تويت
وقت الضروره............... من أشعاري
اللي مايحسبني بوقت الضروره ليش يتسمالي بداع الصداقه
اللي عن اهل الطيب تقصر شبوره ماهو رفيقي عيب معه الرفاقه
بيت الصداقه مارقى العذل سوره ولا وايقوه اهل النمم والنقاقه
واهل المنافق بينه ومخبوره سوسه تبى تنخر عضام العلاقه
ناسن على اللي معك دايم غيوره سم بعسل يخدعك باحلا مذاقه
واللي حكالي عن صديقي قصوره رماني بسامع في صديقي نفاقه
دار الزمن فيني ثلاثين دوره وعندي على قطع التجارب لياقه
قام الزمن يلعبنا لعب كوره بين العقل والطيش والا الطفاقه
معاد تملكنا النفوس الصبوره وماعاد لنا فاخر الوقت طاقه
الله يثبت كل نفس جسوره دام الزمن فينا مجود وثاقه
تعليق