هي بنت اسمها العنود مخلصه الثانويه وجالسه في البيت

وهي ما لها خلق تدرس بالجامعه فكرت انها تجلس بالبيت

لما تقرر انها تروح الجامعه

وهي من النوع اللي لازم كل شوي تروح عروس و عزايم

وامها تغصبها تروح للعزايم والعروس عشان تنخطب

الام : يا بنتي لازم تروحين معي عشان اذا ما تبين الجامعه

تتزوجين وتجلسين بالبيت متى ما تبين.

العنود :يمه ما ابي مو غصب حتى لو زوجتيني ابنحاش

ما ابي اتزوج بالعربي .

الام : اقول لا يكثر البسي ملابسك ويلا انتظرك برا .

العنود : يا رب صبرني .

وصلو للعرس والا اخو العروس (فيصل)
توه جاي بسيارته
وامها انهبلت لما شافت اخو العروس عشانها كانت
تبيه يشوف بنتها العنود ويخطبها والعنود كانت
نايمه بالسياره وكل شوي امها تقوم العنود عشان
تخليه يشوفهاوالعنود كانت نايمه بالسياره وانزلت امها
وتقول

الام: العنود يلا قومي تراي نزلت .

العنود : انشاء الله .

ويوم نزلت العنود من السياره طرحتها طاحت وراحت

تجيبها والا اخو العروس (فيصل)
شاف وجه العنود وحس بشعور
غريب ما قد حس فيه ودخلو والعنود كعادتها لما تروح

لأماكن زي كذا تقعد في مكان ما فيه احد عشان هي

من النوع اللي ما تحب تسولف مع ناس ما تعرفهم

وشافها اخو العروس وقال

فيصل : احس اني قد شفت هالبنت من قبل وتذكر

انها هي اللي كانت طايحه طرحتها وتجيبها

وبعدين راح فيصل لعنود عشان يقعد معها

والعنود اول ما شافت فيصل قالت

العنود: من هو ذا اول مره اشوفه

فيصل : انتي وش قعد تسوين بالحالك

العنود : وانت وش دخلك

فيصل متفاجئ : دخلني اللي دخلت انتي شكلك من النوع

اللي كل ما يسألها شخص تردين عليه بهمجيه صح ولا لا ؟

العنود: شف انا الحين مو رايقه ابدا وما لي خلق اتناقش

مع شخص مثلك طيب والحين لو سمحت تضف وجهك

فيصل : انتي بالله وش مشكلتك ها

العنود: افف اقول بس اروح بدال ما احط عقلي بعقل

بزر

فيصل : احس انك تحبين المشاكل ولا ؟

العنود : تكفى لو سمحت انا الحين ما لي خلقك فاهم

( العنود دقت على سواقهم من دون ما تدري امها عشان
يجيها وطلع سواقهم نايم)

العنود: يا ربي وش يبي ذا كل ما ادق عليه ما يرد اففف

وش هالحاله

سمعها فيصل وقالها : تبين توصيله

العنود: يا شين حظي وبعدين وافقت

واركبو السياره وما تكلمو مع بعض لما وصلت العنود البيت

العنود: مشكور

فيصل: العفو

العنود: اي صح عندي سؤال

فيصل: تفضلي

العنود: انت ما قلتلي عن اسمك ممكن اعرف ؟

فيصل: انا طال عمرك اسمي فيصل

العنود: اها طيب مع السلامه

فيصل: مع السلامه

في اليوم الثاني الام تقوم العنود عشان تروح لخالتها

الام:العنود

العنود:هلا

الام: اليوم عازمتنا خالتك وش رايك نروح لهم؟

العنود: يمه خلاص والله مليت

الام: عشاني هذي اخر مره عشاني عنوده

العنود: اه طيب ابروح البس

يوم وصلو عند خالت العنود

العنود: يمه فيه عيال هنا

الام وهي تكذب على العنود : ا .. لا لا اصلا

ما فيه الا انا وانتي وخالتك

العنود: اشوى ولا كان انحاش وانتحر

الام: لا تبدين طيب

العنود: افففف طيب تامرين امر

الخاله:هلا حياكم .. العنود من زمان عنك وش اخبارك

العنود: الحمدالله بخير

الخاله: الحمدالله تفضلو .. تفضلو

الام راحت تقعد مع الخاله والعنود راحت تتمشى بالحوش

وفجأه رن الجرس ودخل فيصل والعنود كانت مو لابسه

عبايه وانحاشت قبل ما يشوفها وفيصل ما شاف
وجهها لحقها يبي يشوف من هي يوم مسكها على طول
طاحت على يدها ولقى انها العنود واهو كان ما يعرف
انها كانت هي والعنود كانت تصيح من وجع يدها

وفيصل شاف الدم اللي على يدها كثييير وراح

على طول شالها وداها المستشفى

اتمنى انكم استمتعتوا واشوفكم بالبارت الجاي ^^