يوه ياكثر الكلام اللي بصدري ماحكيته
غيبتك قسمت فوادي من عناها الف قسم
رحت ادور في وجيه الناس وجهك مالقيته
والحكي من غبت عني ماسمعه تقول اصم
حتي دربك يوم ازوره تقول ماعمري مشيته
كل الاشياء اللي اعرفها سور من رحت انهدم
ليلي اللي كنت اعيشه فيك لا جاني سريته
عقب ماعشته سعاده في غيابك صار هم
ونومي اللي ياخذ احضاني لقربك ماهتنيته
قسوه غيابك عطتني للممات وقال تم
بس والله الوداد اللي هنا لك ما نسيته
حافظه بين الحنايا ماترك في العرق دم
مسكنه في عروق دمي من شراييني سقيته
مابدل هالغلا دام العروق تضمك بهالحب ضم
حاول ترجع ليالينا عشان اللي خذيته
يستحق الورد ترجع احضنه طيبه وحاكيه شم
يستحق الحب يرجع يوه وش احتريته
ارجع وجدد غلانا وعطني فرحه واخذني هم
ارجع لليل الهوا وحاكيه كم لك ماضويته
قول ايه ابسمع قول احبك وابتسم
لا توقف لو خجلت قول كل اللي بغيته
قول لي انتي عسل وكل حلات الناس سم
قولي انتي عطش يستحيل اني رويته
قولي انتي المديح وما بقي في الناس ذم
قولي انتي الطريق اللي احبه لا مشيته
وانتي بحر ومانخلق في هالبحر ساحل ويم
 ايه كمل لا تصحي الصمت مبطي ماعفيته
خلنا نحكي وله ونتسامر حب واحساس ونغم
تكفي ارجع ورجع لهالخافق المجنون صيته
مالقى في غيبتك مايستحق انه يتم،،،
بقلمي المتواضع،،،