقالت له)))))) 
جيتك على الموعد ولا اخطيت المكان
كيف ذاكرت الغلا تخطي وعدها معك
ادري احنا كبرنا وابتعد فينا الزمان
لكن الذكري وغلاها سابقتني تحضنك
((((((ولازال صامت فقالت له))))))
ليه ساكت من عقب هالوقت كله
طمن اشواقي تري ذوبت فيني الانتظار
قول حبك ياهواء قلبي بمحله
وين بلقى مثل حبك فيك انا اصدرت القرار
((((((ولا زال صامت بل بداء احساس الخوف يتسرب منه الى عينيها فقالت))))))
ليه خايف شوفني بمسك يديك
ليه في عينك دموع وفيك هم
لاتكلم دام هذا يريحك لا ماعليك
بس عشاني ياهواء بالي تبسم
(((((((((حينها فقط تكلم وليته لم يفعل فقال وقالت)))))))
خنت وعدك ايش عيد اش تو قلت
يمكن الاشواق والفرحه شوي موترتك
خنت وعدك قصدك انك خنت
وإن خبرك بالوفاء لحظه عيوني مودعتك
((((((((فخاطبته بغضب وعتاب وقالت))))))))
ليه يعني عذبتك الوحده وعفت الغياب
او تثاقلت الصبر لعيون حبي 
ليه مافكرت فيني قبل تقفل الف باب
خنتني لكن حسيبي فيك ربي
((((((صمتت للحظه وبعد ذلك رفعت راسها بهدوء وقالت))))))
من عقب ما كنت اشوفك كل شي
صرت اشوف اكبر خساراتي معك رد السلام
كنت احسك روحي اللي تعيش في
بس حسافه خنت روحي وخنتني وبلا احترام
((((((وبعد هذا كله رحلت ولكن وقفت قليلا واستدارت عليه وقالت))))))
تدري مبسوطه رغم كل هالعنا
والسبب يرفع جنابي ويطرحك
شف وانا(حرمه) وفيت اذا انا
ماجرحتني خيانتك انا اجرحك